<div class="article-content">
<p><strong>កណ្តាល៖</strong> បន្ទាប់ពីការបើកការស៊ើបអង្កេត និងស្រាវជ្រាវអស់ជាច្រើនម៉ោងមកនោះ នៅយប់ថ្ងៃទី១១ ខែធ្នូ ឆ្នាំ ២០១៣នេះ កម្លាំងសមត្ថកិច្ច ដែលដឹកនាំដោយស្នងការនគរបាលខេត្តកណ្តាល លោកឧត្តម សេនីយ៍ត្រី អ៊ាវ ចំរើន កំពុងផ្តោតការចាប់អារម្មណ៍ និងជជីកសួរជាសំខាន់ទៅលើឆ្មាំទាំង ៩នាក់ ជា ពិសេសឆ្មាំ ៣នាក់យាមនៅ យប់កើតហេតុ។</p>
<p>បើតាមលោក សយ សុភាព អគ្គនាយកមជ្ឈមណ្ឌលព័ត៌មានដើមអម្ពិលពីព្រះសក្យមុនី ចេតិយលើភ្នំ ព្រះរាជទ្រព្យ បានដកស្រង់សម្តីរបស់សមត្ថកិច្ចមកបញ្ជាក់ឲ្យដឹងថា ក្រុមសមត្ថកិច្ចបាន និងកំពុង ជជីកសួរឆ្មាំទាំង៩នាក់ ដែល មានភារកិច្ចយាមកាមព្រះសក្យមុនីចេតិយ តែមិនទាន់ទទួលបានតម្រុយ និងលទ្ធផលអ្វីនៅឡើយនោះទេ។</p>
<p>បើតាមការបញ្ជាក់ពីប្រជាពលរដ្ឋបានឲ្យដឹងថា នៅមុនពេលកើតហេតុមានសំឡេងឆ្កែព្រុះយ៉ាងខ្លាំង តែមួយសន្ទុះ ក្រោយមកក៏បាត់ទៅវិញ។ បើតាមប្រជាពលរដ្ឋ គាត់សន្និដ្ឋានថា ឆ្កែស្គាល់មនុស្សដែល ទៅធ្វើសកម្មនោះ ទើបវា ឈប់ព្រុះបែបនេះ៕</p>
<p><img style="display: block; margin-left: auto; margin-right: auto;" src="http://image.dap-news.com:81/dap-news/dap-images/2013/November/id-009/S-245.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-009/S-243.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-009/S-244.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>