<p><span style="color: #000000;"><strong>(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេចលុបចោលគម្រោងសាងសង់ ផ្លូវល្បឿនលឿន (Express Way) ពីភ្នំពេញទៅកាន់ព្រលានយន្តហោះអន្តរជាតិភ្នំពេញ ដោយសារតែប្រជាពលរដ្ឋមួយចំនួន បានតវ៉ានឹងទាមទារឱ្យធ្វើវេទិកាសាធារណៈ បង្ហាញពីផលប៉ះពាល់។</strong></span></p>
<p><span style="color: #000000;">សម្តេចតេជោ ហ៊ុន សែន ក៏បានបង្គាប់ឱ្យលុបចោលផ្លូវរថភ្លើងពីស្ថានីយ៍រថភ្លើងចាស់ទៅកាន់គីឡូម៉ែត្រលេខ៦ផងដែរ ហើយឱ្យសាងសង់ផ្លូវ នៅលើផ្លូវរថភ្លើងនេះ ពង្រីកជាផ្លូវជាតិឱ្យកាន់តែធំ ការពារការកកស្ទះចរាចរណ៍ ដោយសារតែពេលនេះ មិនមានរថភ្លើងបើកតាមផ្លូវនេះទៀតទេ។</span></p>
<p><span style="color: #000000;">សម្តេចតេជោ ថ្លែងដូច្នេះនៅក្នុងឱកាសអញ្ជើញសម្ពោធដាក់ឲ្យប្រើប្រាស់ជាផ្លូវការ នូវអគាររដ្ឋបាលសាលារាជធានីភ្នំពេញនាព្រឹកថ្ងៃទី០៥ ខែមេសា ឆ្នាំ២០១៦នេះ។</span></p>
<p><span style="color: #000000;">សម្តេចតេជោ ហ៊ុន សែន បានអំពាវនាវកុំឱ្យប្រជាពលរដ្ឋដែលនៅជាប់គម្រោងផ្លូវល្បឿនលឿននេះ មានការព្រួយបារម្ភតទៅទៀត៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/5/14-05-04-2016--10-16-02.jpg"><img src="/FileManager/Articles/mce/2016/4/5/14-05-04-2016--10-16-02.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>