<p><span style="color: #000000;"><strong>(មេនឆេស្ទើ)៖</strong> គ្រូបង្វឹកជនជាតិហូឡង់ Louis van Gaal ត្រូវបានក្លឹបបិសាចក្រហម Manchester United បញ្ចប់ តំណែងជាផ្លូវការហើយកាលពីរាត្រីថ្ងៃសៅរ៍សប្តាហ៍មុន បន្ទាប់ពីបុរសវ័យ៦៤ឆ្នាំរូបនេះ បានជួយឲ្យក្លឹបឈ្នះ ពាន FA Cup ឆ្នាំ២០១៦ ដោយដាក់ជំនួសមកវិញដោយអតីតគ្រូបង្វឹក Chelsea លោក Jose Mourinho ។</span></p>
<p><span style="color: #000000;">ទន្ទឹមគ្នានោះ សារព័ត៌មាន BBC បានធ្វើការកត់សម្គាល់ពាក្យពេចន៍ និងរូបភាពខ្លះលាទាំងអាល័យពីសំណាក់ អតីតគ្រូបង្វឹកជម្រើសជាតិហូឡង់ដែលបានដឹកនាំនៅ Old Trafford រយៈពេល៣ឆ្នាំមកនេះឈ្នះបានតែពាន ២គត់ គឺពានមិត្តភាពអន្តរជាតិ ICC នៅទឹកដីអាមេរិក និងពាន FA Cup កាលពីរាត្រីថ្ងៃសៅរ៍ ក្រោយយកឈ្នះ Crystal Palace ២-១ ក្នុងនាទីបន្ថែមនៅវគ្គផ្តាច់ព្រ័ត្រនៅកីឡដ្ឋាន Wembley ។</span></p>
<p><span style="color: #000000;">លោក Van Gaal បានថ្លែងថា <strong>«អ្វីៗត្រូវបានបញ្ចប់ហើយ សម្រាប់រយៈ៣ឆ្នាំកន្លងមកនេះនៅទឹកដីអង់គ្លេស ។ ពេលនេះមិនទាន់ទទួលជា្របការបញ្ចប់តំណែងខ្ញុំពីថ្នាក់ដឹកនាំនៅឡើយទេ ដោយគ្រាន់តែទទួលបានពាក្យចចាមអារ៉ាមមួយចំនួន ហើយនាយកប្រតិបត្តិក្លឹបលោក Ed Woodward ក៏មិនទាន់បានជួបខ្ញុំដោយផ្ទាល់នោះដែរ»</strong> ។</span></p>
<p><span style="color: #000000;">សូមបញ្ជាក់ផងដែរថា Louis van Gaal បានចាកចេញពីសណ្ឋាគារកាលពីថ្ងៃអាទិត្យម្សិលមិញ ដោយពុំមានជប់លៀងលាគ្នានោះឡើយ ពោលគឹដោយភាពស្ងប់ស្ងាត់ជាទីបំផុត ហើយ១ប្រកួតចុងក្រោយ Manchester United ទល់នឹងក្រុម Crystal Palace ក៏ជា១ប្រកួតចុងក្រោយរបស់គាត់ដែរក្នុងទឹកដីអង់គ្លេស ។</span></p>
<p><span style="color: #000000;">យ៉ាងណាក៏ដោយ រហូតមកដល់ពេលនេះ ពុំមានទាន់មានប្រភពណាមួយបញ្ជាក់ថា គ្រូបង្វឹក Louis van Gaal នឹងទៅណា និងដឹកនាំក្រុមណាមួយឡើយ គ្រាដែលក្លឹបចុងក្រោយរបស់គាត់ Man Utd គ្រោងនឹងតែងតាំងលោក Jose Mourinho ជាផ្លូវការចុងសប្តាហ៍នេះហើយ ៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/17C42/production/_89764379_louis_van_gaal_hotel_bbc.jpg" alt="" width="730" /></span></p>
<p><span style="color: #000000;"><img src="http://snappa.static.pressassociation.io/assets/2015/12/28205246/1451335963-5e94ea56113c3fba24a93f87bc542f44-600x400.jpg" alt="" width="730" /></span></p>
<p style="text-align: center;"><span style="color: #000000;">Louis van Gaal លាហើយអ្នកគាំទ្រ Manchester United</span></p>
<p><span style="color: #000000;"><img src="http://img.thesun.co.uk/aidemitlum/archive/02871/GettyImages-531960_2871933a.jpg" alt="" width="730" /></span></p>
<p><span style="color: #000000;"><img src="http://e1.365dm.com/16/05/16-9/20/louis-van-gaal-manchester-united-fa-cup-final_3470915.jpg?20160521205749" alt="" width="730" /></span></p>
<p><span style="color: #000000;"><img src="http://i4.mirror.co.uk/incoming/article7044999.ece/ALTERNATES/s1200/Jose-Mourinho-United-main.jpg" alt="" width="730" /></span></p>
<p style="text-align: center;"><span style="color: #000000;">គ្រូបង្វឹក Jose Mourinho ដែលត្រូវជំនួសតំណែងលោក Van Gaal</span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>