<p><span style="color: #000000;"><strong>(ភ្នំពេញ)៖</strong> គ្រោះថ្នាក់ចរាចរណ៍រវាងរថយន្ដ Audi ពណ៌ស ស៊េរីឆ្នាំ២០១១ ពាក់ស្លាកលេខភ្នំពេញ 2AH-3988 និងម៉ូតូម៉ាក C125 ស៊េរីឆ្នាំ២០១៧ ពីយប់ថ្ងៃទី៤ ខែធ្នូ ឆ្នាំ២០១៦ម្សិលមិញ នៅទល់មុខបុរីអូគឺដេរ តាមផ្លូវ២០០៤ សង្កាត់ទឹកថ្លា ខណ្ឌសែនសុខ ត្រូវបានដោះស្រាយបញ្ចប់ហើយ នៅព្រឹកថ្ងៃទី៥ ខែធ្នូនេះ ដោយភាគីទាំង២ សុខចិត្តយោគយល់យកម៉ូតូ និងរថយន្ដទៅផ្ទះរៀងៗខ្លួន។</span></p>
<p><span style="color: #000000;">ការដោះស្រាយនេះបានធ្វើឡើង នៅការិយាល័យចរាចរណ៍ផ្លូវគោករាជធានីភ្នំពេញ ក្រោមការចូលរួមពីលោកវរសេនីយ៍ទោ សែម គន្ធា នាយរងការិយាល័យ ចរាចរណ៍ជើងគោក ក្រោមការណែនាំពីស្នងការនគរបាលរាជធានីភ្នំពេញ នាយឧត្តមសេនីយ៍ ជួន សុវណ្ណ និងលោក ចេវ ហាក់ នាយការិយាល័យ ចរាចរណ៍ជើងគោក។</span></p>
<p><span style="color: #000000;">សូមបញ្ជាក់ថា គ្រោះថ្នាក់ចរាចរណ៍នេះ បានកើតឡើង នៅពេលអ្នកបើកម៉ូតូ រ៉ន តុលា ធ្វើដំណើរតាមផ្លូវ២០០៤ ក្នុងទិសដៅពីលិចទៅកើត លុះមកដល់មុខបុរីអូគឺដេរ ស្រាប់តែអ្នកបើករថយន្ដ ជានារីម្នាក់បានបត់ចូលបុរី ក៏មានការប៉ះពៀរគ្នាតែម្ដង។</span></p>
<p><span style="color: #000000;">ភ្នាក់ងារ Fresh News ដែលទៅយកព័ត៌មាន នៅកន្លែងកើតហេតុបានឲ្យដឹងថា បន្ទាប់ពីមានរឿងនេះកើតឡើងបានសុំឲ្យភាគីម៉ូតូ សងថ្លៃខូចខាតរថយន្ដខ្លះ ប៉ុន្ដែភាគីម៉ូតូ មិនមានលទ្ធភាពសង ទើបខាងរថយន្ដក៏ឲ្យសន្ដិសុខបុរី អូសម៉ូតូជនរងគ្រោះចូលទៅក្នុង ដែលទង្វើនេះដែលគេអាចនិយាយថា ជាការបំពានច្បាប់ ពីព្រោះខាងភាគីរថយន្ដ មិនមែនជាមន្ដ្រីនគរបាលយុត្តិធម៌ ដូច្នេះគ្មានសិទ្ធិអូសម៉ូតូចូលទៅក្នុងបុរីឡើយ។ ចំពោះការលើកឡើងបែបនេះ ខាងភាគីរថយន្ដ បានបកស្រាយថា ខ្លួនមិនបានប្រាប់ឲ្យសន្ដិសុខយកម៉ូតូចូលក្នុងនោះទេ ប៉ុន្ដែសន្ដិសុខបុរី ដោយមើលឃើញថា នៅកន្លែងកើតហេតុនោះនាំឲ្យស្ទះចរាចរណ៍។</span></p>
<p><span style="color: #000000;">លោក សែម គន្ធា ដែលស្ថិតក្នុងការសម្របសម្រូលនោះ បាននិយាយថា ដើម្បីបញ្ជប់រឿងដោយមានយោគយល់រវាងភាគីទាំង២ ម្ចាស់ម៉ូតូ ឈ្មោះ រ៉ន់ តុលា ក៏បាន សុំទោសដល់ម្ចាស់រថយន្ដ ហើយក៏មិនបានថា ម្ចាស់រថយន្ដទាមទារលុយ១,០០០ដុល្លារនោះទេ។ បន្ទាប់ពីបញ្ចប់នៃការដោះស្រាយនេះភាគីទាំង២ ក៏បានចាប់ដៃគ្នា និងយករថយន្ដនិងម៉ូតូទៅផ្ទះរៀងៗខ្លួន នៅរសៀលថ្ងៃដដែលនេះ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F649732365198558%2F&show_text=0&width=560" frameborder="0" width="500" height="415"></iframe></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-04-10-04-41-1.jpg" alt="" width="500" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-04-10-04-41-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-04-10-04-42-2.jpg" alt="" width="730" /></span></p>
<p> </p>
<p><span style="color: #000000;"><img src="http://image.freshnewsasia.com/2016/019/05/fn-2016-12-04-10-04-42-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-04-10-04-42-4.jpg" alt="" width="730" /></span></p>
<p><span style="color: #000000;"><strong>ជនរងគ្រោះ ដែលជាម្ចាស់ម៉ូតូ ឈរក្បែររថយន្តនគរបាលចរាចរណ៍</strong></span></p>
<p><span style="color: #000000;"><img src="https://fb-s-b-a.akamaihd.net/h-ak-xap1/t31.0-8/15385332_1700215060292858_3769273643397877584_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/15259776_1700215160292848_2247352529227904312_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/15289112_1700215170292847_2790257385123928772_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/15304581_1700215166959514_7860510309782183839_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/15288692_1700215256959505_7456083385884368838_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>