<p><span style="color: #000000;">ព័ត៌មានអន្តរជាតិ ៖ គួររំឮកថា អតីតរដ្ឋមន្រ្តី ក្រសួងគមនាគមន៍ លោក Malcolm Turnbul នឹង ចូលស្បថកាន់តំណែង នាពេលអនាគតដ៏ខ្លីខាងមុខនេះ ជា នាយករដ្ឋមន្រ្តីថ្មី ប្រទេសអូស្រា្តលី ក្រោយពីទទួលបានជោគជ័យ លើការបោះឆ្នោត ដោយទទួលបានសម្លេងឆ្នោត នាំមុខ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/15/41-15-09-2015--14-06-50.jpg"><img src="/FileManager/Articles/mce/2015/9/15/41-15-09-2015--14-06-50.jpg" alt="" /></a><br /></span></p>
<p><span style="color: #000000;">គួររំឮកថា ការ បោះឆ្នោតជ្រើសរើសមេដឹកនាំគណបក្ស សេរី និយម នៅអូស្ដ្រាលីកាលពីយប់ថ្ងៃទី១៤ កញ្ញា ឃើញ ថាលោក Malcolm Turnbul ឈ្នះឆ្នោត ជាប្រធានគណបក្ស ដោយលោកបានសម្លេងគាំទ្រជាងលោកTony Abbott ។ បន្ថែម ពីលើនេះ ប្រភព បន្តអោយដឹងថា លោកMalcolm Turnbul បានសម្លេងឆ្នោត ៥៤ ហើយលោក Abbott បានសម្លេងត្រឹមតែ ៤៤ ប៉ុណ្ណោះនៅក្នុងជួរបក្ស។ លោកនាយករដ្ឋមន្ត្រីថ្មីMalcolm Turnbul បានប្រាប់អ្នកកាសែតថា ខ្ញុំពេញចិត្តទៅដោយសុទុដ្ឋិនិយម ហើយចាប់ពីថ្ងៃនេះតទៅប្រទេសយើង ទាំងមូលនឹងមានភាពរុងរឿង។ បន្ថែមលើនេះ លោកបានសន្យាថានឹងធ្វើឱ្យប្រទេសមួយនេះ រីក ចម្រើនវិស័យសេដ្ឋកិច្ច ដើម្បីឱ្យប្រជាជនរស់នៅទៅដោយភាពស៊ីវីល័យ ហើយនៅថ្ងៃទី១៥កញ្ញា លោកនឹងធ្វើជាអធិបតីក្នុងកិច្ចប្រជុំសមាជិកសភា ដើម្បីសាទរនាយករដ្ឋមន្ត្រីថ្មីក្នុងប្រទេស។</span></p>
<p><a class="thickbox" title="" href="/FileManager/Commons/2015/9/15/40-15-09-2015--14-07-15.jpg"><img src="/FileManager/Articles/mce/2015/9/15/40-15-09-2015--14-07-15.jpg" alt="" /></a></p>
<p><span style="color: #000000;"> បើតាមអនុប្រធានគណបក្សសេរីនិយមលោកស្រី Julie Bishop ដែល គាំទ្រលោក Malcolm Turnbulបានប្រាប់អ្នកកាសែតថា ប្រទេសអូស្ត្រាលីបានបើកទំព័រថ្មីហើយដើម្បីស្វាគមន៍នាយក រដ្ឋមន្ត្រីថ្មី។ លោកស្រីបានរម្លឹកអតីតកាលថា លោកស្រីទទួលស្គាល់លោក Tony Abbott បានខិតខំតស៊ូធ្វើការឱ្យប្រទេសជាតិយ៉ាងស្វិតស្វាញគួរសមដែរ។ ប៉ុន្តែអ្វីដែលគាត់សន្យា ក្រោយពីជាប់ឆ្នោតជានាយករដ្ឋមន្ត្រីតាំងពីឆ្នាំ២០១៣មក គឺមិនដូចការ រំពឹងទុកនោះទេ ។ ចាប់តាំងពីរយៈពេល៦ខែចុងក្រោយនេះ លោកTony Abbottបានធ្វើឱ្យវិស័យ សេដ្ឋកិច្ចស្រុតចុះយ៉ាងខ្លាំង។ ដូច្នេះមតិភាគច្រើននៅក្នុងបក្សបានបាត់បង់ជំនឿចិត្តលើលោក Abbott ហើយក៏ចង់ផ្លាស់ប្ដូរមេដឹកនាំចេញ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/15/42-15-09-2015--14-07-04.jpg"><img src="/FileManager/Articles/mce/2015/9/15/42-15-09-2015--14-07-04.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី វាយោអ្វេសអឹម </span></p>