<p><span style="color: #000000;"><strong>ភ្នំពេញ៖</strong> សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាសជាមួយប្រសាសន៍ធ្ងន់ៗថា កម្ពុជា មិនបោះ បង់ចោលសិទ្ធិទាមទារ ចំណុចមួយចំនួនពីប្រទេសជិតខាងនោះទេ ប៉ុន្តែទាមទារឲ្យខ្មែរមានឯកភាពផ្ទៃក្នុងជាមួយ គ្នា នៅលើផែនទីជាមុនសិន។</span></p>
<p><span style="color: #000000;">ការប្រកាសរបស់សម្តេចនាយករដ្ឋមន្រ្តី ហ៊ុន សែន បង្ហាញជំហរទាមទារទឹកដីពីប្រទេសជិតខាង បានធ្វើឡើងនៅ ក្នុងពិធីប្រគេនសញ្ញាបត្រ ដល់សមណនិស្សិត ពុទ្ធិកសាកលវិទ្យាល័យព្រះសីហនុរាជ នៅវិទ្យាស្ថានជាតិអប់រំ នា ព្រឹកថ្ងៃទី១៦ ខែកក្កដា ឆ្នាំ២០១៥នេះ ។</span></p>
<p><span style="color: #000000;">សម្តេចតេជោ បានថ្លែងថា «ខ្ញុំក៏ផ្តាំទៅដៃគូធ្វើការជាមួយយើង នៅប្រទេសជិតខាងថា កម្ពុជាអត់បោះបង់ចោលនូវ សិទ្ធិ នៃការដែលខ្លួនទទួលខុសត្រូវ ទៅលើបញ្ហាការទាមទារចំណុចមួយចំនួន ដែលនៅសេសសល់ទេ ទោះបីជា កម្ពុជា នៅមានចំណុចមិនទាន់ឯកភាពគ្នាក្នុងផ្ទៃក្នុងមួយចំនួន ដែលកំពុងស្វះស្វែងរកការឯកភាពគ្នា ឯកភាពលើ ផែនទីហ្នឹងសិន»។</span></p>
<p><span style="color: #000000;">សម្តេចនាយករដ្ឋមន្រ្តី ក៏បានបញ្ជាក់ផងដែរថា ពេលនេះគ្មានហេតុផលអ្វី ដែលត្រូវលាក់បាំងរឿងព្រំដែននោះទេ។ សម្តេចថា អ្នកប្រឆាំងផ្កាប់មុខ នៅតែបន្តវាយប្រហារ ដោយមិនយល់ពីការខិតខំដោះស្រាយបញ្ហាព្រំដែន របស់រាជ រដ្ឋាភិបាល ក៏ដូចជាគណៈកម្មាធិការព្រំដែន៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/16/7-16-2015-2-31-56-pm-16-07-2015--14-42-52.png"><span style="color: #000000;"><img src="/FileManager/Articles/mce/2015/7/16/7-16-2015-2-31-56-pm-16-07-2015--14-42-52.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>