<p><span style="color: #000000;"><strong>(ហាណូយ)៖</strong> រថយន្តកៅអីបួនមួយគ្រឿង បានឆាបឆេះនៅត្រង់ទីតាំងរៀបចំការហោះហើរ ស្ថិតនៅក្នុងព្រលានយន្តហោះអន្តរជាតិ Noi Bai នៃទីក្រុងហាណូយភាគខាងជើងប្រទេស វៀតណាម បានឆក់យកជីវិតមនុស្សម្នាក់។ នេះបើតាមការចេញផ្សាយនៅមុននេះបន្តិច ដោយទីភ្នាក់ងារព័ត៌មានចិន ស៊ិនហួរ នារសៀលថ្ងៃពុធ ទី១៤ ខែកញ្ញា ឆ្នាំ២០១៦។</span></p>
<p><span style="color: #000000;">រថយន្តខាងលើនេះ បានឆាបឆេះឡើងនៅពេលព្រឹកព្រហាមថ្ងៃពុធ ហើយភ្លាមៗនោះក្រុមពន្លត់ អគ្គីភ័យបានមកដល់កន្លែងកើតហេតុ និងបាញ់ពន្លត់ភ្លើងបានសម្រេច តែក្នុងរយៈពេលប៉ុន្មាននាទីប៉ុណ្ណោះ។ យ៉ាងណាក៏ដោយរថយន្តបានឆេះខ្ទេច ហើយតៃកុងនៅក្នុងនោះ ក៏ត្រូវបានភ្លើងឆេះរហូតដល់ស្លាប់ផងដែរ។</span></p>
<p><span style="color: #000000;">អ្នកនាំពាក្យព្រលានយន្តហោះ Noi Bai បានអះអាងថា ការឆេះនេះមិនបានបង្កផលប៉ះពាល់ដល់ការ ធ្វើចរាចរណ៍របស់យន្តហោះនោះឡើយ ដោយឡែកសម្រាប់មូលហេតុនៃការឆាបឆេះរថយន្ត ដែលបានបង្កការភ្ញាក់ផ្អើលខ្លាំងនេះ កំពុងស្ថិតនៅក្នុងការស៊ើបអង្កេតនៅឡើយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/14/19-14-09-2016--16-06-40.jpg"><img src="/FileManager/Articles/mce/2016/9/14/19-14-09-2016--16-06-40.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>