<p><span style="color: #000000;"><strong>ភ្នំពេញ៖</strong> ថ្មីៗនេះ មហាជនជាច្រើន មានការចាប់អារម្មណ៍ ពិសេសទៅលើទំនាក់ទំនង រវាង តារាប្រុសស្រីពីរដួង គឺតារាសម្តែង កញ្ញា ពៅ លីដា និងតារាសម្តែងបុរសសង្ហា លោក អ៊ុន សុធា ហាក់មានភាពជិតស្និទ្ធិល្អូកល្អើន ជាមួយគ្នាប្រៀបដូចជាគូស្នេហ៍ថ្មោងថ្មីនោះ។ តារាសម្តែងម្ចាស់សាម៉ីខ្លួននាង ពៅ លីដា បានប្រញាប់ប្រញាល ចេញមុខច្រាន ចោលព័ត៌មានស្នេហានោះ ភ្លាមៗថា នាងនិងតារាសម្តែង លោក អ៊ុន សិទ្ធា រាប់អានគ្នាត្រឹមតែមិត្តរួមអាជីព គ្មានអ្វីលើសនេះឡើយ ។</span></p>
<p><span style="color: #000000;">ជួបសម្ភាសន៍ តាមទូរស័ព្ទ ជាមួយគេហទំព័រ LookingTODAY នៅថ្ងៃទី៥ ខែសីហា ឆ្នាំ២០១៥នេះ តារាស្រីចម្រុះស្រួច កញ្ញា ពៅ លីដា បានប្រាប់ឲ្យដឹងថា ព័ត៌មានដែលលេចឮចចាមអារ៉ាមថា នាងមានស្នេហា ជាមួយ លោក អ៊ុន សិទ្ធា គឺមិនមែនជាការពិតទេ ។ព័ត៌មាននេះចាប់ផ្តើម លេចជារូបរាង គឺបន្ទាប់ពួកគេចាប់ដៃគូគ្នា សម្តែងរឿង កាលពីពេលថ្មីៗនេះ តែប៉ុណ្ណោះ។</span></p>
<p><span style="color: #000000;">តារាស្រីសម្បុរ ស្រអែមស្រស់រូបនេះ បានប្រាប់ឲ្យដឹងថា « រឿងនេះ ជាការយល់ច្រឡំទេ ទំនាក់ទំនង រវាងពួកខ្ញុំទាំងពីរនាក់ គឺគ្មានអីលើសពីមិត្ត រួមការងារទេ ហើយម្យ៉ាងទៀត អ្នកសិល្បៈ បើបានរួមការងារ ជាមួយគ្នាហើយ គឺតែងតែមានភាព ជិតដិត រាប់អានគ្នា វាជារឿងធម្មតា គ្មានអ្វីចំឡែកទេ ។ ខ្ញុំសុំបញ្ជាក់ថា ខ្ញុំហើយនិងគាត់ (អ៊ុន សិទ្ធា) មិនមានស្នេហាក្រៅឆាក ជាមួយគ្នាទេ ដូចទស្សនិកជន យល់ច្រឡំទេ ខ្ញុំសង្ឃឹមថា ក្រោយពីបកស្រាយ ហើយទស្សនិកជន នឹងលែងយល់ច្រឡំ មកលើទំនាក់ទំនង ពួកខ្ញុំទៀតហើយ..»។</span></p>
<p><span style="color: #000000;">នៅក្នុងនោះ តារាស្រីដែលវិវត្តន៍ខ្លួន ក្លាយជាម្ចាស់ហាងកែសម្ផស្ស ទាំងវ័យក្មេង កញ្ញា ពៅ លីដា បានប្រាប់ឲ្យដឹងទៀតថា នៅពេលនេះម៉ោងនេះ នាងមិនទាន់មានម្ចាស់បេះដូង មកជំពាក់ចិត្តទេ ដោយនាងចង់ទុកពេលពង្រឹងមុខជំនួញ ពង្រឹងការងារសិល្បៈ ឲ្យជោគជ័យខ្លាំងជាងនេះសិន ប្រហែលជា២-៣ ឆ្នាំទៀត បានចាប់ផ្តើមគិតពីរឿងស្នេហា សាងគ្រួសារ ដូចនារីដទៃ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/5/76-05-08-2015--14-08-16.jpg"><img src="/FileManager/Articles/mce/2015/8/5/76-05-08-2015--14-08-16.jpg" alt="" /></a></span></p>
<p><a class="thickbox" title="" href="/FileManager/Commons/2015/8/5/75-05-08-2015--14-08-23.jpg"><img src="/FileManager/Articles/mce/2015/8/5/75-05-08-2015--14-08-23.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/5/76-05-08-2015--14-08-16.jpg"></a></span></p>
<p><a class="thickbox" title="" href="/FileManager/Commons/2015/8/5/74-05-08-2015--14-08-30.jpg"><img src="/FileManager/Articles/mce/2015/8/5/74-05-08-2015--14-08-30.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>