<p><span style="color: #000000;"><strong>ភ្នំពេញ៖</strong> ប្រធានាធិបតីសហរដ្ឋអាម៉េរិក លោក បារ៉ាក់ អូបាម៉ា បានកោតសរសើរ ដល់សម្តេច តេជោ ហ៊ុន សែន នាយករដ្ឋមន្រ្តី នៃ ប្រទេសកម្ពុជាដែល ជាវាគ្មិនដ៏ល្អក្នុងការពិភាក្សា គ្នាអំពីបញ្ហានៅស៊ីរី។</span></p>
<p><span style="color: #000000;">ការសរសើររបស់លោក អូប៉ាម៉ា ចំពោះនាយករដ្ឋមន្រ្តីកម្ពុជានេះ បានធ្វើឡើងនៅទី ក្រុងណៃពិដោ ប្រទេសភូមា ដែលសម្តេច បានធ្វើជាវាគ្មិននៅ ក្នុងកិច្ចប្រជុំមួយ កាលពីពេលថ្មីៗនេះ។</span></p>
<p><span style="color: #000000;">នេះជាការលើកឡើងរបស់លោក Daniel Russel ឧបការីរដ្ឋមន្រ្តីការបរទេសអាម៉េរិក ទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក នៅក្នុងកិច្ចជំនួបជាមួយ លោក អ៊ុច បូររិទ្ធិ រដ្ឋលេខាធិការក្រសួង ការបរទេស នៅព្រឹកថ្ងៃទី២៧ ខែមករា ឆ្នាំ២០១៥នាទីស្តីការក្រសួង។</span></p>
<p><span style="color: #000000;">លោក អ៊ុច បូររិទ្ធិបានលើកឡើងពីប្រសាសន៍លោក Daniel Russelថា « លោកអូប៉ាម៉ា បានរំលឹកនូវប្រសាសន៍ របស់សម្តេចដែល បានចាត់ទុកសម្តេចជាវាគ្មិនដ៏ល្អ ក្នុងការពិភាក្សាគ្នា ហើយលោក អូប៉ាម៉ាមានការកោតសរសើរសម្តេច ជាពិសេសឡើងយន្តហោះ ហើយគាត់ងាកមកប្រាប់លោក Daniel ថាសម្តេចមានគំនិតនិងឆន្ទៈនយោបាយ ល្អក្នុងការពិភាក្សាបញ្ហានៅស៊ីរី»។</span></p>
<p><span style="color: #000000;">លោក អ៊ុច បូររិទ្ធិបានមានប្រសាសន៍ថា អាម៉េរិកនៅតែបន្តផ្តល់អាហាររូបករណ៍ដល់ និស្សិតកម្ពុជាដើម្បីឲ្យពួកគេបានទៅបន្តការសិក្សា នៅអាម៉េរិក៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/28/1-28-2015-9-47-01-am-28-01-2015--09-51-53.png"><img src="/FileManager/Articles/mce/2015/1/28/1-28-2015-9-47-01-am-28-01-2015--09-51-53.png" alt="" /></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>