<p><span style="color: #000000;"><strong>(ភ្នំពេញ)៖</strong> ជម្លោះក្នងគ្រួសារបានបណ្តាលឲ្យស្រ្តីម្នាក់ ត្រូវបានប្តីចាក់សម្លាប់ដោយកាំបិតចុងស្រួច នៅវេលាម៉ោង១៖១០នាទីយប់រំលងអាធ្រាត្រ ឈានចូលថ្ងៃទី១៦ ខែសីហា ឆ្នាំ២០១៦ ស្ថិតនៅចំណុចបន្ទប់ផ្ទះជួលគ្មានលេខ ផ្លូវបេតុង ក្រុមទី០៩ ភូមិឬស្សី១ សង្កាត់ស្ទឹងមានជ័យ ខណ្ឌមានជ័យ។</span></p>
<p><span style="color: #000000;">លោក ម៉េង វិមានតារា អធិការរងនគរបាលខណ្ឌមានជ័យ បានបញ្ជាក់ថា ជនសង្ស័យឈ្មោះ ទន់ ធាវី អាយុ៤៧ ឆ្នាំ ទីលំនៅផ្ទះជួល ផ្លូវលំភូមិ ត្នោតជ្រុំ៤ សង្កាត់ បឹងទំពុន ខណ្ឌមានជ័យ មុខរបរ រត់ម៉ូតូឌុប មានស្រុកកំណើត ភូមិបាលិលេយ្យ១ ឃុំ ដងឡង ស្រុកបាកាន ខេត្តពោធិសាត់ បាននិងកំពុងរត់គេចខ្លួន។ ដោយឡែកជនរងគ្រោះឈ្មោះ សុខ សុឃិន អាយុ៤២ឆ្នាំ ស្នាក់នៅចំណុចកើតហេតុ មានមុខរបរ បើកកន្លែងកោសជប់ (មានស្រុកកំណើត ភូមិ វាល ឃុំ ចាម ស្រុក កំពង់ត្របែក ខេត្ត ព្រៃវែង។ វត្ថុតាងបន្សល់នៅកន្លែងកើតហេតុ៖ កាំបិតចិតបន្លែ០១ដើម,កាំបិតបុ័ងតោ០១។</span></p>
<p><span style="color: #000000;">លោក ម៉េង វិមានតារា បានបន្តទៀតថា នៅមុនពេលកើតហេតុជនសង្ស័យឈ្មោះ ទន់ ធាវី និង ជនរងគ្រោះឈ្មោះ សុខ សុឃិន ជាស្រ្តីមេម៉ាយមានកូនប្រុស០២នាក់ បានយកគ្នាជាប្តីប្រពន្ធ មកស្នាក់នៅផ្ទះជួលគ្មានលេខ ផ្លូវបេតុង ក្រុមទី០៩ ភូមិឬស្សី១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ហើយពេលរស់នៅជាមួយគ្នាអ្នកទាំង០២ ឧស្សាហ៍ឈ្លោះប្រកែកគ្នាក៏លែងលះ។</span></p>
<p><span style="color: #000000;">ក្រោយលែងលះគ្នាជនសង្ស័យបានចេញទៅរស់នៅផ្ទះជួល ភូមិត្នោតជ្រុំ៤ សង្កាត់ បឹងទំពុន លុះមកដល់ថ្ងៃកើតហេតុស្រាប់តែឮសំឡេងជនរងគ្រោះ ស្រែកឲ្យជួយចេញពីក្នុងផ្ទះ អ្នកជិតខាងបានចេញទៅមើលឃើញជនសង្ស័យឈ្មោះ ទន់ ធាវី កាន់កូនកាំបិតក្នុងដៃខ្លួនប្រឡាក់ឈាម រត់ចេញពីក្នុងផ្ទះតាមផ្លូវក្រោយគេចខ្លួនបាត់។</span></p>
<p><span style="color: #000000;">ចំណែកជនរងគ្រោះដេកស្លាប់ក្នុងផ្ទះ នៅក្បែរសពមានកាំបិតចិតបន្លែ០១ដើម,កាំបិតបុ័ងតោ០១ដើម។</span></p>
<p><span style="color: #000000;">លោកបានបន្តថា <strong>«ករណីនេះយើងបានធ្វើបានសហការជាមួយ កម្លាំងការិយាល័យព្រហ្មទណ្ឌកំរិតធ្ងន់រាជធានីភ្នំពេញ ធ្វើការស្រាវជ្រាវរកជនសង្ស័យដើម្បីចាត់ការតាម នីតិវិធី»</strong>។ ដោយឡែកសពស្រ្តីរងគ្រោះ ត្រូវបានសមត្ថកិច្ចប្រគល់ទៅឲ្យក្រុមគ្រួសារ យកទៅធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-16-07-09-56-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-16-07-09-56-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>