<p>មួកក្រដាសដែលត្រូវបានរចនាឡើងដោយគ្រូបង្រៀននៅសកលវិទ្យាល័យ Kasetsart ប្រទេស<br />ថៃ នេះ គឺក្នុងបំណងទប់ទល់នឹងការលួចចម្លង ក្នុងអំឡុងពេលនៃការប្រឡងរបស់សាលា។<br /><br />ដើម្បីទប់ស្កាត់ឱ្យបានជាដាច់ខាតនូវស្ថានភាពលួចចម្លងពីគ្នា ក្នុងពេលប្រឡង ក្រុមគ្រូបង្រៀន<br />នៅសកលវិទ្យាល័យ Kasetsart នៃប្រទេសថៃ បានសម្រេចចិត្ដចាត់វិធានការថ្មី និងចម្លែកបំផុត<br /> ដោយបង្ខំឱ្យសិស្សពាក់មួកក្រដាស ដែលមានរូបរាងដូចទៅនឹងមួកក្សត្រី ម៉ុងហ្គូលី។ មួកក្រដាស<br />នេះ មានមុខងារបិទបាំង “ចក្ខុវិស័យ” របស់សិស្សខិលខួច ក្នុងពេលប្រឡង។</p>
<p style="text-align: center;"><a class="thickbox" title="" href="/FileManager/Commons/2013/8/17/thai-exam-17-08-2013--22-12-17.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/17/thai-exam-17-08-2013--22-12-17.jpg" alt="" /></a>និស្សិតថៃ ពាក់មួកការពារ ការលួចចម្លង អំឡុងពេលប្រឡង</p>
<p>មួកចម្លែកដែលជាស្នាដៃនៃគំនិតច្នៃប្រឌិតនេះ ត្រូវបានធ្វើឡើងអំពីក្រដាស ចំនួន ២សន្លឹកនៅ<br />សងខាង ហើយវាមានប្រសិទ្ធិភាពខ្ពស់ ក្នុងការរារាំងអ្នកពាក់ មិនឱ្យមើលឃើញចម្លើយរបស់អ្នក<br />ដែលអង្គុយក្បែរខ្លួន។ <br /><br />ប្រភពព័ត៌មាន បានឱ្យដឹងថា និស្សិតប្រមាណជា ១០០នាក់ នៃផ្នែកឧស្សាហកម្មកែច្នៃ របស់<br />សកលវិទ្យាល័យខាងលើ បានចូលរួមប្រឡង និងត្រូវពាក់មួកប្រភេទពិសេសនេះ គ្រប់គ្នា។ ប៉ុន្ដែ<br /> គណកម្មការនាយកបានអះអាងថា ការកំណត់នេះ ត្រូវបានធ្វើឡើងក្នុងបំណងល្អ មិនមែនជាការ<br />បង្អាប់ដល់និស្សិតនោះទេ។<br /><br />ភាគីខាងសកលវិទ្យាល័យ Kasetsart បកស្រាយថា បន្ទប់ប្រឡងរបស់សាលា មានភាពតូចចង្អៀត<br /> ខណៈដែលសិស្សមានច្រើន ដូច្នេះ ការអង្គុយក្បែរគ្នាពេក សិស្សទាំងឡាយអាចលួចចម្លងពីគ្នា<br />បានដោយងាយ បង្កឱ្យមានផលប៉ះពាល់ខ្លាំងដល់ចំណេះដឹងពិតរបស់ពួកគេ មូលហេតុនេះហើយ ដែលនាំឱ្យឈ្នួតក្បាលដែលមានរាងដូចទៅនឹងមួករបស់ក្សត្រី ម៉ុងហ្គោលី ត្រូវបានបង្កើតឡើង៕</p>
<p style="text-align: right;"><br />ដោយ ៖ តារា<br />ប្រភព ៖ straitstimes<br /><br /></p>