<p><span style="color: #000000;"><strong>ភ្នំពេញ ៖</strong> លោក ដោក ណារិន ដែលជាអតីត ទីប្រឹក្សាក្រសួងធម្មការ និង សាសនា អតីត លេខាគណៈកម្មាធិការ បក្ស និងប្រធានគណៈកម្មាធិការបក្ស ប្រជាជានកម្ពុជា ខេត្តកំពង់ឆ្នាំង បានទទួលមរណភាព កាលពីវេលាម៉ោង ៤និង១៥នាទីព្រឹកថ្ងៃទី៧ ខែសីហា ឆ្នាំ២០១៥ នៅ មន្ទីរពេទ្យកាល់ម៉ែត ក្នុងជន្មាយុ ៨០ ឆ្នាំ ដោយរោគាពាធ ។</span></p>
<p><span style="color: #000000;"> លោក ដោក ណារិន មានស្រុកកំណើត នៅភូមិត្រពាំងធ្លក ឃុំជាច ស្រុកកំចាយមារ ខេត្តព្រៃវែង លោកជាអតីត កម្មាភិបាលមួយរូប ដែលបានចូលរួម ក្នុងចលនាតស៊ូ វាយផ្តួលរំលំ របបប្រល័យពូជសាសន៍ ខ្មែរក្រហម ។</span></p>
<p><span style="color: #000000;"> លោក ដោក ណារិន ធ្លាប់ធ្វើជា លេខាគណៈកម្មាធិការបក្ស និង ជាប្រធាន គណៈកម្មាធិការ បក្សប្រជាជានកម្ពុជា ខេត្តកំពង់ឆ្នាំង ពីឆ្នាំ១៩៧៩ ដល់ឆ្នាំ១៩៩២ ។</span></p>
<p><span style="color: #000000;">ចាប់ពីឆ្នាំ១៩៩២ ដល់ឆ្នាំ២០០៨ លោកមានតួនាទីជា អនុរដ្ឋលេខាធិការ ក្រសួងធម្មការ និង សាសនានិង ពីឆ្នាំ២០០៨ ដល់ឆ្នាំ២០១៣លោកមានតួនាទីជារដ្ឋលេខាធិការក្រសួងធម្មការ និងសាសនា ។ ចាប់ពីឆ្នាំ២០១៣ មកដល់បច្ចុប្បន្ន លោកត្រូវបានតែតាំងជា ទីប្រឹក្សា ក្រសួងធម្មការ និងសាសនា។</span></p>
<p><span style="color: #000000;">សពលោក ដោក ណារិន ដែលជាទីប្រឹក្សា ក្រសួងធម្មការ និងសាសនា បច្ចុប្បន្ន ត្រូវបានក្រុមគ្រួសារ តម្កល់ធ្វើបុណ្យទក្ខិណានុប្បទាន តាមប្រពៃណី នៅគេហដ្ឋាននៃសព ផ្ទះលេខ ៧៤C ផ្លូវលេខ១៤៣ សង្កាត់បឹងកេងកងទី៣ ខណ្ឌចំការមន រាជធានីភ្នំពេញ ។</span></p>
<p><span style="color: #000000;">ព័ត៌មាននេះចាត់ជាការអញ្ជើញញាតមិត្តជិតឆ្ងាយនៃសព ជាពិសេសពី សំណាក់ថ្នាក់ដឹកនាំ ចូលរួមក្នុងពិធីបុណ្យ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/7/8-7-2015-3-10-14-pm-07-08-2015--15-17-08.png"><span style="color: #000000;"><img src="/FileManager/Articles/mce/2015/8/7/8-7-2015-3-10-14-pm-07-08-2015--15-17-08.png" alt="" /></span></a><a class="thickbox" title="" href="/FileManager/Commons/2015/8/7/8-7-2015-3-10-31-pm-07-08-2015--15-17-17.png"><span style="color: #000000;"><img src="/FileManager/Articles/mce/2015/8/7/8-7-2015-3-10-31-pm-07-08-2015--15-17-17.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/8/7/8-7-2015-3-09-48-pm-07-08-2015--15-17-49.png"><span style="color: #000000;"><img src="/FileManager/Articles/mce/2015/8/7/8-7-2015-3-09-48-pm-07-08-2015--15-17-49.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>