<div>
<p><span style="color: #000000;"><strong>(ម៉ាឌ្រីដ)៖</strong> តាមរយៈកម្មវិធីទូរទស្សន៍អេស្ប៉ាញ "El Chiringuito" បានឲ្យដឹងថា កីឡាករនាំសំណាងពីររូប របស់ក្លឹបយក្ស Real Madrid គឺកីឡាករខែ្សប្រយុទ្ធ Cristiano Ronaldo និងប្រធានក្រុម Sergio Ramos បានដាក់សំណើដ៏គួរឲ្យភ្ញាក់ផ្អើលមួយទៅកាន់ក្លឹបរបស់ខ្លួន ដើម្បីឲ្យការផ្ទេររបស់ខ្លួនបានចាកចេញពីក្លឹប Real Madrid ។</span></p>
<p><span style="color: #000000;">កាលពីថ្ងៃអាទិត្យសប្តាហ៍មុន កីឡាករឆ្នើមទាំងពីររូបនេះ បានធ្វើការទាក់ទង និងដាក់សំណើទៅកាន់លោក Florentino Perez ដែលជាប្រធានក្លឹប Real Madrid ដើម្បីសុំអន្តរាគមន៍ជំនួយ ឲ្យមានការផ្ទេររូបគេ ចេញពីក្លឹបនៅក្នុងរដូវកាលនេះតែម្តង ។ ការដាក់សំណើរនេះ ត្រូវបានធ្វើឡើងបន្ទាប់ពី Real Madrid ចាញ់ក្រុមភ្ញៀវ Atletico Madrid ក្នុងលទ្ធផល ១-០ ក្នុងទឹកដីដ៏គួរឲ្យអាម៉ាស់ ។</span></p>
<p><span style="color: #000000;">ជាមួយគ្នានេះដែរ នៅពេលដែលទទួលបានសំណើមកដល់ដៃ លោក Perez បានព្យាយាមនិយាយលួងលោម ដើម្បីឲ្យ Ronaldo ស្ងប់អារម្មណ៍អំពីការមិនពេញចិត្តរបស់កីឡាកររូបនេះ ហើយគាត់នឹងផ្តោតអារម្មណ៍ ពិនិត្យនូវស្ថានភាពកីឡាករទាំងពីរ ឲ្យមានភាពប្រសើរជាងមុន រហូតដល់ចប់រដូវកាលនេះ ។</span></p>
<p><span style="color: #000000;">ទន្ទឹមគ្នានោះ អ្វីដែលធ្ងន់ធ្ងរជាងនេះគឺខ្សែការពារ Sergio Ramos និងជានិមិត្តរូបនៃអ្នកគាំទ្រ ដែលទើបបានចុះហត្ថលេខាលើកិច្ចព្រមព្រៀងថ្មីនោះ បាននិយាយទៅកាន់ប្រធានក្លឹបលោក Perez ដោយទាមទារឲ្យមានការទទួលយកនូវការផ្ទេរកីឡាករទៅក្លឹបផ្សេង តាមការស្នើសុំ ៕</span></p>
<p style="text-align: center;"><span style="color: #000000;"><img src="http://cdn.images.dailystar.co.uk/dynamic/58/photos/373000/620x/56d7248e5e35e_RonaldoRamos.jpg" alt="" width="730" /></span></p>
<p style="text-align: center;"><span style="color: #000000;">Ronaldo (ឆេ្វង) Ramos</span></p>
<p style="text-align: center;"><span style="color: #000000;"><img src="https://images.beinsports.com/TRt00vb94ah47Uqjkm77TRmqou4=/918x543/smart/372808-4-madrid.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/27/17/319E754800000578-0-image-a-76_1456592732809.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>