<div class="article-content">
<p><strong>ភ្នំពេញ៖</strong> ជនសង្ស័យ ចំនួន៣នាក់ បានធ្វើសកម្មភាព កាច់កម៉ូតូ ស៊េរីធំមួយគ្រឿង តែដោយ<br />សារតែ សន្តិសុខឃើញទាន់ ដឹងដល់ជនរងគ្រោះ ដែលជាម្ចាស់ម៉ូតូ ជាចុងភៅ បានចេញមក<br /> គប់ក្រុមចោរ នឹងដបស្រា ត្រូវបានក្រុមចោរ បាញ់២គ្រាប់ បណ្តាលឲ្យត្រូវភ្លៅ រងរបួសធ្ងន់ ។</p>
<p>ហេតុការណ៍ខាងលើនេះ បានកើតឡើង កាលពីវេលាម៉ោង ១២៖៣០នាទី យប់រំលងអាធ្រាត្រ<br /> ចូលថ្ងៃទី៥ ខែមិថុនា ឆ្នាំ២០១៣ ស្ថិតនៅមុខហាង ហ្គេយឡាង តាមផ្លូវលេខ ១៧៨ សង្កាត់ផ្សារ<br />ថ្មីទី៣ ខណ្ឌដូនពេញ ។</p>
<p>សេចក្តីរាយការណ៍ ពីកន្លែងកើតហេតុ បានឲ្យដឹងថា មុនពេលកើតហេតុ មានជនសង្ស័យ ៣<br />នាក់ បានជិះម៉ូតូ២គ្រឿង បានចូលទៅធ្វើ សកម្មភាពកាច់ក ម៉ូតូស៊េរីធំ មួយគ្រឿង ពាក់ស្លាក <br />លេខ ភ្នំពេញ 1BF-6507 ប៉ុន្តែនៅពេលធ្វើ សកម្មភាពនោះ ត្រូវបានសន្តិសុខម្នាក់ ឃើញទាន់<br /> ហើយស្រែក នាំដឹងដល់ ជនរងគ្រោះ ជាម្ចាស់ម៉ូតូ ដែលជាចុងភៅ ចេញមកហើយ យកដប<br />ស្រាគប់ទៅលើក្រុមចោរ នាំពួកវាខឹង បានបាញ់ចំនួន២គ្រាប់ បណ្តាលឲ្យរងរបួសធ្ងន់ចំភ្លៅ។</p>
<p>ជនរងគ្រោះត្រូវបាន សមត្ថកិច្ច ប្រាប់ថា មានឈ្មោះ បូ អាយុ២៣ ត្រូវបានគេបញ្ជូនទៅ កាន់<br />មន្ទីរពេទ្យ កាល់ម៉ែត រីឯក្រុមចោរគេចខ្លួនបាត់៕</p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0002.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0003.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0004.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>