<p><strong>ភ្នំពេញ៖</strong> តារាចម្រៀងសំឡេងពីរោះ បែបស្រគត់ស្រគំត្រូវចិត្តយុវវ័យ និងតារាភាពយន្តល្បីល្បាញ កញ្ញា សុខ ពិសី ជាស្រីស្អាតដាច់គេ ក្នុងផលិតកម្ម សាន់ដេ កំពុងតែឡើងកូដស្រឺតៗ បន្ទាប់ពីចេញអាល់ប៊ុមចម្រៀងម្នាក់ឯង និង បានសម្ដែងជាតួឯង ព្រមៗគ្នា ធ្វើឲ្យនាងស្ទុះឡើងភ្លាមៗតែម្ដង ។ បើទោះបីជា សុខ ពិសី គ្មានក្បាច់រាំដូច ឱក សុគន្ធ កញ្ញា ឬ ក៏ មាស សុខសោភា តែតំណែងនាង ក្នុងអាជីពចម្រៀង គឺមិនចាញ់គ្នាឡើយ ។</p>
<p>ថ្មីៗនេះ សុខ ពិសី ត្រូវបាន មនុស្សមិនស្គាល់មុខ បង្កើតគណនី ហ្វេសបុកក្លែងក្លាយ បន្លំធ្វើជាអ្នកគាំទ្រនាង រួចក៏បង្ហោះរូបភាព កាត់តរវាងនាង និង អ្នកគាំទ្រដែលតែងតែហៅនាង ថា "ម៉ាក់សីៗ" ទៅនឹងសត្វស្វា ដែលជារឿងមួយ មើលងាយនាង និង អ្នកគាំទ្រនាងខ្លាំងណាស់ ។ មិនគ្រប់គ្រាន់ ជនអគតិនោះ ថែមទាំងកាត់តរូបភាពនាង ជាមួយ សត្វរមាស ដែលមើលទៅ អ្នកកាត់តរូបភាពនោះ ពិតជាស្អប់ សុខ ពិសី មិនតិចទេ បានជាធ្វើបាបនាង មិនឈប់ មិនឈរ ។</p>
<p>បើរំឭក ទៅដល់អតីតកាល អ្នកគាំទ្រ សុខ ពិសី ធ្លាប់មានជំលោះ ជាមួយអ្នកគាំទ្រ របស់តារាចម្រៀងស្រីល្បីម្នាក់ ដែលគេហៅ តារាចម្រៀងស្រីម្នាក់នោះថា ជាកំពូលតារាចម្រៀង ។ ពួកគេធ្លាប់ឈ្លោះគ្នាក្នុងបណ្ដាញសង្គមហ្វេសប៊ុក ។ តែរឿងរ៉ាវនេះ បានចប់អស់ហើយ ដោយគេចេញសុំទោស អ្នកគាំទ្រ សុខ ពិសី ព្រោះពួកគេ ជាអ្នកបង្ករឿងមុន ។<strong> </strong>តារាចម្រៀង សុខ ពិសី កំពុងតែរវល់ថតរឿង "សង្សារខ្មោច" នៅឯក្រៅប្រទេស មិនអាចសុំការបំភ្លឹបានទេ ព្រោះនាងមានការមមាញឹក រកតែពេលសម្រាកមិនបានផង។</p>
<p>ប៉ុន្តែប្រភពពីអ្នកគាំទ្រ កៀកបង្កើយ នឹង សុខ ពិសី បាននិយាយប្រាប់ LookingTODAY ថា សុខ ពិសី មើលឃើញរូបកាត់តនោះហើយ នាងសើចយ៉ាងសប្បាយរីករាយ រួចនិយាយថា "អ្នកណាគេ កំប្លែងលេង នឹងនាងម្ល៉េះ?" រួច សុខ ពិសី ក៏បានប្រាប់ អ្នកគាំទ្រថា មិនអីទេ ។ តែប៉ុន្មានថ្ងៃក្រោយមក សុខ ពិសី ក៏បានទៅប្រាប់ប៉ូលីសឲ្យ ស្វែងរកអត្តសញ្ញាណ អ្នកកាត់តរូបភាពនោះ ឲ្យឃើញ ព្រោះវាជាការប្រមាថនាង យ៉ាងខ្លាំង នាងមិនអាចទទួលយកបានទេ ។</p>
<p>ប្រភពដដែល បានបន្តថា ពួកគេមិនបានចោទ ទៅក្រុមអ្នកគាំទ្រ តារាចម្រៀង ដែលធ្លាប់មានជំលោះជាមួយគ្នាទេតែអ្វីដែលសំខាន់ គឺរកមុខអ្នកកាត់ត រូបភាពមកទើបជារឿងសំខាន់ ព្រោះកុំឲ្យមនុស្សប្រភេទនេះ ធ្វើព្យុះធ្វើភ្លៀងច្រើនពេក ។ សម្រាប់តួឯកសាន់ដេ ពីរដួងហាក់ជួបប្រទះ រឿងមិនសូវល្អសោះ ដូចជាលោក នីកូ ទើបតែវែកមុខ អ្នកក្លែងបន្លំ ធ្វើជាលោក ដើរបោកប្រាស់យកលុយគេ រាប់ម៉ឺនដុល្លារ ។ ឥលូវដល់វេន សុខ ពិសី ត្រូវគេកាត់តមុខ នាង ទៅនឹងសត្វធាតុ មិនល្អមើលទាល់តែសោះ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-065/PISETH-0207.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-065/PISETH-0206.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-065/PISETH-0208.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/32636-2014-07-25-06-34-25.html" target="_blank">ផ្តល់សិទ្ធដោយ ៖ ដើមអម្ពិល</a></p>