<p><span style="color: #000000;">ព័ត៌មានអន្តរជាតិ ៖ ក្រុមកងកម្លាំង ប្រទេស នីហ្សេរីយ៉ា ដែលប្រឈមមុខជាមួយនឹង ក្រុម ឧទ្ទាមខ្លាំង ប្រចាំប្រទេស ក្រុមឧទ្ទាម Boko Haram បានសម្លាប់មេដឹកនាំកំពូល របស់ក្រុមមួយនេះហើយ នៅភាគ ខាងជើងប្រទេស រដ្ឋ Borno នេះបើយោងតាមការគូសបញ្ជាក់អោយដឹង ពីអ្នកនាំពាក្យ យោធា កាលពី ថ្ងៃពុធកន្លងទៅនេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/23/50-23-04-2015--14-01-34.jpg"><img src="/FileManager/Articles/mce/2015/4/23/50-23-04-2015--14-01-34.jpg" alt="" /></a><br /></span></p>
<p><span style="color: #000000;">សារព័ត៌មានរដ្ឋចិន ស៊ិនហួរ បន្ទាប់ពីដកស្រង់សម្តីលោក Chris Olukolade អ្នកនាំពាក្យ អោយ អគ្គនា យកគ្រប់គ្រងទូទៅ ស្នាក់ការកណ្តាល ការពារជាតិ នីហ្សេរីយ៉ា អោយដឹងថា ក្រុមឧទ្ទាម ខាងលើ បាន បើកការវាយប្រហារទៅលើកងកម្លាំងល្បាតរដ្ឋ នៅខាងក្រៅតំបន់ Alagarno នាវេលាព្រឹកថ្ងៃអង្គារ ។ </span></p>
<p><span style="color: #000000;">លោកបន្តអោយដឹងថា ៖ ក្រុមសកម្មប្រយុទ្ធ ត្រូវបានសម្លាប់ នៅពេលដែល កងកម្លាំង វាយបកទៅលើ ការវាយប្រហារខាងលើ ខណៈ សព្វាវុធរួមមានដូចជា គ្រាប់បែក Rocket Propelled Grenades ក៏ដូច ជារថពាសដែក ការពារការវាយប្រហារ តាមអាកាស ត្រូវបានរឹបអូសយក នៅក្នុងការ ប៉ះទង្គិចនេះ ដូច គ្នាដែរ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/23/51-23-04-2015--14-01-48.jpg"><img src="/FileManager/Articles/mce/2015/4/23/51-23-04-2015--14-01-48.jpg" alt="" /></a><br /></span></p>
<p><span style="color: #000000;">លោក Olukolade អ្នកនាំពាក្យដដែលបន្តអោយដឹងថា ៖ ប្រតិបត្តិការយោធា នៅតែបន្តមាន ក្នុងគោល បំណង ចេញសកម្មផាពការពារ ដើម្បីកំណត់អោយបាននូវ ក្រុមសកម្មប្រយុទ្ធលាក់ខ្លួន នៅតាមតំបន់ ព្រៃក្នុងប្រទេស ។ បន្ថែមពីលើនេះ ក្រៅពីយុទ្ធនាការ ដើរល្បាត ក្នុង នោះ ប្រតិបត្តិការ ហ៊ុមព័ន្ធ ស្រាវ ជ្រាវ និងតាមប្រមាញ់ នៅតាមទីកន្លែងផ្សេងទៀត ត្រូវបានធ្វើឡើងដូចគ្នា នៅតាម គោលដៅសំខាន់ ក្នុងផ្នត់គំនិតចម្បង តាមប្រមាញ់ រកក្រុមសកម្មប្រយុទ្ធ និង សព្វាវុធដ៏មានសក្តានុពលរ បស់ពួកគេជា ដើម ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ិនហួរ </span></p>