តែបៃតង អូអ៊ិឈិ ឧបត្ថម្ភអាល់កុលសម្លាប់មេរោគចំនួន ៣,៦០០ លីត្រដល់មន្ទីរពេទ្យទូទាំងប្រទេសតាមរយៈក្រសួង...
តែបៃតង អូអ៊ិឈិ ចូលរួមថែរក្សា ប្រទេសកម្ពុជា, ឧបត្ថម្ភអាល់កុលសម្លាប់មេរោគចំនួន ៣,៦០០ លីត្រ ជូនដល់មន្ទីរពេទ្យនៅទូទាំងប្រទេសតាមរយៈក្រសួងសុខាភិបាល ដើម្បីចូលរួមទប់ស្កាត់ការរាតត្បាតនៃជម្ងឺ កូវីដ-១៩
រាជធានីភ្នំពេញ៖ ចាប់តាំងពីមានការផ្ទុះរាតត្បាត និងការបន្តរីករាលដាលនៃជម្ងឺ កូវីដ-១៩ ក្នុងប្រទេសកម្ពុជា មានស្ថាប័នជាច្រើនបានបង្ហាញនូវក្តីព្រួយបារម្ភ និងផ្តោតការយកចិត្តទុកដាក់ខ្ពស់បំផុតលើបញ្ហានេះ។ ជាពិសេស មន្ទីរពេទ្យ និងក្រុមអ្នកជំនាញផ្នែកវេជ្ជសាស្ត្រ ជាអ្នកដើរតួរយ៉ាង សំខាន់ក្នុងការទប់ស្កាត់ការរាតត្បាតនៃជម្ងឺ កូវីដ-១៩។
តែបៃតង អូអ៊ិឈិ ដែលជាភេសជ្ជៈតែបៃតងលំដាប់លេខ១ក្នុងប្រទេសកម្ពុជា បានចូលរួមចំណែកក្នុងការការពារតាមរយៈការជួយគាំទ្រដល់ក្រុមវេជ្ជបណ្ឌិត និងក្រុមអ្នកជំនាញផ្នែកវេជ្ជសាស្ត្រ
ក្នុងប្រទេសកម្ពុជា ដោយរួមសហការជាមួយ និងក្រសួងសុខាភិបាល បានផ្តល់ជូននូវទឹកអាល់កុលសម្លាប់មេរោគចំនួន ៣,៦០០ លីត្រ ម៉ាស់ចំនួន ៤០០០ រួមជាមួយ ផលិផលតែបៃតង អូអ៊ិឈិ ចំនួន ៣០០ កេស ភេសជ្ជៈរេងជឺរចំនួន ១,០០០ កេស និងទឹកសុទ្ធចំនួន ២០០ កេស សរុបជាទឹកប្រាក់ចំនួន៣៦,៦០០ដុល្លារអាមេរិក ដល់មន្ទីរពេទ្យ និងមណ្ឌលសុខភាពនៅទូទាំងប្រទេស។ នេះជាការចូលរួមចំណែកដើម្បីប្រយុទ្ធប្រឆាំងនិងទប់ស្កាត់ ការរាតត្បាត នៃជម្ងឺ កូវីដ-១៩ ក្នុងប្រទេសកម្ពុជា ក្រោមយុទ្ធនាការ តែបៃតង អូអ៊ិឈិ ចូលរួមថែរក្សា ប្រទេសកម្ពុជា។
ពិធីប្រគល់-ទទួលជំនួយឧបត្ថម្ភខាងលើបានប្រារព្ធឡើងនៅថ្ងៃទី២០ ខែមេសា ឆ្នាំ២០២០ នៅក្រសួងសុខាភិបាល ក្រោម អធិបតីភាព ឯកឧត្តម អេង ហួត រដ្ឋលេខាធិការក្រសួងសុខាភិបាល ឯកឧត្តមវេជ្ជបណ្ឌិត យូ ពិសី អនុរដ្ឋលេខាធិការក្រសួងសុខាភិបាល និងដោយមានការចូលរួមពី លោកស្រី សៀង មុយ នាយកប្រតិបត្តិ តំណាងអោយលោកឧកញ៉ា សុខ ហុង អគ្គនាយក ក្រុមហ៊ុន អេច អេស ស៊ី បេវើរេចជីសដែលជាក្រុមហ៊ុនទទួលសិទ្ធិផ្តាច់មុខក្នុងការចែកចាយផលិតផលតែបៃតង អូអ៊ិឈិ ក្នុងប្រទេសកម្ពុជា។
តែបៃតង អូអ៊ិឈិ មានការព្រួយបារម្ភ និងផ្តោតការយកចិត្តទុកដាក់លើការរីករាលដាលយ៉ាងឆាប់រហ័សនៃជម្ងឺ កូវីដ-១៩ នៅទូទាំងសកលលោក ដែលបានសម្លាប់ជីវិតមនុស្សរួមទាំងបុគ្គលិកសុខាភិបាលដែលប្រឈមនឹងហានិភ័យខ្ពស់ក្នុងការជួយសង្គ្រោះជីវិតអ្នកជម្ងឺ។ ហេតុដូចនេះ យើងខ្ញុំទាំងអស់គ្នាដែលជាក្រុមការងារ តែបៃតង អូអ៊ិឈិ សូមចូលរួមចំណែកជាមួយក្រសួង
