<p><strong>ភ្នំពេញៈ</strong> កញ្ញា លីឡា ដែលជាតារាសម្តែងស្រីលេងសាច់ បង្ហាញភាពសិចស៊ី បានបង្ហើបឲ្យ ដឹងថា សន្ទុះការងារសិល្បៈរបស់នាងហាក់ចាប់ផ្តើមមានទីផ្សារ ការងារច្រើនដោយមានពេល ខ្លះ នាងត្រូវចេញថតផ្ទួនៗ ជាន់ថ្ងៃគ្នាទៀតផង ។ ប៉ុន្តែស្របពេលដែលការងារ កំពុងតែបោះ ជំហានទៅមុខនោះ តារាស្រីរូបនេះបែរជា ប្រកាសក្តែងៗថានាងចង់ ដកខ្លួនពីសិល្បៈមួយរយៈ ទៅសម្ងំថែសាច់ និងសុខភាព ។</p>
<p>ថ្លែងប្រាប់ Looking TODAY តាមទូរស័ព្ទ នៅថ្ងៃទី១៦ ខែមិថុនា ឆ្នាំ២០១៤នេះ តារាសិចស៊ី ដែលនិយម ស្លៀកពាក់ខើចលើខើចក្រោម ចំហរសាច់ខ្នង កញ្ញា លីឡា បានប្រាប់ឲ្យដឹងថា សម្រាប់នាងចូលមក ដល់ឆ្នាំ២០១៤នេះ ការងារចាប់ផ្តើមកើនឡើង មានការមមាញឹកច្រើន ទាំងការសម្តែងឈុតខារ៉ាអូខេ និងថតស្ពតច្រើនមានថ្ងៃខ្លះ ត្រូវថតជាន់ថ្ងៃគ្នាទៀតផង ប៉ុន្តែ ដោយសារតែសុខភាពមិន អំណោយផលត្រូវឲ្យនាងបង្ខំចិត្ត ផ្អាកការងារមួយរយៈពេលសិន ។</p>
<p>កញ្ញា លីឡា បានប្រាប់ឲ្យដឹងថា “មួយរយៈពេលចុងក្រោយនេះ ខ្ញុំបានដកខ្លួនពីការងារ សិល្បៈមួយរយៈពេលខ្លីសិន ព្រោះតែមានអារម្មណ៍ថា ហត់ជាមួយការងារខ្លាំងពេក ហើយ សុខភាពក៏មានបញ្ហាដូច្នេះខ្ញុំត្រូវដកឃ្លា មកថែទាំសុខភាព និងថែរក្សាសម្រស់ឡើងវិញ ” ។</p>
<p>តារាសម្តែងរូបស្រស់ សាច់សរម៉ដ្ឋរលោងរូបនេះ បានប្រាប់ឲ្យដឹងបន្ថែមទៀត បើទោះជា ពេលនេះនាងដកឃ្លាពីការងារសិល្បៈក៏ដោយ តែនាងគិតថាមិន ប៉ះពាល់ជាមួយការងារ និងកេរ្តិ៍ឈ្មោះរបស់នាងឡើយ ព្រោះថាពេលមានអ្នកទាក់ទង ហៅថតនាងក៏បានប្រាប់ពី បញ្ហានាងទៅដល់គេ ហើយសម្រាប់ខារ៉ាអូខេ ក៏មានចេញលក់ តាមទីផ្សារ និងបញ្ចាំងនៅ លើកញ្ចក់ទូរទស្សន៍ ច្រើនមិនបាត់មុខនាងទេ ដូច្នេះដល់ពេលដែលនាង ចាប់ផ្តើមចូល សិល្បៈវិញ ទស្សនិកជនក៏នៅតែ ឃើញនាងដដែល ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0163.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0164.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0165.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0166.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0167.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0168.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/31374-2014-06-16-09-53-52.html" target="_blank">ផ្តល់សិទ្ធដោយ ៖ ដើមអម្ពិល</a></p>