<p><span style="color: #000000;"><strong>(ភ្នំពេញ)៖</strong> ស្របពេលដែលតារាសម្ដែង កំពុងតែក្ដោបក្ដាប់ប្រជាប្រិយភាព យ៉ាងពេញដៃ អ្នកនាង សុខ សោម៉ាវត្តី បានធ្វើការបដិសេធថា ការប្រកាសផ្អាកការសម្ដែងរបស់ខ្លួន ពុំមែនជាលេសដើម្បីតម្លើងថ្លៃខ្លួន ដូចការចោទប្រកាន់នោះ ស្រាប់តែនៅពេលថ្មីៗនេះ ផលិតករមួយរូប បានបង្ហើបពីតម្លៃខ្លួនពិតរបស់ សុខ សោម៉ាវត្តី ចំពោះការថតភាពយន្តខ្នាតធំ ដែលជាតម្លៃមួយខ្ពស់គួរសម បើប្រៀបធៀបនឹងតារាសម្ដែងល្បីៗស្រករគ្នា។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/3/05b-03-03-2017--16-30-06.jpg"><img src="/FileManager/Articles/mce/2017/3/3/05b-03-03-2017--16-30-06.jpg" alt="" /></a><br /></span></p>
<p><span style="color: #000000;">ផលិតករដដែលខាងលើ ដែលសុំមិនបញ្ចេញឈ្មោះ បានបន្តថា សម្រាប់ផលិតកម្មណា ដែលហ៊ានឲ្យតម្លៃ តាមទីផ្សាររបស់តារាសម្ដែង សុខ សោម៉ាវត្តី បានកំណត់ គឺនាងនឹងព្រមព្រៀង ចុះកិច្ចសន្យាថតរឿងដុំឲ្យភ្លាម ប៉ុន្តែបើផលិតកម្មណា មិនសូវមានធនធាន ឬជាផលិតកម្មទើបបង្កើតថ្មីនោះ គឺពិបាកក្នុងការទាក់ទងយកនាងមកថតបន្តិច។ ប៉ុន្តែយ៉ាងណាមិញ សុខ សោម៉ាវត្តី ក៏មានមនោសញ្ចេតនា ក្នុងការជួយដល់ផលិតករនោះវិញដែរ ទោះបីជាតម្លៃមិនបានតាមការទាមទារ ព្រោះដើម្បីជួយគ្នាទៅវិញទៅមក និងជាការរាប់អានគ្នា ក្នុងនាមជាអ្នករស់នៅក្នុងមជ្ឈដ្ឋានសិល្បៈដូចគ្នា ហើយបើមានពេលវេលាគ្រប់គ្រាន់ នាងនឹងទទួលថត។</span></p>
<p><span style="color: #000000;">ប្រភពព័ត៌មានពីផលិតកររូបនោះ បានបង្ហើបថា តម្លៃខ្លួនរបស់តារាសម្ដែង ដែលមានប្រជាប្រិយភាពខ្លាំង គឺអ្នកនាង សុខ សោម៉ាវត្តី មានតម្លៃចន្លោះ ពី៥ពាន់ ទៅ៦ពាន់ដុល្លារអាមេរិក ក្នុងការថតរឿងដុំខ្នាតធំមួយរឿង ខណៈដែលរឿងដុំនោះ ថតរយៈពេលតែ១សប្ដាហ៍ ឬយ៉ាងយូរជាង១០ប៉ុណ្ណោះ គឺចប់រួចរាល់ហើយ។ ប៉ុន្តែចំពោះរឿងភាគវិញ គឺមិនបានដឹងនោះទេ។</span></p>
<p><span style="color: #000000;">ជាការកត់សម្គាល់តម្លៃនេះ គឺត្រូវបានផលិតករមួយចំនួន ធ្វើការពិចារណា ដោយអ្នកខ្លះគិតថា ថ្លៃណាស់ ហើយអ្នកខ្លះទៀតគិតថា សមរម្យ ព្រោះតែ សុខ សោម៉ាវត្តី ជាតារាលំដាប់ខ្ពស់ រឿងណាក៏នាងសម្ដែងជាតួឯកដែរ តម្លៃប៉ុណ្ណឹងអាចទទួលយកបាន ខណៈដែលផលិតករថ្មី ទើបតែកវែកកឆ្នាំង ប្រហែលជាមិនហ៊ានយកនាង មកសម្ដែងនោះទេ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-16-04-18-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-16-04-18-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-16-04-18-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-16-04-19-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-16-04-19-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-16-04-19-5.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>