<p><span style="color: #000000;"><strong>(អាមេរិក)៖</strong> ទីភ្នាក់ងារអវកាសអាមេរិក NASA បានប្រកាសថា នៅឆ្នាំ ២០៣៣បេសកកម្មទៅកាន់ភពអង្គារ នឹងប្រព្រឹត្តដោយជំហានធំតែម្តង គឺមនុស្សនឹងធ្វើដំណើរទៅកាន់ភពក្រហមនេះ ហើយបើទោះបីជាមិនអាច ធ្វើការចុះចតផ្ទាល់ ក៏យ៉ាងហោចណាស់នឹងមានការហោះកៀក នឹងភពនោះបំផុតដើម្បីធ្វើការសិក្សាស្រាវជ្រាវបានប្រសើរ ខ្លាំងជាងមុនផងដែរ។ នេះបើតាមការចេញផ្សាយ នៅមុននេះបន្តិច ដោយវែបសាយ NASA នាព្រឹកថ្ងៃអង្គារ ទី២៦ ខែកក្កដា ឆ្នាំ២០១៦។</span></p>
<p><span style="color: #000000;">គណកម្មាធិការសម្រាប់កិច្ចដំណើរការ និងការរុករកដោយមនុស្សរបស់ NASA (ACHEOC) បានរៀបចំកិច្ចប្រជុំមួយ នៅថ្ងៃអង្គារនេះ ដោយមានការចូលពីលោក Bill Gerstenmaier ប្រធាន ACHEOC បានប្រាប់សន្និសីទសារព័ត៌មានថា អង្គការនេះ នឹងបង្កើតដានជើងមនុស្សនៅលើភពអង្គារឲ្យបាន យ៉ាងហោចណាស់នៅឆ្នាំ ២០៣៣។ ពេលវេលាច្រើន ជិត ២០ឆ្នាំដែលយើងត្រូវការបន្ថែមទៀតនោះ គឺដើម្បីអភិវឌ្ឍន៍បច្ចេកវិទ្យា ដែលត្រូវការហិរញ្ញវត្ថុយ៉ាងសម្បើម។</span></p>
<p><span style="color: #000000;">លោក Gerstenmaier បានលើកឡើង ដោយសុទិដ្ឋិនិយមដូច្នេះថា «វាជាពេលវេលាដ៏គួរឲ្យភ្ញាក់ផ្អើលបំផុត សំរាប់ការហោះហើរក្នុងទីអវកាសដោយមនុស្ស។ បច្ចុប្បន្នយើងកំពុងធ្វើការអភិវឌ្ឍយាន Orion ដែលអាចផ្ទុក មនុស្សទៅកាន់ភពអង្គារ ជាមួយនឹងប្រព័ន្ធបាញ់បង្ហោះថ្មីសន្លាង។ វានឹងធ្វើការហោះសាកល្បងទៅកានឋានព្រះច័ន្ទ នៅអំឡុងឆ្នាំ ២០២០ និង បំពេញតាមផែនការមេទៅកាន់ភពអង្គារនៅទសវត្សរ៍ ២០៣០»។</span></p>
<p><span style="color: #000000;">គួរបញ្ជាក់ថា ផែនការនាំមនុស្សទៅកាន់ភពអង្គារ នឹងនៅតែឈរលេខរៀងទី១ លើផែនការអវកាសធំៗនានានៅលើ សកលលោកយើងនេះ ដែលគ្រប់គ្នាកំពុងទន្ទឹងរង់ចាំពីមួយជំហានទៅមួយជំហាន។ សម្រាប់យាន Orion ត្រូវការ ពេលវេលាច្រើន ដើម្បីធ្វើការអភិវឌ្ឍប្រកបដោយភាពប្រាកដនិយម ដែលពីដំបូងឡើយអង្គការអវកាសអឺរ៉ុប ESA បានបង្ហាញភាពស្ទាក់ស្ទើរក្នុងការចូលរួមជាមួយ NASA ប៉ុន្តែរឿងនេះត្រូវការពេលវេលាពិភាក្សាគ្នាទៀត៕</span></p>
<p><span style="color: #000000;"><img src="http://marsnews.com/wp-content/uploads/2015/03/HumansOnMars.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>