<p><span style="color: #000000;">រឿងចម្លែកដ៏កម្រមួយបានកើតឡើងនៅប្រទេសសឹង្ហបុរី ពេលដែលអ្នកគាំទ្រ iPhone ពីររូប ជាប់ទោសព្រហ្មទណ្ឌ ពេលដែលពួកគេបានព្យាយាមទិញ បណ្តា iPhone ស៊េរីថ្មី ឆាប់បានប្រើមុនគេ។ </span></p>
<p dir="ltr"><span style="color: #000000;">រឿងទិញ iPhone 7/7 Plus មួយគ្រឿង នៅតាមហាងលក់រាយ ក្នុងបណ្តាថ្ងៃដាក់លក់ដំបូងឆ្នាំនេះវាមានការលំបាកច្រើនជាងឆ្នាំមុន។ ហេតុដូច្នេះ អ្នកគាំទ្រ Apple ពីរនាក់នៅសឹង្ហបុរី បានគិតឃើញនូវវិធីប្លែកមួយ ដើម្បីទិញ iPhone ថ្មីឲ្យឆាប់បានប្រើមុនគេបំផុត។ ប៉ុន្តែគួរឲ្យសោកស្តាយ ពួកគេទាំងពីរនាក់ត្រូវបានប្រឈមមុខ នឹងការជាប់គុក នេះបើតាមការឲ្យដឹងពីសារព័ត៌មាន Cultofmac។</span></p>
<p style="text-align: center;" dir="ltr"><span style="color: #000000;"><a class="thickbox" title="" href="/FileManager/Commons/2016/9/25/iphone7front2780x5211-25-09-2016--10-13-37.jpg"><img src="/FileManager/Articles/mce/2016/9/25/iphone7front2780x5211-25-09-2016--10-13-37.jpg" alt="" /></a></span></p>
<p style="text-align: center;" dir="ltr"><em>ជនជាតិសឹង្ហបុរីពីរនាក់ បានជាប់ចោទ ទោសព្រហ្មទណ្ឌ ពេលនឹកឃើញវិធីខុសធម្មតាមួយ ដើម្បីទិញ iPhone ថ្មី បានលឿនមុនគេ (រូបភាព៖ Cultofmac) </em><span style="color: #000000;"><em></em><br /></span></p>
<p dir="ltr"><span style="color: #000000;">ជាក់ស្តែង មនុស្សពីរនាក់នេះ បានដើរត្រង់ទៅកាន់ព្រលានយន្តហោះ Changi បន្ទាប់មកបានទិញសំបុត្រយន្តហោះចំនួនពីរ ដើម្បីបានចូលទៅក្នុងបន្ទប់រង់ចាំ និងទិញ iPhone នៅទីនោះ ប៉ុន្តែពួកគេមិនបានឡើងជិះយន្តហោះនោះទេ។</span></p>
<p dir="ltr"><span style="color: #000000;">ប៉ុន្តែនៅប្រទេសសឹង្ហបុរី ការដែលដើរចូលទៅក្នុងបន្ទប់រង់ចាំ ចេញដំណើរ ហើយមិនឡើងយន្តហោះ គឺជាបទល្មើសព្រហ្មទណ្ឌ។ អ្នកគាំទ្រ Apple ពីរនាក់ខាងលើនេះ ត្រូវបានប៉ូលិស ចាប់ឃាត់ខ្លួន នៅពេលរកឃើញថា ពួកគេមិនមានគំនិតចង់ចាកចេញពី សឹង្ហបុរី។ </span></p>
<p><span style="color: #000000;">ការដាក់ពិន័យចំពោះទោសរំលោភច្បាប់ នៅតាមកន្លែងដូចជាព្រលានយន្តហោះ គឺអាចឡើងដល់ចំនួន ១,០០០ ដុល្លារសឹង្ហបុរី (ប្រហាក់ប្រហែល ៧៣៦ ដុល្លារអាមេរិច) ហើយនឹងអាចត្រូវពិន័យ បន្ថែមដោយជាប់គុកពីរឆ្នាំថែមទៀត។ ប៉ូលិសនៅទីនោះ បានធ្វើការព្រមានជាច្រើនដង ស្តីពីការដែលប្រជាជនមិនត្រូវអនុញ្ញាតឲ្យបន្លំទិញសំបុត្រយន្តហោះ ដើម្បីអាចទិញបណ្តាទំនិញមិនគិតពន្ធ នៅក្នុងបន្ទប់រង់ចាំនៅព្រលានយន្តហោះនោះទេ។</span></p>
<p><span style="color: #000000;">បច្ចុប្បន្ន ប្រទេសសឹង្ហបុរីនៅមិនទាន់មាន Apple Store ជាផ្លូវការនោះទេ។ ព័ត៌មានចចាអារាមជាច្រើនបានឲ្យដឹងថា Apple នឹងបើកការិយ៉ាល័យខ្លួននៅទីនោះ ក្នុងពេលអនាគតឆាប់ៗខាងមុខនេះ។ កន្លែងដាក់ Apple Store ថ្មីអាចនឹងស្ថិតនៅក្នុងអគារ Knightsbridge តាមដងផ្លូវ Orchard ដែលជាកន្លែង Shopping មួយ ក្នុងចំណោមកន្លែង Shopping ដែលមានមនុស្សម្នាចេញចូលច្រើន បំផុតនៅប្រទេសសឹង្ហបុរី ពេលបច្ចុប្បន្ននេះ៕</span></p>
<p><span style="color: #000000;"><a href="http://www.camnews.com.kh/News/Detail/21196/apple-shares-decrease-because-of-concerning-sales-of-iphone-7-low"><span style="color: #0000ff;"><em>- ភាគហ៊ុនរបស់ Apple បានធ្លាក់ចុះ ដោយសារតែការព្រួយបារម្ភ បរិមាណលក់ iPhone 7 ទាប</em></span></a><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ Cultofmac, zing</em></p>