<p><span style="color: #000000;"><strong>(ក្រចេះ)៖</strong> គ្រោះថ្នាក់ចរាចរណ៍ដ៏រន្ធត់មួយ បានបណ្តាលឲ្យមនុស្សស្លាប់ម្នាក់ នៅថ្ងៃទី០៩ ខែកុម្ភៈ ឆ្នាំ២០១៧ តាមបណ្ដោយផ្លូវជាតិលេខ៧ ត្រង់ចំណុចភូមិបន្ទាយ ឃុំគោលាប់ ស្រុកចិត្របុរី ខេត្តក្រចេះ ដែលបានបង្កឡើងរវាងរថយន្តសាំយ៉ុងមួយគ្រឿង បានជ្រុលទៅបុកម៉ូតូមួយគ្រឿងទៀត។</span></p>
<p><span style="color: #000000;">លោក ចាន់ ធី នាយផ្នែកចរាចរណ៍ស្រុកចិត្របុរី បានឲ្យដឹងថា ជនរងគ្រោះជាអ្នកបើកបរម៉ូតូ ឈ្មោះ អ៊ុក ហួង អាយុ៧១ឆ្នាំ រស់នៅភូមិកាទ្រីង សង្កាត់អូរឫស្សី ក្រុងក្រចេះ ចំណែកអ្នកបើកបររថយន្ត (អ្នកបង្ក) បានរត់គេចខ្លួនបាត់ស្រមោលបន្សល់ទុករថយន្តនៅកន្លែង។</span></p>
<p><span style="color: #000000;">លោកនាយផ្នែកចរាចរណ៍ស្រុកចិត្របុរីបានបន្តថា គ្រោះថ្នាក់ចរាចរណ៍នេះ បណ្តាលមកពីអ្នកបើកបររថយន្តបានបត់ចូលហាងបាយ អូននាង ក៏បុកម៉ូតូដែលជិះបញ្ច្រាស់ទិសគ្នា បណ្តាលមនុស្សស្លាប់ម្នាក់តែម្ដង។</span></p>
<p><span style="color: #000000;">បន្ទាប់មកកម្លាំងនគរបាលស្រុកចិត្របុរីបានយករថយន្តនឹងម៉ូតូទៅរក្សារទុកនៅអធិការដ្ឋាននរគបាលស្រុកចិត្របុរី រងចាំការដោះស្រាយនៅពេលក្រោយ ចំណែកសាកសពជងរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-02-09-18-11-26-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-09-18-11-26-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-09-18-11-26-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-09-18-11-27-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-09-18-11-27-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>