<div class="article-content">
<p><strong>ព្រះសីហនុៈ</strong> មេបញ្ជាការ កងរាជអាវុធហត្ថ ស្នាក់ការសន្តិសុខ កែវផុស ម្នាក់ បានស្លាប់បាត់បង់ ជីវិត ខណៈដែលបញ្ជូន ទៅសង្រ្គោះនៅមន្ទីរពេទ្យ កាលពីវេលាម៉ោង ២៣ និង១៥នាទី យប់ ថ្ងៃទី ២៣ ខែធ្នូ ឆ្នាំ២០១៣ នៅចំណុចជាប់របងមន្ទីរពេទ្យ បង្អែកខេត្ត ក្នុងអាហារដ្ឋាន តន្រ្តី ម្ចាស់ចិត្ត ដែលមានបម្រើសេវាកម្មខារ៉ាអូខេ ស្ថិតនៅក្រុម២ ភូមិ៤ សង្កាត់លេខ៤ ក្រុងខេត្តព្រះសីហនុ ។</p>
<p>ប្រភពពីសមត្ថកិច្ចបានឱ្យដឹងថា ជនរងគ្រោះមានឈ្មោះ ពៅ សុធារ័ត្ន ឋានៈ អនុសេនីយ៍ឯក អាយុ៤៦ឆ្នាំ ជាមេបញ្ជាការកងរាជអាវុធហត្ថ ស្នាក់ការសន្តិសុខកែវផុស ។ ប្រភពពីសាក្សីនៅ កន្លែងកើតហេតុបានឱ្យដឹងថា មុនកើតហេតុ គេឃើញជនរងគ្រោះ រួមជាមួយកូនចៅ របស់ខ្លួន បានអង្គុយហូបស្រាបៀរ និងច្រៀងខារ៉ាអូខេ លេងកំសាន្ត។ ក្រោយមកទៀតគេឃើញកូនចៅ ជនរងគ្រោះបានចាកចេញ អស់មួយចំនួន បន្ទាប់គេក៏ឃើញ ជនរងគ្រោះ មានការឈ្លោះប្រកែក គ្នា ជាមួយភ្ញៀវដែលមានតុក្បែរគ្នា ក៏មានការប្រតាយប្រតប់គ្នា ហើយមិនដឹង ជាមូលហេតុអ្វី ស្រាប់តែកាំភ្លើងរបស់ ជនរងគ្រោះម៉ាកកា៥៤បានផ្ទុះឡើង១គ្រាប់ បណ្តាលឱ្យចំមាត់ ជនរងគ្រោះ រួចធ្លាយ ទៅក្រោយក្បាល ធ្វើឱ្យជនរងគ្រោះដេកដួលសន្លប់ ទៅនិងដីភ្លាមមួយរំពេច ។</p>
<p>ក្រោយមកក៏ត្រូវបានគេលើកជនរងគ្រោះដាក់លើរថយន្តផ្ទាល់ខ្លួនរបស់គាត់ដឹកយកទៅសង្រ្គោះនៅមន្ទីរពេទ្យ តែជាអកុសល ជនរងគ្រោះបានដាច់ខ្យល់ស្លាប់ តាមផ្លូវរួចបាត់ទៅហើយ ។ បន្ទាប់ពីមានហេតុ ការណ៍ ផ្ទុះអាវុធនេះរួចមក សមត្ថកិច្ចនគរបាល នៃស្នងការដា្ឋននគរបាល ខេត្តព្រះសីហនុ និង សមត្ថកិច្ច កងរាជអាវុធហត្ថ ខេត្តព្រះសីហនុ បានសហការគ្នាចុះមក ធ្វើការស្រាវជ្រាវនៅទីតាំង កើតហេតុ ដោយ បានធ្វើការឃាត់ខ្លួនមនុស្សពាក់ព័ន្ធមួយចំនួន ព្រមទាំងស្រ្តីដែលជាម្ចាស់ហាង ដែលស្ថិតក្នុង ហេតុការណ៍នោះផងដែរ ។ នៅមិនទាន់មានមន្រ្តីណាម្នាក់ ហ៊ានអះអាងពីមូល ហេតុអ្វី ពិតប្រាកដនោះនៅឡើយទេ ។</p>
<p>បច្ចុប្បន្ននេះសពជនរងគ្រោះ កំពុងត្រូវបានរៀបចំ ចាត់ចែងបញ្ជូនទៅស្នាក់ការសន្តិសុខ កែវផុស ដែលស្ថិតនៅ ឃុំកែវផុស ស្រុកស្ទឹងហាវ ខេត្តព្រះសីហនុ ដើម្បីឱ្យក្រុមគ្រួសារនិងអង្គភាពរៀបចំ បុណ្យសពតាមប្រពៃណី ៕</p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0787.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0785.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/December/id-067/CH-0788.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0786.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0789.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0790.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0791.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0793.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/December/id-067/CH-0794.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0792.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/78022-2013-12-23-23-27-02.html"><span style="color: #0000ff;">ដើមអំពិល</span></a></p>
</div>