<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់ប្រាប់ដល់ប្រជាពលរដ្ឋ និងសាធារណជន ដែលត្រូវពន្យារ និងប្តូរប័ណ្ណបើកបរ ចាប់ពី ថ្ងៃនេះតទៅ អាចអញ្ជើញមកកាន់ការិយាល័យសម្រួលការងារ របស់ក្រសួងសាធារណការ និងដឹកជញ្ជូន ដែលមានទីតាំងនៅផ្សារអ៊ីអន (AEON Mall)។ សម្តេចតេជោបន្តថា ការិយាល័យសម្រួលការងារ របស់ក្រសួងសាធារណការ និងដឹកជញ្ជូននេះ បើកដំណើរការនៅថ្ងៃទី១៥ ខែមិថុនា ឆ្នាំ២០១៦នេះ។</span></p>
<p><span style="color: #000000;">សម្តេច ហ៊ុន សែន ក៏បានជូនដំណឹង ឲ្យប្រជាពលរដ្ឋដែលត្រូវពន្យារ និងប្តូរប័ណ្ណបើកបរ រួសរាន់មកកាន់ការិយាល័យសម្រួលការងារ របស់ក្រសួងសាធារណការ និងដឹកជញ្ជូននៅផ្សារអ៊ីអន ឲ្យបានឆាប់បំផុតផងដែរ។</span></p>
<p><span style="color: #000000;">យោងតាម Facebook Page ផ្លូវការរបស់សម្តេចតេជោ ហ៊ុន សែន បានបញ្ជាក់យ៉ាងដូច្នេះថា «ដើម្បីសម្រួលសេវាសាធារណៈ ជូនដល់ប្រជាពលរដ្ឋ ឲ្យបានកាន់តែឆាប់រហ័ស ជាពិសេសសេវាតម្រូវការចាំបាច់លើការពន្យារ និងប្តូរប័ណ្ណបើកបរ សូមប្រជាពលរដ្ឋមកកាន់ការិយាល័យសម្រួល ការងាររបស់ ក្រសួង សាធារណការ និងដឹកជញ្ជូន ដែលមានទីតាំងនៅផ្សារអ៊ីអន (AEON Mall) ដែលបើកដំណើរការនៅថ្ងៃទី១៥ ខែមិថុនា ឆ្នាំ២០១៦នេះ»។</span></p>
<p><span style="color: #000000;">សម្តេចតេជោ ហ៊ុន សែន បានបន្តថា សម្តេចនឹងខិតខំ ដើម្បីប្រជាពលរដ្ឋទូទៅកាន់តែងាយស្រួល ទទួលបាននូវសេវាសាធារណៈទាន់ពេលវេលា ប្រកបដោយ ប្រសិទ្ធិភាពខ្ពស់។</span></p>
<p><span style="color: #000000;">ក្រៅពីនោះសម្តេច ក៏បានស្នើឲ្យក្រសួងទាំងអស់ ត្រូវខិតខំឲ្យបានព្រមគ្នា ស្របទៅតាមគោលការណ៍រដ្ឋាភិបាល អេឡិកត្រូណិក (E-Government) ដែលជាសេចក្តីត្រូវការ ចាំបាច់បំផុត សម្រាប់ប្រជាពលរដ្ឋ និងការអភិវឌ្ឍប្រទេសជាតិទាំងមូល។</span></p>
<p><span style="color: #000000;">គួរបញ្ជាក់ថា កាលពីថ្ងៃទី៣១ ខែឧសភា កន្លងទៅនេះ ក្រសួងក្រសួងសាធារណការ និងដឹកជញ្ជូន បានបើកឲ្យដំណើរការសាកល្បងការរៀបចំនិតិវិធីសម្រាប់ ប្រជាលពរដ្ឋ ក្នុងការប្ដូរ និងពន្យារពេលប័ណ្ណបើកបរ នៅផ្សារទំនើបអ៊ីអននៅជាន់ទី១។</span></p>
<p><span style="color: #000000;">លោកទេសរដ្ឋមន្រ្តី ស៊ុន ចាន់ថុល ធ្លាប់បានបញ្ជាក់ថា ការបង្កើតកន្លែងប្តូរប័ណ្ណបើកបរនៅផ្សារទំនើបអ៉ីអននេះ ដើម្បីផ្តល់សេវាជូនប្រជាពលរដ្ឋឲ្យកាន់តែ ងាយស្រួល។ ជាពិសេសការបង្កើតទីតាំងប្តូរប័ណ្ណបើកបរនៅអ៊ីអន ជាកិច្ចខិតខំបង្ខិតសេវា ឲ្យទៅកាន់តែជិតប្រជាពលរដ្ឋ ដែលជាផែនការកំណែទម្រង់១០០ថ្ងៃ របស់ក្រសួងសាធារណការ៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xft1/v/t1.0-9/13413734_533079873543024_2227547430047467150_n.jpg?oh=a45bd69af543699d588e0b52321802cb&oe=57FB45ED&__gda__=1472460391_bf89300d853298604399ae004bb174f9" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13407325_533984710119207_2127499533941802154_n.jpg?oh=adfaceaa2ca71d30b0ae64daf3743235&oe=580CD7AF" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpt1/v/t1.0-9/13417673_533984706785874_1461216828653903049_n.jpg?oh=f793c71044ebb84500a0c2d9fa84c7d2&oe=580BC49E&__gda__=1476190874_70fec6175269bde3c45f9a8367cea55d" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xal1/v/t1.0-9/13423925_533984700119208_2409150690843934326_n.jpg?oh=3d9c7914a36a338ec50f16ceee2cbe4a&oe=57C28EDB&__gda__=1476382604_c3f2bbdf4cbc8db4a23c5e9082d4a26c" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13417410_533985280119150_8972586759086619944_n.png?oh=656372d21c5b161ce2ac9179288e1b43&oe=5800DD49" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>