<p><span style="color: #000000;"><strong>(ណៃរ៉ូប៊ី)៖</strong> បងប្រុសឪពុកតែមួយនិងម្តាយទីទៃរបស់ប្រធានាធិបតីអាមេរិកលោក បារ៉ាក់ អូបាម៉ា បានប្រកាសថា រូបលោកនឹងបោះឆ្នោតឲ្យលោក Donald Trump ធ្វើជាប្រធានាធិបតីអាមេរិក ខណៈប្អូនប្រុសរបស់ខ្លួនជាអ្នកគាំទ្រ ឲ្យលោកស្រី ហ៊ីលឡារី គ្លីនតុន កាន់តំណែងជាមេដឹកនាំពិភពលោកនេះ។ នេះបើតាមការចេញផ្សាយដោយទីភ្នាក់ងារ ព័ត៌មានចិនស៊ិនហួរ នារសៀលថ្ងៃអង្គារ ទី២៦ ខែកក្កដា ឆ្នាំ២០១៦។</span></p>
<p><span style="color: #000000;">លោក Malik Obama បងប្រុសមេដឹកនាំពិភពលោកខាងលើនេះបានបញ្ជាក់ដូច្នេះថា <strong>«លោក Trump ជាមនុស្ស ស្មោះត្រង់ និងគួរឲ្យចូលចិត្ត ប៉ុន្តែលោក បារ៉ាក់ អូបាម៉ា បានចាកចោលគ្រួសារខ្លួនឯងតាំងពីឡើងកាន់តំណែង ដំបូងក្នុងឆ្នាំ ២០០៩។ លោក Trump ពិតជាមនុស្សពិសេសណាស់ ដោយគាត់បានទាក់ទាញខ្ញុំ តាមរយៈការសម្តី ស្មោះត្រង់អស់ពីបេះដូង ដើម្បីបង្ហាញថាគាត់កំពុងព្យាយាមអនុវត្តន៍នយោបាយដ៏ត្រឹមត្រូវ មិនដូចមនុស្សដែល កំពុងព្យាយាមលាបពណ៌គាត់នោះឡើយ</strong>»។</span></p>
<p><span style="color: #000000;">គួរបញ្ជាក់ថាលោក Malik មានវ័យ ៦៨ឆ្នាំ ជាបងប្រុសលោក បារ៉ាក់ អូបាម៉ា កំពុងរស់នៅក្នុងភូមិ Kogelo ភាគខាងលិចប្រទេសកេនយ៉ា ប៉ុន្តែលោកមានសញ្ជាតិពីរ គឺថែមអាមេរិកមួយទៀត ដែលនាំឲ្យលោកមានសិទ្ធិចូលរួម ធ្វើការបោះឆ្នោតនៅអាមេរិកតាំងពីអំឡុងទសវត្សរ៍ ១៩៨០ មកម្ល៉េះ។ លោក Malik បានសង្កត់ធ្ងន់ថា ជំហរលោក Trump នឹងធ្វើឲ្យសេដ្ឋកិច្ចព្រមទាំង សន្តិសុខអាមេរិកខ្លាំងក្លា ហើយដោយឡែកការហាមជនជាតិ ម៉ូស្លីមមិនឲ្យចូលទឹកដីអាមេរិកនោះ គឺជារឿងមួយប្រកបដោយហេតុផលគួរយោគយល់ពីលោក៕</span></p>
<p><span style="color: #000000;"><img src="https://c.o0bg.com/rf/image_960w/Boston/2011-2020/2015/10/22/BostonGlobe.com/EditorialOpinion/Images/1023jacoby-combo.jpg" alt="" width="730" /></span></p>
<p><span style="color: #000000;"><img src="https://www.eurweb.com/wp-content/uploads/2016/07/malik-obama-donald-trump.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>