<p><span style="color: #000000;"><strong>បាត់ដំបង៖</strong> ក្រុមចោរប្រដាប់កាំភ្លើងវែងខ្លី ៣នាក់ បានជិះ ម៉ូតូចូលប្លន់ផ្ទះអាជីវករប្តូរប្រាក់ លក់មាស និងវេរលុយ (វីង) យកលុយដុល្លារ និងលុយបាត សរុបជិត ៦ពាន់ដុល្លារ និងមាសជាង ៦តម្លឹង នាវេលាម៉ោង ៦ និង៥០នាទី ល្ងាចថ្ងៃទី០១ ខែមករា ឆ្នាំ២០១៥ ស្ថិតនៅភូមិហៃសាន ឃុំជ្រៃ ស្រុកថ្មគោល ខេត្តបាត់ដំបង។</span></p>
<p><span style="color: #000000;">យោងតាមប្រភពពីសមត្ថកិច្ច បានឲ្យដឹងថា នៅម៉ោងកើតហេតុខាងលើ ក្រុមចោរមានគ្នា ៣នាក់ ប្រដាប់កាំភ្លើង អាការស្វាយបត់ និងកាំភ្លើងខ្លី បានជិះម៉ូតូមកដល់ផ្ទះជនរងគ្រោះ ហើយចូលភ្ជង់ម្ចាស់ផ្ទះវាយបំបែកទូដាក់មាស ប្រមូលយកមាស ព្រមទាំងសំឡុតប្រមូលយកលុយដុល្លារ និងលុយបាត ហើយជិះម៉ូតូគេចខ្លួនទៅបាត់ដោយ សុវត្ថិភាព។</span></p>
<p><span style="color: #000000;">សមត្ថកិច្ចបញ្ជាក់ថា ទ្រព្យសម្បត្តិ ដែលក្រុមចោរប្លន់ទៅនោះ មានលុយដុល្លារ ៣.៩០០ដុល្លារ, លុយបាត ៦០.០០០បាត និងមាសទម្ងន់ ៦តម្លឹង ៣ជី។ ម្ចាស់ផ្ទះជាជនរងគ្រោះ មានឈ្មោះ ចាន់ ឈាងហាប់ ភេទប្រុស អាយុជាង ៥០ឆ្នាំ។</span></p>
<p><span style="color: #000000;">ទោះបីជាយ៉ាងអំពើប្លន់ប្រដាប់អាវុធលើកដំបូងក្នុងឆ្នាំ២០១៥នេះ មិនបង្កឲ្យម្ចាស់រងគ្រោះថ្នាក់នោះទេ។</span></p>
<p><span style="color: #000000;">ក្រោយកើតហេតុកម្លាំងសមត្ថកិច្ច បានចុះទៅកាន់កន្លែងកើតហេតុ ព្រមទាំងសាកសួរព័ត៌មាន ដើម្បីកំណត់មុខ សញ្ញាចោរប្លន់ និងស្រាវជ្រាវតាមចាប់យកផ្តន្ទាទោសទៅតាមច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/2/1-2-2015-8-11-59-am-02-01-2015--08-17-25.png"><img src="/FileManager/Articles/mce/2015/1/2/1-2-2015-8-11-59-am-02-01-2015--08-17-25.png" alt="" /></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>