<p><span style="font-size: 12px; color: #000000;">ប្រទេសកម្ពុជាបានបញ្ឍប់ការនាំចេញ «ខ្សាច់» ទៅលក់ឲ្យប្រទេសសឹង្ហបូរី បន្ទាប់ពីបានលក់ជាច្រើនឆ្នាំមកហើយ។</span></p>
<p><span style="color: #000000;">ក្រុមបរិស្ថានបាននិយាយថា ការជីក និងបូមខ្សាច់ បានប៉ះពាល់ធ្ងន់ធ្ងរទៅលើប្រព័ន្ធអេកូឡូស៊ីតំបន់ឆ្នេរ។</span></p>
<p><span style="color: #000000;">ការហាមឃាត់ជាបណ្តោះអាសន្ន ត្រូវបានអនុម័តកាលពីចុងឆ្នាំកន្លងទៅ ប៉ុន្តែការបូមខ្សាច់នៅតែមានសកម្មភាពដដែល។</span></p>
<p><span style="color: #000000;">យោងតាមទន្និន័យរបស់ អង្គការសហប្រជាជាតិ ប្រទេសសឹង្ហបូរី បាននាំចូលខ្សាច់ពីប្រទេសកម្ពុជាច្រើនជាង ៧២លានតោន គិតតាំងពីឆ្នាំ ២០០៧មកម្ល៉េះ។</span></p>
<p><span style="color: #000000;">ទន្និន័យនេះខុសគ្នាទៅនឹង ទន្និន័យរបស់រដ្ឋាភិបាលប្រទេសកម្ពុជា ដែលបាននិយាយថាប្រទេសសឹង្ហបូរីបាននាំចូលត្រឹមតែ ១៦ លានតោនប៉ុណ្ណោះ។</span></p>
<p><span style="color: #000000;">ប្រទេសសឹង្ហបូរីបានពង្រីកទំហំដីរបស់ខ្លួន ច្រើនជាង ២០% ចាប់តាំងពីវាទទួលបានឯករាជ្យក្នុងឆ្នាំ ១៩៦៥ ហើយចាត់ទុកថា នេះគឺជាយុទ្ធសាស្ដ្រសំខាន់មួយ ដើម្បីសម្របខ្លួនទៅនឹងកំណើនប្រជាជន។</span></p>
<p><span style="color: #000000;">«ខ្សាច់» គឺជារបស់សំខាន់ក្នុងការពង្រីកទំហំដី ប៉ុន្តែថ្មីៗនេះ ប្រទេសសឹង្ហបូរីបានចាប់ផ្តើមគម្រោងបច្ចេកវិទ្យាថ្មី ដែលត្រូវការខ្សាច់តិចជាងមុន។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/7/14/1-14-07-2017--09-22-00.png"><img src="/FileManager/Articles/mce/2017/7/14/1-14-07-2017--09-22-00.png" alt="" /></a><br /></span></p>
<p><span style="color: #000000;">គម្រោងរបស់ប្រទេសសឹង្ហបូរី នេះត្រូវបានរៀបចំឡើងដោយអ្នកម៉ៅការឯកជន ដែលត្រូវគោរពតាមច្បាប់នាំចូលខ្សាច់ រួមមានវិធានការការពារបរិស្ថានផងដែរ។</span></p>
<p><span style="color: #000000;">អ្នកនាំពាក្យរបស់ក្រសួងរ៉ែនិងថាមពល របស់ប្រទេសកម្ពុជា លោក <em>ម៉េង</em><em> </em>សក្ដិ<em>ធារ៉ា </em>បាននិយាយថា ការបញ្ឍប់ការនាំចេញ «ខ្សាច់» ជាអចិន្ត្រៃយ៍ ត្រូវបានធ្វើឡើង ដើម្បីឆ្លើយតបទៅនឹងការព្រួយបារម្ភចំពោះបរិស្ថាន។</span></p>
<p><a class="thickbox" title="" href="/FileManager/Commons/2017/7/14/2-14-07-2017--09-22-09.png"><img src="/FileManager/Articles/mce/2017/7/14/2-14-07-2017--09-22-09.png" alt="" /></a></p>
<p><span style="color: #000000;">លោកបាននិយាយថា៖ «ការព្រួយបារម្ភ គឺត្រឹមត្រូវ ដែលហានិភ័យគឺធ្ងន់ធ្ងរ ដូច្នេះ ក្រសួងបានសម្រេចចិត្តបញ្ឍប់ការនាំចេញខ្សាច់ និងការបូមខ្សាច់ទ្រង់ទ្រាយធំ»។</span></p>
<p><span style="color: #000000;">ប្រទេសផ្សេងៗទៀត បានដាក់បំរាមនាំចេញខ្សាច់ជាច្រើនប្រភេទ។ តួយ៉ាងប្រទេសម៉ាឡេស៊ី បានដាក់បំរាមនាំចេញខ្សាច់ ក្នុងឆ្នាំ ១៩៩៧ កំឡុងពេលដែលប្រទេសឥណ្ឌូនេស៊ី ប្រកាសឈប់នាំចេញខ្សាច់ទៅប្រទេសសឹង្ហបូរីតាំងពីឆ្នាំ ២០០៧។</span></p>
<p><span style="color: #000000;">ក្រុមបរិស្ថាន សង្ឃឹមថាការហាមប្រាមនេះ នឹងបញ្ឍប់ការជួញដូរ ដែលបានធ្វើឲ្យបរិស្ថានរងការខូតខាតជាច្រើនឆ្នាំមកហើយ។</span></p>
<p><span style="color: #000000;">លោក Alejandro Gonzalez-Davidson សកម្មជននៃក្រុម Mother Nature បាននិយាយថា៖ «ខ្ញុំគិតថា វានឹងធ្វើមានភាពខុសគ្នា។ វាពិតជាមិនងាយស្រួលសម្រាប់ក្រុមហ៊ុនបូមខ្សាច់ ក្នុងការបន្តនាំចេញនោះទេ»។</span></p>
<p><span style="color: #000000;">គាត់បានបន្តទៀតថា ការយកចិត្តទុកដាក់របស់ អ្នកសារព័ត៌មាន និងអ្នកសកម្មជន លើការជួញដូរនេះ នឹងធ្វើឲ្យមានផលវិបាកសម្រាប់ក្រុមហ៊ុនក្នុងការបំពានច្បាប់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/7/14/3-14-07-2017--09-22-19.png"><img src="/FileManager/Articles/mce/2017/7/14/3-14-07-2017--09-22-19.png" alt="" /></a></span></p>
<p><br /><a class="c_tab" href="https://goo.gl/Kac8TY" target="_blank"><img src="/FileManager/Articles/mce/2017/7/14/mkn-14-07-2017--09-22-39.png" alt="" /></a><span style="color: #000000;"><a class="thickbox" title="" href="/FileManager/Commons/2017/7/14/3-14-07-2017--09-22-19.png"></a><br /></span></p>
<p style="text-align: right;"><span style="color: #000000;">ប្រែសម្រួល៖ High</span></p>
<p style="text-align: right;"><span style="color: #000000;">ប្រភព៖ BBC</span></p>