<p><span style="color: #000000;"><strong>(ភ្នំពេញ)៖</strong> វាពិតជារឿងដ៏គួរឲ្យភ្ញាក់ផ្អើលមួយ សម្រាប់មហាជនអ្នកគាំទ្រ ព្រមទាំងបណ្តាមិត្តភក្តិ នៅលើបណ្តាញសង្គមហ្វេសប៊ុក ខណៈនៅសុខៗ ស្រាប់តែតារាវ័យក្មេង ជាប់ឈ្មោះជាស្រ្តីមេម៉ាយកូនមួយ សាច់សខ្ចីដូចពងមាន់បក អ្នកនាង គង់ សូនីតា បានទម្លាយសារប្លែកមួយឃ្លា ហាក់មានចេតនាចង់សម្លាប់ខ្លួនជាថ្មី ព្រោះតែវិបត្តិផ្លូវចិត្តធ្ងរធ្ងរ មិនអាចដោះស្រាយបាន។</span></p>
<p><span style="color: #000000;">តាមរយៈសារមួយឃ្លា ដែលត្រូវបានតារាស្រីរូបស្រស់ អ្នកនាង គង់ សូនីតា បង្ហោះធ្វើឲ្យមានការជ្រួលច្របល់ ដល់ទស្សនិកជននោះ គឺនាងបានសរសេរថា «លាហើយរឿងដែលមិនល្អទាំងឡាយ លាជារៀងរហូតមិត្តភក្តិមីងមាប្អូនបង និងកូនជាទីស្រឡាញ់ ខ្ញុំលារហូតហើយ..!»។</span></p>
<p><span style="color: #000000;">ដោយមានការបង្ហោះរៀបរាប់ យ៉ាងដូច្នេះ ពីសំណាក់តារាស្រី គង់ សូនីតា ភ្លាមៗនោះ គេសង្កេតឃើញអ្នកគាំទ្រ និងមិត្តភក្តិនាងជាច្រើន បានសរសេរលួងលោម លើកទឹកចិត្តថា « កុំធ្វើមនុស្សទន់ជ្រាយពេក ត្រូវតែរឹងមាំឡើង ហើយគិតឲ្យបានវែងឆ្ងាយ។ ម្យ៉ាងទៀតនៅមានកូនជាក្តីសង្ឃឹមរបស់យើង កុំជ្រើសយកផ្លូវនេះមិនល្អទេ!»។</span></p>
<p><span style="color: #000000;">យ៉ាងណាមិញ បើតាមការថ្លែងប្រាប់ Khmertalking ឲ្យដឹងពីសាមីខ្លួន អ្នកនាង គង់ សូនីតា បានបញ្ជាក់យ៉ាងខ្លី ទាំងសំឡេងរអាក់រអួលដើមកថា «ច៎ា បង! ខ្ញុំពិតជាពិបាកចិត្តណាស់ ។ ខ្ញុំបានលេបថ្នាំអស់ប្រាំបន្ទះ រួមជាមួយថ្នាំងងុយគេងអស់៥គ្រាប់ថែមទៀត ប៉ុន្តែវាមិនអីគ្រាន់តែធ្វើទុក្ខខ្លះៗប៉ុណ្ណោះ ហើយពេលនេះខ្ញុំលែងអីហើយ!»។</span></p>
<p><span style="color: #000000;">សូមបញ្ជាក់ថា នេះជាលើកទី២ហើយ សម្រាប់តារាស្រីកូនមួយ អ្នកនាង គង់ សូនីតា ដែលបានជ្រើសយកការលេបថ្នាំ ដើម្បីប៉ងផ្តាច់ជីវិត ក្រោយពេលជួបវិបត្តិផ្លូវចិត្តធ្ងន់ធ្ងរ ខណៈលើកទី១កើតឡើង កាលពីអំឡុងចុងខែមេសាឆ្នាំ២០១៦ និងលើកទី២នេះ កាលពីថ្ងៃទី០៦ ខែធ្នូឆ្នាំ២០១៦ ប៉ុន្តែជាលទ្ធផលទាំងពីរលើក ត្រូវបានជួយសង្គ្រោះទាន់ពេលវេលា៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15327315_1676091105750526_7672959469141902787_n.jpg?oh=c0aec934b15ea5384b614c5cff40bcd1&oe=58F764E4" alt="" /></span></p>
<p><span style="color: #000000;"><img src="https://fb-s-a-a.akamaihd.net/h-ak-xfl1/v/t1.0-9/15355770_1676091102417193_6659964876695981070_n.jpg?oh=ac4735411133a29d5cac0e7764f9d3a2&oe=58BBD0AC&__gda__=1492588030_47b136db2b02514a92d7d9ff726557e6" alt="" /></span></p>
<p><a class="thickbox" title="" href="/FileManager/Commons/2016/12/7/04-07-12-2016--16-12-49.jpg"><img src="/FileManager/Articles/mce/2016/12/7/04-07-12-2016--16-12-49.jpg" alt="" /></a></p>
<p><span style="color: #000000;"><img src="https://fb-s-c-a.akamaihd.net/h-ak-xpt1/v/t1.0-9/15327498_1676091145750522_7578085463016023765_n.jpg?oh=74a2dcd4620164256597c02cdea869a3&oe=58FBA4D3&__gda__=1488120644_f2cb21ab796377d7b47a6f82012284f7" alt="" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>