<p><span style="color: #000000;"><strong>(ភ្នំពេញ)៖</strong> ដើម្បីជាការបញ្ជាក់ឲ្យកាន់តែច្បាស់ជូនបងប្អូនប្រជាពលរដ្ឋ ចំពោះការចាយវាយក្រដាសប្រាក់ដុល្លារនោះ, នៅព្រលប់ថ្ងៃទី១៣ ខែមិថុនានេះ មន្រ្តីធនាគារជាតិ នៃកម្ពុជា បានថ្លែងបញ្ជាក់ប្រាប់អង្គភាព Fresh News ថា ក្រដាសប្រាក់ដុល្លារ ដែលមានបោះត្រាសម្គាល់តូចៗ នៅតែទទួលយកជាធម្មតា មិនមានបញ្ហានោះទេ លើកលែងតែក្រដាសប្រាក់ដុល្លារ ចាស់ ទក់ រហែក មានស្នាមប្រឡាក់ខ្លាំង ឬ ឆេះរោល នោះធនាគារទទួលឡើយ។</span></p>
<p><span style="color: #000000;">មន្រ្តីធនាគារ បានបន្ថែមថា ការដែលធនាគារមិនទទួលក្រដាសប្រាក់មានសភាព ចាស់ ទក់ រហែក មានស្នាមប្រឡាក់ខ្លាំង ឬ ឆេះរោល ដោយសារតែធនាគារនៅក្រៅប្រទេសគេមិនទទួលក្រដាសប្រាក់មានសភាពបែបនេះឡើយ។</span></p>
<p><span style="color: #000000;">ការបញ្ជាក់របស់មន្រ្តីធនាគារបែបនេះ បន្ទាប់ពីមានការផ្សព្វផ្សាយព័ត៌មានមួយចំនួននៅតាមបណ្តាញសង្គម Facebook ថា ក្រដាសប្រាក់ដុល្លារ ដែលមានវាយត្រាសម្គាល់តូចៗ ត្រូវធនាគារជាតិឈប់ទទួល។</span></p>
<p><span style="color: #000000;">នៅថ្ងៃទី១៣ ខែមិថុនា ឆ្នាំ២០១៦ ធនគារជាតិនៃកម្ពុជា បានចេញសេចក្តីជូនដំណឹងមួយ បង្ហោះក្នុងបណ្តាញទំនាក់ទំនងសង្គម Facebook ផ្លូវការរបស់ខ្លួនដោយបញ្ជាក់ថា ធនាគារជាតិ នៃកម្ពុជា មិនមានកាតព្វកិច្ចទទួលក្រដាសប្រាក់ រូបិយប័ណ្ណបរទេសចាស់ ទក់ រហែក មានស្នាមប្រឡាក់ ឆេះរោលដោយប្រកាសណាមួយ ហើយប្តូរយកក្រដាស់ប្រាក់ថ្មីបានឡើយ។</span></p>
<p><span style="color: #000000;">សេចក្តីជូនដំណឹងរបស់ធនាគារជាតិនៃកម្ពុជា បានបញ្ជាក់ទៀតថា ធនាគារជាតិនៃកម្ពុជា នៅតែទទួលក្រដាសប្រាក់ដុល្លារអាមេរិក ពីអតិថជនរបស់ខ្លួន (គ្រឹះស្ថានធនាគារ និងហិរញ្ញវត្ថុ) ដែលមានគណនីនៅធនាគារជាតិនៃកម្ពុជា នៅពេលដែលក្រដាសប្រាក់ដុល្លារនោះ ជាក្រដាសប្រាក់ពិតប្រាកដ មិនមែនក្លែងក្លាយ ហើយមានគុណភាពសមស្រប។ </span></p>
<p><span style="color: #000000;">សូមជម្រាបថា ប៉ុន្មានថ្ងៃចុងក្រោយនេះ ព័ត៌មានស្តីពីការឈប់ចាយ និងទទួលលុយដុល្លារ ដែលមានស្នាមត្រា និងទក់ ត្រូវបានផ្ទុះឡើង ក្នុងបណ្តាលទំនាក់ទំនងសង្គម Facebook ហើយព័ត៌មានចរចាមអារ៉ាម គ្មានមូលដ្ឋានមួយនេះបន្តចែកចាយជាបន្តបន្ទាប់ ដែលនាំឲ្យប្រជាពលរដ្ឋ អាជីវករ និងកន្លែងដូរលុយមួយចំនួន ឈប់ទទួលលុយដុល្លារប្រភេទនេះ។</span></p>
<p><span style="color: #000000;">ជាក់ស្តែងនៅថ្ងៃនេះមានមិត្តអ្នកអានដែលនិយមគាំទ្រ ព័ត៌មានទាន់ហេតុការណ៍ Fresh News បានទូរស័ព្ទប្រាប់ថា លោកបានយកលុយទៅដូរ នៅកន្លែងដូរលុយនៅផ្សារដឺហ្គោល ប៉ុន្តែកន្លែងដូរលុយនោះ បានប្រកាសមិនយកលុយដុល្លារ មានត្រា ប្រឡាក់បន្តិចបន្តួច និងទក់ ហើយកន្លែងលក់ឥវ៉ាន់មួយចំនួនទៀត ក៏ប្រកាសមិនយកលុយប្រភេទនេះដែរ។</span></p>
<p><span style="color: #000000;">ពាក់ព័ន្ធនឹងការលើកឡើងនេះ លោកស្រី សូ ផនណារី អនុប្រធាននាយកប្រតិបត្តិធនគារអេស៊ីលីដា បានបញ្ជាក់ប្រាប់អង្គភាព Fresh News នៅរសៀលថ្ងៃនេះថា ចំពោះធនគារអេស៊ីលីដា មានគោលការណ៍ច្បាស់លាស់ ក្នុងការទទួលយក និងការទូទាត់ប្រាក់ដុល្លារ ដែលរូបិយវត្ថុបរទេស។ លោកស្រីថា នៅធនាគារអេស៊ីលីដា ចំពោះលុយដុល្លារថ្មីដែលមានត្រាតូច គឺទទួលយកធម្មតា។ ចំណែកឯលុយដុល្លារ ដែលទក់ និងប្រឡាក់នោះ មុននឹងទទួលយក គឺត្រូវពិនិត្យយ៉ាងម៉ត់ចត់ ទៅតាមស្ថានភាពតិច ឬច្រើន។</span></p>
<p><span style="color: #000000;">លោកស្រីបានបញ្ជាក់ថា <strong>«ដោយសារតែប្រាក់ដុល្លារ ជារូបិយវត្ថុបរទេសនោះ ដូច្នេះអេស៊ីលីដា មានគោលការណ៍ច្បាស់លាស់ ដោយធ្វើការពិនិត្យទៅលើលុយដុល្លារ ឲ្យបានល្អិតល្អន់មុននឹងទទួលយក»</strong>៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13428482_1125052204225809_4093363002319424752_n.jpg?oh=3efb17604ae47cb32e9d37e7791ad94a&oe=57C56DEC" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13406872_2050733101817863_7923207396006953725_n.jpg?oh=9980a3cdb0160d32e3d9690d9e69bd60&oe=58094D3C" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpf1/v/t1.0-9/13325682_2050733091817864_3196684175971959721_n.jpg?oh=1ae6f1475801c199fb91c8b70602580f&oe=57CF495D&__gda__=1472620898_0ceb60db897df0db31cfad6406bb4711" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>