<p><span style="color: #000000;"><strong>(ភ្នំពេញ)៖</strong> ក្រសួងទេសចរណ៍ បានប្រកាសអំពាវនាវ ដល់ប្រតិបត្តិករទេសចរណ៍ ការីទេសចរណ៍ ភ្នាក់ងារទេសចរណ៍ និងមគ្គុទេសក៍ ទេសចរណ៍ទាំងអស់ ត្រូវចូលរួមរៀបចំទស្សនកិច្ច ឱ្យបានល្អប្រសើរសម្រាប់ភ្ញៀវទេសចរជាតិ-អន្តរជាតិ ក្នុងព្រឹត្តិការណ៍ ព្រះអាទិត្យ រះចំកណ្ដាលកំពូលប្រាសាទអង្គរវត្ត ដែលនឹងកើតឡើង នៅចន្លោះ ថ្ងៃទី២២និង២៣ ខែកញ្ញាខាងមុខ។</span></p>
<p><span style="color: #000000;">សេចក្ដីជូនដំណឹងបានបញ្ជាក់ថា បាតុភូតព្រះអាទិត្យរះ ចំកំពូលប្រាសាទអង្គរវត្ត (EQUINOX) កើតឡើងចំនួន២ដងក្នុងមួយឆ្នាំ លើកទី១ នៅក្នុងខែមីនា និងលើកទី២នៅក្នុងខែកញ្ញា។ បាតុភូតនេះ ស្ដែងឱ្យឃើញពីអច្ឆិយភាពនៃប្រាសាទអង្គរ ដែលត្រូវបានបុព្វបុរសខ្មែរ មានការគិតគូអំពីស្ថាបត្យកម្ម និងការផ្សាភ្ជាប់ជាមួយធម្មជាតិ យ៉ាងច្បាស់គួរឱ្យស្ញប់ស្ញែង។</span></p>
<p><span style="color: #000000;">ក្រសួងទេសចរណ៍ ក៏បានស្នើឱ្យភ្នាក់ងារទេសចរណ៍ពាក់ព័ន្ធទាំងអស់់ ត្រូវជួយផ្សព្វផ្សាយបន្តទៅដល់ភ្ញៀវទេសចរជាតិ និងអន្តរជាតិនានា ឱ្យកាន់តែទូលំទូលាយបន្ថែមទៀត ដើម្បីឱ្យព្រឹត្តិការណ៍នេះ ក្លាយជាផលិតផលទេសចរណ៍ដ៏ទាក់ទាញ ដែលជាផ្នែកមួយនៃយុទ្ធនាការ «កម្ពុជាព្រះរាជាណាចក្រអច្ឆរិយៈ ប្រកបដោយភាពកក់ក្ដៅ»៕</span></p>
<p><span style="color: #000000;">សូមអានខ្លឹមសារទាំងស្រុង ក្នុងសេចក្ដីជូនដំណឹងរបស់ក្រសួងទេសចរណ៍ ដូចខាងក្រោម៖</span></p>
<p><span style="color: #000000;"><img src="https://fb-s-a-a.akamaihd.net/h-ak-xal1/t31.0-8/s960x960/14195322_325257257806783_6350410674149641666_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>