សុខភាព
វះកាត់តំរងនោមប្រើមនុស្សយន្តធា
រាជធានីភ្នំពេញ ៖ គ្រូពេទ្យឯកទេសក្នុងការព្យាបាល វះកាត់ជំងឺមហារីកប្រព័ន្ធតំរងនោម និងជំងឺច្រមុះ ត្រចៀករបស់ប្រទេសសិង្ហបុរីបានអញ្ជើញមកប្រទេសកម្ពុជាដើម្បីធ្វើ បទបង្ហាញដល់សាធារណជន និងក្រុមវេជ្ជបណ្ឌិតនៅកម្ពុជាអំពីការរកឃើញថ្មីៗបច្ចេកទេសព្យា បាលជំងឺមហារីកប្រព័ន្ធតំរងនោម និងបញ្ហាច្រមុះ ត្រចៀក។
បទបង្ហាញជាមួយក្រុមវេជ្ជបណ្ឌិតខ្មែរបានធ្វើ ឡើងកាលពីថ្ងៃទី២២ មករា នៅសណ្ឋាគារភ្នំពេញ ហើយបន្ទាប់មកនៅថ្ងៃទី២៣ មករា បានធ្វើឡើងជាមួយសាធារណជន។ គោលបំណងនៃការធ្វើបទបង្ហាញនេះគឺដើម្បីផ្តល់បទពិសោធន៍ និងចំណេះដឹងថ្មីៗដែលមន្ទីរពេទ្យផាកវេហែល នៅក្នុងប្រទេសសិង្ហបុរីបានរកឃើញទាក់ទិនការព្យាបាល វះកាត់ប្រព័ន្ធតំរងនោមដែលប្រើប្រាស់ដោយមនុស្សយន្ត គឺជាវិធីសាស្ត្រព្យាបាលបែបថ្មីមួយមានប្រសិទ្ធភាពខ្ពស់។ តាមការធ្វើបទបង្ហាញនោះឱ្យដឹងថា ការព្យាបាលវះកាត់ប្រព័ន្ធតំរងនោមដែលធ្វើដោយមនុស្ស គឺមានលក្ខណៈឈឺជាង ហូរឈាមច្រើនជាង ស្នាមធំជាង និងព្យាបាលយូរជាងបើប្រៀបធៀបជាមួយមនុស្សយន្ត។ ទោះបីជាធ្វើការវះកាត់ដោយមនុស្សយន្តពិតមែនតែនៅតែត្រួត ពិនិត្យដោយវេជ្ជបណ្ឌិតជាមនុស្សដដែល។
បទបង្ហាញឱ្យដឹងទៀតថា ការពិតទៅជំងឺមហារីកប្រព័ន្ធតំរងនោមដំបូងវាមិនមានចេញសញ្ញា អ្វីគួរឱ្យកត់សំគាល់ទេ សញ្ញាវាដូចតែអ្នកមានជំងឺតំរងនោមធម្មតាដែរ ដូចជាពិបាកបត់ជើង បត់ជើងញឹកញាប់ បត់ជើងចេញឈាម ហើយដល់ដំណាក់កាលចុងក្រោយទើបចូលដល់ដំណាក់កាលមហារីក។ ឥឡូវនេះនៅមន្ទីរពេទ្យផាកវេហែលក្នុងប្រទេសសិង្ហបុរីរកឃើញ ដំណាក់កាលដំបូងរបស់មហារីកតំរងនោមនៅក្នុងបន្ទប់ពិសោធន៍នៃការ ពិនិត្យជំងឺទូទៅ ហើយបើព្យាបាលទាន់ពេល គឺមានសុវត្ថិភាពខ្ពស់ណាស់។
ចំណែកឯជំងឺច្រមុះ ត្រចៀកវិញនៅក្នុងមន្ទីរពេទ្យផាកវេហែល ប្រទេសសិង្ហបុរីឥឡូវនេះធ្វើការវះកាត់ដោយប្រើកុំព្យូទ័រជា ជំនួយបន្ថែមដើម្បីឱ្យការវះកាត់ និងព្យាបាលកាន់តែមានប្រសិទ្ធភាពខ្ពស់ជាងមុន គឺអ្នកជំងឺលែងមានបញ្ហានៅពេលក្រោយវះកាត់ ហើយការព្យាបាលទទួលបានជោគជ័យភ្លាមៗ ៕
http://kohsantepheapdaily.com.kh/art...123-02180.html
Tags:
សុខភាព ដែលមើលច្រើន
