<p><span style="color: #000000;"><strong>កំពង់ចាម៖</strong> ព្រោះតែជម្លោះពាក្យសម្តីបានធ្វើឲ្យប្តីចិត្តកំណាច ដាច់ចិត្តទាញពូថៅកាប់ភរិយា ដែលកេង ឱបជាប់ ដើមទ្រូងរាល់ថ្ងៃទាំងកំពុងមានផ្ទៃពោះ ៨ខែ ១៥ថ្ងៃ បណ្តាលឲ្យស្លាប់ក្នុងថ្លុកឈាម។ ក្រោយកាប់សម្លាប់ភរិយា របស់ខ្លួនឲ្យស្លាប់ហើយនោះ បុរសជាប្តី ក៏បានចង់កសម្លាប់ខ្លួនតាមក្រោយផងដែរ។</span></p>
<p><span style="color: #000000;">មន្ត្រីនគរបាលខេត្តកំពង់ចាម បានឲ្យដឹងថា អំពើហិង្សាក្នុងគ្រួសារឈានដល់សោកនាដកម្មក្នុងគ្រួសារនេះ បាន កើតឡើងនៅរសៀលថ្ងៃទី០៦ ខែ វិច្ឆិកា ឆ្នាំ២០១៥ នៅក្រោមផ្ទះក្នុងភូមិព្រែកពោធិ៍ លើឃុំព្រែកពោធិ៍ ស្រុកស្រី សន្ធរ ខេត្តកំពង់ចាម។</span></p>
<p><span style="color: #000000;">លោក ខេង ស្រេង អធិការស្រុកស្រីសន្ធរ បានឲ្យដឹងថា បុរសជាប្តីខាងលើមានឈ្មោះ ធឿន គឹមថេង អាយុ ៣១ ឆ្នាំ ចំណែកភរិយា មានឈ្មោះ ស្រី ណុច អាយុ ៣៨ឆ្នាំ មានផ្ទៃពោះ៨ខែ១៥ថ្ងៃ ត្រូវប្តីកាប់ចំបំពង់ក បណ្តាលឲ្យ ស្លាប់ភ្លាម និងកន្លែងកើតហេតុ។</span></p>
<p><span style="color: #000000;">លោក ខេង ស្រេង បន្តថា ក្រោយធ្វើសកម្មភាពកាប់សម្លាប់ភរិយារួចហើយ បុរសជាប្តីបានយកខ្សែអង្រឹងទៅចងក សម្លាប់ខ្លួនតាមក្រោយផងដែរ។</span></p>
<p><span style="color: #000000;"> លោកអធិការបានបញ្ជាក់ថា មូលហេតុនាំឲ្យកើតនូវអំពើហិង្សានេះ ដោយសារជម្លោះក្នុងគ្រួសារ ប៉ុន្តែលោកមិន បានបញ្ជាក់ថា ផ្តើមចេញមូលហេតុអ្វីឲ្យពិតប្រកដនោះទេ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/7/11-7-2015-11-58-13-am-07-11-2015--12-04-49.png"><span style="color: #000000;"><img src="/FileManager/Articles/mce/2015/11/7/11-7-2015-11-58-13-am-07-11-2015--12-04-49.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/7/11-7-2015-11-58-19-am-07-11-2015--12-04-57.png"><span style="color: #000000;"><img src="/FileManager/Articles/mce/2015/11/7/11-7-2015-11-58-19-am-07-11-2015--12-04-57.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>