<p><span style="color: #000000;">(តូក្យូ)៖ អាជ្ញាធរជប៉ុន បានឱ្យដឹងនៅថ្ងៃអាទិត្យនេះថា មានមនុស្សយ៉ាងហោចណាស់ម្នាក់បានស្លាប់ និង៣នាក់ ផ្សេងទៀតបានរងបួសនៅក្នុងហេតុការណ៍ផ្ទុះដ៏ខ្លំាងខ្លាមួយ នៅក្នុងទីក្រុង Utsunomiya នៃតំបន់ Tochigi ស្ថិតនៅភាគខាងជើងចំងាយ១០០គីឡូ ពីទីក្រុង តូក្យូ។ នេះបើយោងតាមសេចក្ដីរាយការណ៍បឋម របស់ស្ថានីយ៍ទូរទស្សន៍ជប៉ុន NHK នៅមុននេះបន្តិច នៅថ្ងៃអាទិត្យ ទី២៣ ខែតុលា ឆ្នាំ២០១៦។</span></p>
<p><span style="color: #000000;">យោងតាមអាជ្ញាធរនៅក្នុងតំបន់បានឲ្យដឹងថា ការផ្ទុះនេះបានកើតឡើងនៅម៉ោងប្រមាណជា ១១៖៣០នាទីព្រឹក (ម៉ោងនៅប្រទេសជប៉ុន) ដោយការផ្ទុះលើកទីមួយបានកើតឡើង នៅម៉ោងជាង ១១៖៣១នាទីព្រឹក ហើយការផ្ទុះលើកទី២ បានបន្លឺសម្លេងឡើងនៅម៉ោង ១១៖ ៣២ នាទីព្រឹក ចំណែកឯការផ្ទុះលើកទីបី បានកើតឡើង១៥វិនាទីបន្ទាប់។</span></p>
<p><span style="color: #000000;">ដោយឡែកបើតាមសាក្សីម្នាក់នៅកន្លែងកើតហេតុ បានប្រាប់ NHK ថា រូបគេបានលឺសូរសម្លេងផ្ទុះយ៉ាងខ្លំាង និងបានឃើញបុរសបីនាក់ដេកដួលទៅលើដី ព្រមទំាងធំក្លិនរំសេវផងដែរ។ តែយ៉ាងណាក៏ដោយអាជ្ញាធរនៅក្នុងតំបន់ មិនទាន់អាចបញ្ជាក់ពីមូលហេតុផ្ទុះបាននៅឡើយនោះទេ មិនទាន់ដឹងថាជាគ្រាប់បែក ឬយ៉ាងណានោះទេ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F625832887588506%2F&show_text=0&width=560" frameborder="0" width="480" height="380"></iframe></span></p>
<p style="text-align: right;"><span style="color: #000000;">ប្រភព ៖ Japantime </span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>