<p><span style="color: #000000;"><strong>(អាមេរិក)៖</strong> ស្ត្រីជាអ្នកជំងឺម្នាក់ នៅរដ្ឋ Ohio សហរដ្ឋអាមេរិក បានធ្វើឲ្យក្រុមគ្រូពេទ្យចលាចលជាខ្លាំង បន្ទាប់ពីនាងលួចយករថយន្តសង្គ្រោះបន្ទាន់ មួយគ្រឿងបើកបរខ្លួនឯង ត្រឡប់មកផ្ទះវិញ ព្រោះតែខកជើងរថយន្តក្រុង ចុងក្រោយចេញចោលទៅ។</span></p>
<p><span style="color: #000000;">Lisa Carr អាយុ៤៣ឆ្នាំ ត្រូវប៉ូលិសនៅតំបន់ Cincinnati ចាប់ខ្លួនពីបទចោរកម្ម ហើយបញ្ជូនទៅឃុំខ្លួន នៅពន្ធនាគារមួយរង់ចាំតុលាការកាត់ទោស ហើយអ្នកជំងឺដែលជាប់ចោទនេះ ក៏ស្នើសុំធានាខ្លួន នៅក្រៅឃុំផងដែរ។ យោងតាមបណ្តឹង គឺអ្នកបើករថយន្តសង្គ្រោះបន្ទាន់ របស់មន្ទីរពេទ្យ Deaconess ដែលស្ថិតនៅផ្លូវ Straight បានរាយការណ៍ ទៅប៉ូលិសពេលដឹងថា រថយន្តសង្គ្រោះប្រភេទ Ford E-450 បាត់ក្រោយពីគាត់ដឹកអ្នកជំងឺម្នាក់ ចូលពេទ្យហើយយកទៅចតទុក។</span></p>
<p><span style="color: #000000;">ប៉ូលិសស្វែងរកឃើញ រថយន្តសង្គ្រោះវិញ តាមប្រព័ន្ធ GPS ក្រោយពី Lisa Carr បើកបរបាន២០នាទី លើផ្លូវត្រឡប់ទៅផ្ទះ ដែលស្ថិតនៅចំងាយ១០ម៉ាយ ពីមន្ទីរពេទ្យហើយនាង ក៏ត្រូវចាប់ខ្លួននៅខាងក្រៅផ្ទះតែម្តង។ ជនសង្ស័យប្រាប់ប៉ូលិសថា នាងលួចរថយន្តសង្គ្រោះបន្ទាន់ បើកមកផ្ទះដោយខ្លួនឯង ព្រោះតែខកទៅជិះរថយន្ត ក្រុងជើងចុងក្រោយអត់ទាន់៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14064258_1536970716329233_8132269051650920084_n.png?oh=995e94f94eb63cb3cd011dcf49ced00c&oe=58428CF6" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង </span></p>