<div class="item-page">
<div>
<p><span style="color: #000000;"><strong>(អាមេរិក)៖</strong> ជាងថតរូបម្នាក់ ត្រូវបានសមត្ថកិច្ចឃាត់ខ្លួន ដើម្បីសាកសួរ បន្ទាប់ពីតារាទូរទស្សន៍ដ៏ល្បីរបស់អាមេរិក គឺនាង Kim Kardashian ត្រូវបានក្រុម ចោរបន្លំខ្លួន ជាប៉ូលិសចូលទៅប្លន់ប្រាក់ អស់រាប់សិបលានដុល្លារ ខណៈដែលនាងកំពុងស្នាក់ នៅក្នុងអាផាតមិនឯកជនមួយ នៅទីក្រុងប៉ារីស ទឹកដីបារាំង កាលពីព្រឹកថ្ងៃទី៣ ខែកញ្ញា កន្លងទៅនេះ។</span></p>
<p><span style="color: #000000;">សារព័ត៌មានអាមេរិកមួយ បានឲ្យដឹងថា អ្នកថតរូបនេះ ដើរតាមតារាស្រីវ័យ៣៥ឆ្នាំ Kim Kardashian រហូតតាំងតែពីនាង មកដល់ទឹកដីបារាំង ហើយប៉ូលិស ជឿថា ក្រុមចោរពិតជាមានថ្វីដៃខ្ពស់ ទើបអាចរៀបចំផែនការប្លន់ ទុកជាមុនរហូតបានសម្រេច។ ក្រោយពីកើតហេតុការណ៍បន្តិច តារាស្រីរូបនេះ ក៏បានចាកចេញពីបារាំង តាមជើងហោះហើរឯកជនភ្លាមៗដែរ ប៉ុន្តែកន្លែង ដែលនាងស្នាក់ កំពុងត្រូវប៉ូលិសឡោមព័ទ្ធរាល់ថ្ងៃ ដើម្បីស្រាវជ្រាវរកភស្តុតាងបន្ថែម បន្ទាប់ពីនាងត្រូវជនមិនស្គាល់ មុខពីរនាក់ លួចចូលទៅក្នុងបន្ទប់ ហើយចងនាងនិងចាក់សោរឲ្យនៅក្នុងបន្ទប់ទឹក ព្រមទាំងលួចយកប្រាក់រាប់លានដុល្លារ រួមទាំងគ្រឿងអលង្ការ និងទូរស័ព្ទដៃពីរគ្រឿង ទៀតផង។</span></p>
<p><span style="color: #000000;">នៅថ្ងៃកើតហេតុ ស្វាមីរបស់តារាទូរទស្សន៍ ដ៏ល្បីរូបនេះ គឺលោក Kanye West ដែលកំពុងសម្តែងនៅឯក្រុងញូវយ៉ក ក៏បានបញ្ឈប់ការច្រៀងពាក់កណ្តាលទី ក្រោយដឹងពីអ្វីដែលកើតឡើង លើភរិយានៅពេលដែលលោកកំពុងច្រៀងបទ «Heartless» ក៏និយាយសុំទោស មហាជនដោយសារបញ្ហាបន្ទាន់ ក្នុងគ្រួសារ៕</span></p>
<p><span style="color: #000000;"><img src="http://images.lollipop.sg/files/article/images/featured/2016/10/kim.jpg" alt="" width="730" /></span></p>
<p><span style="color: #000000;"><img src="http://images.lollipop.sg/files/article/images/gallery/2016/08/getImgIntranet.php_.jpg" alt="" width="730" /></span></p>
<p><span style="color: #000000;"><img src="http://images.lollipop.sg/files/article/images/gallery/2016/08/11208057-821049451319489-164146184-n-gthmb.jpg" alt="" width="730" /></span></p>
<p><span style="color: #000000;"><img src="http://images.lollipop.sg/files/article/images/gallery/2016/07/k.jpeg" alt="" width="730" /></span></p>
<p><span style="color: #000000;"><img src="http://images.lollipop.sg/files/article/images/gallery/2016/07/k2.jpeg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>
</div>