សុខាភិបាលកម្ពុជា ក្នុងការជួយគាំទ្រ និងផ្តល់ជាជំនួយឧបត្ថម្ភ។
ក្រុមហ៊ុនតែបៃតង អូអ៊ិឈិ សូមលើកទឹកចិត្តដល់ប្រជាជនកម្ពុជា រួមមាន៖ វេជ្ជបណ្ឌិត អ្នកជំនាញផ្នែកវេជ្ជសាស្ត្រ បុគ្គលិកសុខាភិបាល និងក្រុមគ្រូពេទ្យស្ម័គ្រទាំងអស់ សូមរក្សានូវភាពអត់ធ្មត់ និងរឹងមាំក្នុងស្ថានភាពដ៏លំបាកនេះ ព្រមទាំងគោរពតាមដំបូន្មានរបស់ក្រសួងសុខាភិបាល ដើម្បីយកឈ្នះលើវិបត្តិជម្ងឺឆ្លងនេះប្រកបដោយសុវត្ថិភាពទាំងអស់គ្នា។
សម្រាប់ព័ត៌មានបន្ថែម៖ ទំព័រហ្វេសប៊ុក https://www.facebook.com/OishiCambodia/
ព័ត៌មានជាតិ ដែលមើលច្រើន
-
ដាប់ប៊ែលយូប៊ី ហ្វាយនែន ដែលជាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើឈានមុខគេមួយនៅកម្ពុជា និងក្រុមហ៊ុន លី ហួរ ផេប្រ៉ូ (លី ហួរ វេរលុយ).....
ព័ត៌មានដែលមើលច្រើន
-
រដ្ឋមន្រ្តីក្រសួងការពារជាតិសហរដ្ឋអាមេរិកលោក Mark Esper គ្រោងនឹងធ្វើទស្សនកិច្ចប្រទេសចិន ដើម្បីពិភាក្សាអំពីវិធីធ្វើឱ្យប្រសើរឡើងនូវទំនាក់ទំនងទ្វេភាគី....
-
លោកអ្នកខ្លះ ប្រាកដជាបានស្គាល់កំពូលតារាថៃទាំងនេះ ជាក់ជាមិនខាន ជាមួយនឹងទេពកោសល្យសម្ដែងដ៏ប៉ិនប្រសប់......
-
យោងតាមព័ត៌មានកម្សាន្ដមួយបានឱ្យដឹងថា តារាប្រុសស្រីប្រមាណ ២៤ រូប នឹងថត ដើម្បីបោះពុម្ភផ្សាយ នៅលើទំព័រប្រតិទិនប្រចាំឆ្នាំ .....
-
រដ្ឋវិចតូរីយ៉ា ដែលមានចំនួនប្រជាជនច្រើនបំផុតទី ២ នៃប្រទេសអូស្រ្តាលី បានរាយការណ៍កាលពីថ្ងៃពុធ (២២ កក្កដា) ថា មានអ្នកស្លាប់ថ្មីចំនួន......
-
តាមរយៈការសម្ដែងដ៏ប៉ុនប្រសប់ និងភាពស្រស់សង្ហារបស់ពួកគេ ធ្វើឱ្យតារាប្រុសប្រចាំនៅស្ថានីយ៍ទូរទស្សន៍ Thai TV3 ទាំង ១០ រូបនេះ ទទួលបាន........
-
និយតករប្រកួតប្រជែងរបស់អូស្រ្តាលី (Australian regulator ) បានដាក់ពាក្យបណ្តឹង ទៅតុលាការប្រឆាំងនឹងក្រុមហ៊ុន Google .....
-
ក្រុមបាល់ទាត់ Lazio បានដណ្តើមយកកៅអី ក្នុងក្របខ័ណ្ឌ Champions League ក្រោយអវត្តមានរយៈពេល ១៣ ឆ្នាំ។ ក្រោយពីការវាយបកយកឈ្នះ ......
-
ក្រុមបិសាចក្រហម Manchester United និងក្រុមតោខៀវ Chelsea បានដណ្តើមកៅអីទៅលេងក្នុងក្របខណ្ឌ Champions League ជាមួយនឹងការឈ្នះ នៅថ្ងៃចុងក្រោយនៃរដូវកាលនៃ.......
-
កាលពីថ្ងៃទី ២៨ កន្លងទៅនេះ លោក James Jirayu និងកញ្ញា Gina Yeena បានគ្រងសម្លៀកបំពាក់បែបប្រពៃណី ......
-
មួយរយៈចុងក្រោយនេះ លោក Alek Teeradetch បានផ្ដល់បទសម្ភាសន៍ដល់អ្នកកាសែត ព្រមទាំងនិយាយអំពីអតីតសង្សាររបស់លោក គឺ......