ប្រាក់ចំណូលរបស់តារាម៉ូដែលប្រុស ទាបជាង ៤០ដង ធៀបនឹងតារាម៉ូដែលស្រី

ម៉ូដែល

ប្រាក់ចំណូលរបស់តារាម៉ូដែលប្រុស ទាបជាង ៤០ដង ធៀបនឹងតារាម៉ូដែលស្រី

04:21 PM 11.10.2013
Print Email

តារាបង្ហាញម៉ូដប្រុសដែលរកបានប្រាក់ច្រើនបំផុតក្នុងពិភពលោក មានចំនួនទាបជាងប្រាក់ចំណូលរបស់តារាបង្ហាញម៉ូដស្រី ដល់ទៅ ៤០ដង ក្នុងឆ្នាំ ២០១។

ថ្មីៗនេះ ទំព័រសេដ្ឋកិច្ច Forbes បានបញ្ចេញបញ្ជី top 10 នៃបណ្ដាតារាម៉ូដែលប្រុសដែលរកប្រាក់បានច្រើនបំផុតច្រចាំឆ្នាំ ក្នុងនោះ ប្រុសសង្ហា Sean O'Pry គឺជាកំពូលតារាបង្ហាញម៉ូដ ដែលមានប្រាក់ចំណូលខ្ពស់ជាងគេ ត្រឹម ១,៥លានដុល្លារអាមេរិក។

Sean O'Pry កំពូលតារាម៉ូដែលប្រុស ពូកែរកប្រាក់បំផុតប្រចាំឆ្នាំ ២០១៣

Sean O'Pry កើតឆ្នាំ ១៩៨៩ គឺជាតារាម៉ូដែលប្រុសរបស់អាមេរិក។ Sean O'Pry បានក្លាយជាអ្នកបង្ហាញម៉ូដកាលពីគាត់មានអាយុ ១៧ឆ្នាំ ដែលពេលនោះ គាត់ត្រូវបាន Nolé Martin អ្នករចនាម៉ូដដ៏ល្បីឈ្មោះ ធ្លាប់ជាគណកម្មការរបស់ America’s Next top model រដូវកាលទី ៣ និងទី ៤ បានប្រទះឃើញរូបគួរឱ្យចាប់អារម្មណ៍របស់ Sean O'Pry នៅលើ blog របស់គាត់។ មិនមានចំណេះដឹងអ្វីសោះអំពីម៉ូដែលលំដាប់ខ្ពស់ ប៉ុន្ដែ Sean O'Pry បែរជាបានក្លាយជាតារាម៉ូដែលល្បីក្នុងពិភពលោក ទន្ទឹមនឹងនេះ គាត់ក៏ជាតារាម៉ូដែល Top 1 ក្នុងបញ្ជីឈ្មោះរបស់ទំព័រ Model.com ។ ឆ្នាំ ២០១៣ គាត់ត្រូវបាន Forbes ប្រកាសថា ជាតារាម៉ូដែលដែលមានប្រាក់ចំណូលខ្ពស់ជាងគេ គឺ ១,៥លានដុល្លារ។

ប៉ុន្ដែ ចំនួនទឹកប្រាក់នេះ មិនមានអ្វីអស្ចារ្យនោះទេ ធៀបនឹងប្រាក់ចំណូលរបស់តារាម៉ូដែលស្រី។ កាលពីខែសីហាកន្លងទៅ គេហទំព័រ Forbes បានបញ្ចេញបញ្ជីឈ្មោះ Top 10 នៃតារាម៉ូដែលស្រីដែលរកបានប្រាក់ច្រើនជាងគេបង្អស់ប្រចាំឆ្នាំ ហើយកំពូលតារាឈរលំដាប់លេខមួយ គឺ Gisele Bundchen ដោយរកបាន ៤២លានដុល្លារ ច្រើនជាង ៤០ដង ធៀបនឹងប្រាក់ចំណូលរបស់កំពូលតារាម៉ូដែលប្រុស។

មូលហេតុដែលនាំឱ្យមានការខុសគ្នាដូចខាងលើ គឺបណ្ដាលមកពីកត្តាធំៗមួយចំនួនដូចជា វិស័យម៉ូដែលបច្ចុប្បន្ន នៅតែផ្ដល់អទិភាពចំពោះស្ដ្រី ឬការផ្សាយពាណិជ្ជកម្មភាគច្រើនគេនិយមរកអ្នកតំណាងជាស្ដ្រី។ល។

ខាងក្រោមនេះ គឺជាតារាម៉ូដែលប្រុសទាំង ៩រូប ក្នុងបញ្ជី top 10 នៃកំពូលតារាបង្ហាញម៉ូដប្រុសដែលពូកែរកប្រាក់បំផុតប្រចាំឆ្នាំ ២០១៣ ៖