<div><span style="color: #000000;"><span style="font-size: 12px;">ស្រ្តីជាម្តាយម្នាក់ រស់នៅទីក្រុង Nakhon Rarchasima បានយំរហូតដួលសន្លប់ </span><span style="font-size: 12px;">ក្រោយពីឃើញកូនស្រីរបស់គាត់ ត្រូវរថយន្ដភីកអាប់បោះពួយបុកស្លាប់យ៉ាងអាណោចអធ័ម ខណៈនាងឆ្លងផ្លូវទៅជិះរថយន្ដក្រុង កាលពីព្រឹកថ្ងៃអង្គារ។</span></span></div>
<div><span style="font-size: 12px; color: #000000;">ប៉ូលីស បាននិយាយថា ហេតុការណ៍គ្រោះថ្នាក់ចរាចរណ៍នេះ បានកើតឡើង នៅវេលាម៉ោង ៨:១៥ នាទីព្រឹក លើដងផ្លូវ Mittraparp ទល់មុខភូមិ Moo 1 ក្នុងសង្កាត់ Non Sung ។ </span></div>
<div><span style="font-size: 12px; color: #000000;">ប៉ូលីសបន្ថែមថា អ្នកស្រី Saichon Srichao អាយុ ៤០ ឆ្នាំបានជិះម៉ូតូរបស់គាត់ ទៅយកកូនស្រីឈ្មោះ Chansiniee អាយុ ១៦ ឆ្នាំនៅមុខភូមិ ជាកន្លែងដែលនាងឆ្លងផ្លូវទៅជិះរថយន្ដក្រុងទៅសាលារៀន ក្នុងសង្កាត់ Mueang។ </span></div>
<div></div>
<div><a class="thickbox" title="" href="/FileManager/Commons/2018/8/10/1-10-08-2018--12-35-50.png"><img src="/FileManager/Articles/mce/2018/8/10/1-10-08-2018--12-35-50.png" alt="" /></a></div>
<div><span style="font-size: 12px; color: #000000;"><span style="font-size: 12px;">យុវតី ដែលរងគ្រោះជានិស្សិតឆ្នាំទី២ នៅមហាវិទ្យាល័យបណ្ដុះបណ្ដាវិជ្ជាជីវៈ Nakhon Ratchasima ដោយនាងសិក្សាមុខជំនាញគណនេយ្យ។ ខណៈដែលស្រ្ដីជាម្ដាយ មើលឃើញនាង Chansiniee ឆ្លងផ្លូវ រថយន្ដភីកអាប់បើកបោះពួយមួយគ្រឿង មិនដឹងជាបើកពីណាទេ បានបុកនាងពេញទំហឹង ហើយអូសនាងជាច្រើនម៉ែត្រតាមបណ្ដោយផ្លូវ។ ហើយនាងក៏បានស្លាប់នៅកន្លែងកើតហេតុតែម្តង ។ អ្នកស្រី Saichon បានស្រែកទ្រហោយំរហូតដួលសន្លប់ ជាច្រើនដង បើទោះបីជា អ្នកមានអ្នកជិតខាងជួយរឹតឲ្យដឹងខ្លួនពីសន្លប់វិញក្តី ។ </span></span></div>
<div><span style="color: #000000;">រថយន្ដភីកអាប់ បានឈប់ចម្ងាយប្រហែល ១៥ ម៉ែត្រពីកន្លែងកើតហេតុ ហើយប៉ូលីសបានចាប់ខ្លួនអ្នកបើកបរ ភេទប្រុស បញ្ជូនមកស្ថានីយ៍ប៉ូលីស Non Sung ដើម្បីឱ្យមកទទួលខុសត្រូវចំពោះមុខច្បាប់៕ </span></div>
<div><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/8/11/mekongnet-11-08-2018--10-33-49.PNG" alt="" /></a></div>
<div style="text-align: right;"><span style="color: #000000;">ប្រែសម្រួល៖ សារ៉ាត</span></div>
<div style="text-align: right;"><span style="color: #000000;">ប្រភព៖ Asia News Network</span></div>