<p><span style="color: #000000;">ការរីករាលដាលនៃវីរុសខូរ៉ូណា បានធ្វើឱ្យសេដ្ឋកិច្ចរបស់ប្រទេសបារាំង ធ្លាក់ចុះយ៉ាងគំហុក នៅពាក់កណ្ដាលឆ្នាំដំបូង ២០២០ នេះ ប៉ុន្ដែប្រទេសនេះ ត្រៀមនឹងធ្វើឱ្យសេដ្ឋកិច្ចរបស់ខ្លួនងើបឡើងវិញយ៉ាងឆាប់រហ័ស ។ នេះបើយោងតាមការឱ្យដឹងរបស់ទីភ្នាក់ងារស្ថិតិជាតិរបស់បារាំង ។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/7/8/5568-08-07-2020--15-36-37.jpg"><img src="/FileManager/Articles/mce/2020/7/8/5568-08-07-2020--15-36-37.jpg" alt="" /></a><br /></span></p>
<p><span style="color: #000000;">វិទ្យាស្ថានជាតិស្ថិតិ និងការសិក្សាពីសេដ្ឋកិច្ចបារាំង បានប៉ាន់ប្រមាណថា សេដ្ឋកិច្ចរបស់ប្រទេសនេះ នឹងធ្លាក់ចុះត្រឹម ៩ % នៅឆ្នាំនេះ ។ ខណៈដែលការប៉ាន់ប្រមាណនេះ នៅតែបង្ហាញអំពីការធ្លាក់ចុះជាបណ្ដោះអាសន្នក្ដី ក៏វានៅតែមិនអាក្រក់ដុនដាបដូចការព្យាករណ៍អំពីការធ្លាក់ចុះរហូតដល់ ១១ % នៅក្នុងគម្រោងថវិកា ឆ្នាំ២០២០ របស់រដ្ឋាភិបាល ដែលត្រូវបានពិនិត្យឡើងវិញដែរ ។</span></p>
<p><span style="color: #000000;">នាពេលថ្មីៗនេះ គណៈកម្មការអឺរ៉ុប បានព្យាករណ៍ថា ក្នុងចំណោមសេដ្ឋកិច្ចតំបន់អឺរ៉ុប បារាំង អ៊ីតាលី និងអេស្ប៉ាញ គួរតែព្យាយមខ្លាំងបំផុត ក្នុងការទប់ស្កាត់ការងើបឡើងវិញនៃជំងឺខូវីត១៩ ។</span></p>
<p><span style="color: #000000;">ប្រទេសបារាំង បានរាយការណ៍ ករណីឆ្លងវីរុសខូរ៉ូណាជាង ២០៦,០០០ ករណី ដោយមានអ្នកស្លាប់ ពាក់ព័ន្ធនឹងជំងឺខូវីដ ១៩ នេះ មានចំនួន ២៩,៩៣៦ នាក់ ។ នេះបើយោងតាមការឱ្យដឹងរបស់សាកលវិទ្យាល័យ Johns Hopkins ៕</span></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ BBC</span></p>
<p><span style="color: #000000;"><strong> </strong></span></p>