<p><span style="color: #000000;"><strong>ភ្នំពេញ៖</strong> តារាសម្តែងស្រករក្រោយ ទើបលេចឈ្មោះក្នុងបញ្ជីសិល្បៈ កញ្ញា ពៅ វីរីយ៉ា ថ្មីៗនេះមានប្រភព ដែលស្និទ្ធនឹងនាងបានទម្លាយឲ្យដឹងថា តារាសម្តែងនិយមស្ទីលសិចស៊ី សម្ញែងដើមទ្រូងយ៉ាងចាស់ដៃ វីរីយ៉ា កំពុងតែមានទំនាក់ទំនងស្នេហ៍ យ៉ាងត្រជាក់ល្ហឹម ជាមួយនឹងបុរសម្នាក់ ដែលគេស្គាល់ថា ជាអាណិកជនខ្មែររស់នៅក្រៅប្រទេស ។</span></p>
<p><span style="color: #000000;">ផ្អែកតាមប្រភពពីមជ្ឈដ្ឋានអ្នកនៅខាងក្រៅសិល្បៈបានបង្ហើបថា បើតាមគេដឹង គឺទំនាក់ទំនង ស្នេហារវាង វីរីយ៉ា ជាមួយនឹងកំលោះរូបសង្ហា វ័យជិត៤០ឆ្នាំ ដែលកំពុងរស់នៅកាណាដាម្នាក់នោះ បានចាប់ផ្តើមឡើង មានរយៈពេលជាច្រើនខែ មកហើយ ដោយក្នុងនោះអាណិកជនម្នាក់នេះ ក៏តែងជួយឧបត្ថម្ភ ទំនុកបម្រុងគ្រប់បែបយ៉ាងដល់កញ្ញា វីរីយ៉ា ទៀតផង ស្របពេលដែលមួយរយៈនេះ គេក៏សង្កេតឃើញថា នាងហាក់កំពុងឡើងកាលីបខ្លាំង ជាមួយឥទ្ធិពលទឹកប្រាក់ដុល្លារនោះ ពោលបុរសអាណិកជនរូបនេះ ជះលុយឲ្យនាងចាយពេញៗដៃ ។</span></p>
<p><span style="color: #000000;">ប្រភពដដែលនោះ បាននិយាយទៀតថា កញ្ញា ពៅ វិរីយ៉ា បច្ចុប្បន្នកំពុងតែប្រើប្រាស់ពេលវេលា ដើម្បីស្វែងយល់ចិត្តគ្នាជាមួយ បុរសខាងលើ ដែលត្រូវបានគេដឹងថា អ្នកទាំងពីរតែងតែផ្តល់ឱកាសឲ្យទៅគ្នាក្នុងការនិយាយ ឆ្លើយឆ្លងតាមប្រព័ន្ធទូរស័ព្ទ ការលេង Facebook និងការនិយាយឃើញមុខគ្នា តាមរយៈ Skype ជាដើម ។</span></p>
<p><span style="color: #000000;">ប្រភពបានបន្ថែមទៀតថា វីរីយ៉ា អំឡុងពេល១ឆ្នាំចុងក្រោយនេះ នាងហាក់មានយីអ៊ុនខ្ពស់គ្រាន់បើ គឺឡើងទាំងអាជីពសិល្បៈ និងជីវិតស្នេហា ។ មិនប៉ុណ្ណោះ គឺគេកត់សម្គាល់ឃើញថា ចាប់តាំងពីនាងមានទំនាក់ទំនង ស្នេហាជាមួយបុរសម្នាក់នេះមក ភាពហ៊ឺហារ ស៊ីវិស័យដោយការលេងខ្លួន ជាមួយនឹងការប្រើសម្ភារៈថ្លៃៗ និងទំនើបជាកត្តាដែលជំរុញឲ្យនាងមានភាពលេចធ្លោ ក្នុងជីវិតរស់នៅប្រចាំថ្ងៃ ។</span></p>
<p><span style="color: #000000;">គេហទំព័រកម្សាន្ត LookingTODAY កាលពីរសៀលថ្ងៃទី២៣ ខែឧសភា ឆ្នាំ ២០១៥ មិនទាន់អាចស្វែង រកការបកស្រាយជុំវិញ ព័ត៌មានខាងលើពីសំណាក់កញ្ញា ពៅ វីរីយ៉ា បាននៅឡើយទេ ។ LookingTODAY នឹងព្យាយាមទាក់ទង ដើម្បីស្វែងរកការបំភ្លឺពីតារា សម្តែងស្រីរូបនេះនៅពេលក្រោយទៀត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/25/50-25-05-2015--16-07-37.jpg"><img src="/FileManager/Articles/mce/2015/5/25/50-25-05-2015--16-07-37.jpg" alt="" /></a></span></p>
<p><a class="thickbox" title="" href="/FileManager/Commons/2015/5/25/51-25-05-2015--16-07-46.jpg"><img src="/FileManager/Articles/mce/2015/5/25/51-25-05-2015--16-07-46.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/5/25/50-25-05-2015--16-07-37.jpg"></a></span></p>
<p><a class="thickbox" title="" href="/FileManager/Commons/2015/5/25/52-25-05-2015--16-07-55.jpg"><img src="/FileManager/Articles/mce/2015/5/25/52-25-05-2015--16-07-55.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>