សិក្ខាសាលាស្តីពីការស្ទង់មតិយីហោនិយោជកប្រចាំឆ្នាំរបស់ HRINC Cambodia
HRINC នឹងរៀបចំសិក្ខាសាលាអាហារពេលព្រឹកលើកដំបូងនៅដើមឆ្នាំ 2020 ត្រូវនឹងថ្ងៃទី 15 ខែ មករា ឆ្នាំ 2020 ។ ពួកយើងមានគោលបំណងចង់ធ្វើការអញ្ជើញដល់សហគមន៏ធនធានមនុស្ស និយោជក អ្នកតំណាងនិងអ្នកគ្រប់គ្រងក្រុមហ៊ុននៅកម្ពុជាមកចូលរួមនៅក្នុងសិក្ខាសាលានេះ។
HRINC Cambodia នឹងចែករំលែកជាមួយអ្នកចូលរួមនូវយុទ្ធសាស្រ្តយីហោនិយោជកហើយនិងវិធីដែល ធ្វើឲ្យមានភាពងាយស្រួលក្នុងការជ្រើសរើសនិងរក្សាបុគ្គលិកដែលមានទេពកោសល្យនៅក្នុងក្រុមហ៊ុន។
HRINC Consulting បានដំណើរការនៅក្នុងប្រទេសកម្ពុជាអស់រយះពេល ១៥ឆ្នាំហើយជឿជាក់ថាទិន្នន័យគឺជាគន្លឹះក្នុងការសម្រេចចិត្តអាជីវកម្មជាយុទ្ធសាស្រ្ត។ ច្រើនជាងនេះទៀត ក្រុមហ៊ុនធំៗពឹងផ្អែកលើទិន្នន័យធំដើម្បីធ្វើការសម្រេចចិត្តដែលទាក់ទងទៅនឹងទេពកោសល្យធនធានមនុស្សរបស់គេ។
ធនធានមនុស្សមិនមែនគ្មានដែនកំណត់នោះទេដូច្នេះយើងត្រូវប្រើវាប្រកបដោយប្រសិទ្ធភាព។ ប្រសិនបើ អ្នកគ្រប់គ្រងមិនផ្ដល់ប្រាក់បៀវត្ស៏តាមស្តង់ដាដល់បុគ្គលិកនោះទេ ពួកគាត់អាចនឹងចាកចេញពីការងារហើយកម្មសិទ្ធបញ្ញារបស់ក្រុមហ៊ុនដូចជាបទពិសោធន៍ការងារនឹងទៅតាមពួកគាត់ដែរ។ ទោះជាយ៉ាងណាក៏ដោយប្រសិនបើអ្នកគ្រប់គ្រងផ្ដល់ប្រាក់បៀវត្ស៏ខ្ពស់ជាងទីផ្សារនោះអាជីវកម្មរបស់ក្រុមហ៊ុននឹងមានផលប៉ះពាល់។
ដូចគ្នានេះដែរ ក្រុមហ៊ុនអាចនឹងផ្តល់អត្ថប្រយោជន៏ដល់បុគ្គលិកដែលពួកគាត់មិនចង់បាន។ អ្នកគ្រប់គ្រងអាចមិនដឹងពីចំណង់ចំណូលចិត្តនិងតម្រូវការពិតប្រាកដរបស់បុគ្គលិកព្រោះខ្វះខាតទិនុ្នន័យទីផ្សារ។
HRINC ធ្វើការអញ្ជើញគ្រប់ក្រុមហ៊ុននៅក្នុងប្រទេសកម្ពុជាមកចូលរួមនៅក្នុងសិក្ខាសាលានេះ ហើយយើងមានជម្រើសច្រើនសម្រាប់ក្រុមហ៊ុនណាដែលមានការចាប់អារម្មណ៏ក្នុងការស្ទង់មតិយីហោនិយោជក។ ការស្ទង់មតិយីហោនិយោជកប្រចាំឆ្នាំរបស់ HRINC នឹងកំណត់អត្តសញ្ញាណនិយោជកនិងឧស្សាហកម្មកំពូលធំនៅប្រទេសកម្ពុជា។ លើសពីនេះ HRINC នឹងរាយការណ៏ទៅលើកត្តាដែលធ្វើឲ្យបុគ្គលិកសម្រេចចិត្តធ្វើការឬចាកចេញពីក្រុមហ៊ុន។
ជាការបន្ថែមទៀត HRINC នឹងបង្ហាញលទ្ធផលនៃការស្ទង់មតិទាក់ទងទៅនឹងសំណងអត្ថប្រយោជន៏ដែលក្រុមហ៊ុននានានៅកម្ពុជាផ្តល់ដល់បុគ្គលិកនៅឆ្នាំ ២០១៩/២០២០។
សិក្ខាសាលានេះនឹងប្រព្រឹត្តិនៅថ្ងៃ ព្រហស្បត្តិ ទី ១៥ ខែ មករា ឆ្នាំ ២០២០ នៅភោជនីយដ្ឋាន Khema La Poste ចាប់ផ្តើមពី ៨ ព្រឹក រហូតដល់ ១០:៣០ ព្រឹក ដោយវាគ្មិនអ្នកស្រី Paula Nicolas ដែលជាអ្នកគ្រប់គ្រងដៃគូរបស់ HRINC ជាមួយនឹងបទពិសោធន៏ ២០ ឆ្នាំនៅក្នុងផ្នែកយុទ្ធសាស្រ្តនិងការគ្រប់គ្រងធនធានមនុស្ស។
សិក្ខាសាលានេះគឺមិនគិតថ្លៃនោះទេ។ សម្រាប់ការចូលរួម សូមចុះឈ្មោះនៅទីនេះ https://forms.gle/6ChHRJa12GPthN4QA
ឬធ្វើការទំនាក់ទំនងអ្នករៀបចំកម្មវិធី លោក រស្មី លេខទូរស័ព្ទ 077 29 75 19