អ្នកនាងស្រីអូនបាននិយាយអារម្មណ៍ពិតខ្លូនឯងថា “កុំនិយាយពាក្យថាលែងជាដាច់ខាត”
ដូចដែលលោកអ្នកធ្លាប់ដឹងមកហើយតាមរយៈបណ្ដាញសង្គម អ្នកនាង ស្រីអូន គឺជាស្រ្ដីមានចិត្ដសប្បុរសធម៌មួយរូប ដែលទទួលបានការគាំទ្រជាខ្លាំងពីសំណាក់មហាជន និងអ្នកគាំទ្រ ដោយអ្នកនាង តែងតែផ្តល់នូវបទពិសោធន៍នានាដល់មហាជន ទាំងរឿងក្នុងរង្វង់គ្រួសារ និងសង្គម ព្រមទាំងបទពិសោធន៍ល្អៗជាច្រើនទៀត។
នៅក្នុងគណនីហ្វេសប៊ុកអ្នកនាងស្រីអូន បានប្រាប់ឲ្យដឹងថា "លែងគ្នាទៅ មនុស្សស្រីរាល់ពេលខឹងភាគច្រើន គឺចូលចិត្តនិយាយពាក្យហ្នឹង តែលោកប្ដីខ្ញុំជាកំពូលបុរសចិត្តធ្ងន់ មិនចេះខឹង មិនចេះស្ដី មិនចេះរករឿង មិនព្រមនិយាយពាក្យលែង ព្រោះគាត់បានតាំងចិត្តហើយថា មួយជាតិនេះរៀបការតែម្ដងទេ ហឹម តើគាត់ពិបាកយ៉ាងណា គ្រាំចិត្តយ៉ាងណា ទំរាំខ្ញុំយល់?? ចុះភរិយាផ្សេងៗ មានដែរធ្វើដូចខ្ញុំទេ?? តើគួរតែឈប់ ឬបន្ដនិយាយពាក្យលែងគ្នាទៀតទេ?? សូមគិតជាមួយគ្នាឡើងវិញ យកបេះដូងប្ដីប្រពន្ធមកនិយាយគ្នាវិញ ពេលនោះបងប្អូននិងយល់ពីគ្នា វចនានុក្រមលោកប្ដី"។
ទន្ទឹមនឹងនេះដែរ ក៏មានបងប្អូនជាច្រើន បានបង្ហាញពីភាពសាទរចំពោះអ្នកនាង ស្រី អូន និងកោតសរសើរជាខ្លាំង ដែលអ្នកនាង ហ៊ានបង្ហាញពីអារម្មណ៍ក្នុងចិត្ត ចែកជូនមហាជនឲ្យបានដឹង ដោយគ្មានការលាក់លៀម អ្វីទាំងអស់៕
អត្ថបទ៖ ចំរើន