<div>
<p><span style="color: #000000;"><strong>(ភ្នំពេញ)៖</strong> តារាចម្រៀងស្រី ដែលធ្លាប់តែល្បីខ្លាំងៗ ប្រចាំប្រទេសចំនួន៥ដួង បន្ទាប់ពីបានចូលជ្រកកោនក្នុងផលិតកម្មតែមួយ ប៉ុន្តែកេរ្តិ៍ពួកនាង ត្រូវបានគេមើលឃើញថា ហាក់នៅតែទ្រឹងមិនលោតឡើង ដូចកាលពួកគេ នៅផលិតកម្មចាស់ ខណៈតារាចម្រៀងខ្លះ មានបទចម្រៀងគួរសម ហើយតារាចម្រៀងខ្លះទៀត ចេញតែប៉ុន្មានបទ រួចក៏ស្ងាត់ឈឹង ។</span></p>
<p><span style="color: #000000;">តារាចម្រៀងស្រីដែលល្បីដាច់គេ ក្នុងដើមឆ្នាំ២០០០ អ្នកនាង យក់ ឋិតរដ្ឋា បានចូលមកជ្រកកោន ក្នុងផលិតកម្ម «ហង្សមាស» ក្នុងអំឡុងឆ្នាំ២០១២ មកទល់នឹងពេលនេះ មានរយៈ៤ឆ្នាំហើយ ដែលនាងបានចូលក្នុងផលិតកម្មដ៏ធំមួយនេះ ។ តារាចម្រៀង យក់ ឋិតរដ្ឋា ពេលចូលមកដំបូងៗ មានបទចម្រៀងច្រើនគួរសម តែក្រោយមក នាងក៏ស្ងាត់ទៅៗ ពិសេសពេលនាង សម្រាកកូនរួចរាល់ ក៏ស្ងាត់ឈឹងតែម្ដង អាល់ប៊ុមដែលប្រុងប្រៀងនឹងចេញ ក៏ហាក់នៅកាន់តែឆ្ងាយ។</span></p>
<p><span style="color: #000000;">ងាកមកមើលនាង ផន នីដា ហៅស្រីខួច អតីតតារាចម្រៀងផលិតកម្មរ៉ុក បានផ្លាស់ប្ដូរទ្រនំ ក្រោយផលិតកម្មដែលបាន ផ្ដល់កំណើតឲ្យនាង បានដួលរំល ។ នាងធ្លាប់តែច្រៀង បទចម្រៀងមិនចំឡង តែក្រោយចូលក្នុងផលិតកម្ម ហង្សមាស នាងក៏ច្រៀងបទចម្រៀងចំឡងគេ បានប៉ុន្មានបទ ក៏នាងស្ងាត់ឈឹង ហើយមានតែបទចម្រៀង ក្នុងពេលចូលឆ្នាំប៉ុណ្ណោះ ឬក៏ស្ទើរតែគ្មានបទចម្រៀង ណាមួយមានគេស្គាល់ទេ ។ ប៉ុន្តែនាងមិនបានត្អូញត្អែអ្វីឡើយ ហើយបានរំពឹងលើបទចម្រៀង ដែលប្រុងប្រៀបចេញចុងក្រោយ ខណៈគេមិនដឹងថា ពេលណានាងមាន បទចម្រៀងថ្មីចេញឡើយ ។</span></p>
<p><span style="color: #000000;">ដោយឡែកស្រីស្រស់ សុន ស្រីពេជ្រ តារាចម្រៀងស្រីរូបនេះ ធ្លាប់ប្រកាសចាកចេញពីផលិតកម្ម ហង្សមាស ដែរ តែនាងមិនទាន់បានចាកចេញទេ ព្រោះអ្វីៗមិនទាន់ច្បាស់លាស់ ស្រីពេជ្រ ធ្លាប់និយាយថា នាងហាក់ត្រូវបានទស្សនិកជនគិតថា ជាតារាចម្រៀងក្នុងផលិតកម្មឬអត់ទេ ព្រោះគ្មានបទចម្រៀងជាច្រើនឆ្នាំមកហើយ ស្ទើរតែភ្លេចថា ខ្លួនជាតារាចម្រៀងក្នុងផលិតកម្ម មួយនេះទៀតផង ។</span></p>
<p><span style="color: #000000;">ចំណែកតារាចម្រៀង សន នាងផល្លីកា តារាចម្រៀងមកពីផលិតកម្ម ប៊ីកមែន បានហក់ចូលផលិតកម្ម ហង្សមាស ប៉ុន្តែមើលទៅរំពឹងទុកថា ពេលនេះនាងនឹងល្បីល្បាញ ជាងផលិតកម្មចាស់ ព្រោះនាងបានជួបជាតារាចម្រៀងប្រុស ដ៏ល្បីល្បាញ លោក ឆន សុវណ្ណរាជ ជាដៃគូថ្មីរបស់នាង តែក្រោយនាងចេញបាន មួយអាល់ប៊ុមជាមួយ លោកឆន សុវណ្ណរាជ ក៏ហាក់ស្ងប់ស្ងាត់ មិនលេចធ្លោរទាល់តែសោះ ។</span></p>
<p><span style="color: #000000;">យ៉ាងណាមិញ តារាចម្រៀងស្រី សុខ សីឡាលីន បានចូលជ្រកកោនក្នុងផលិតកម្ម ហង្សមាស ក្រោយនាង លាង សុផាឡែន ចូលក្នុងផលិតភ្លេងរីខដ តែនាងហាក់មិនសូវល្បីល្បាញ ដូចជំនាន់នាងច្រៀងនៅផលិតកម្ម អឹម ឡើយ។ បទចម្រៀង សុខ សីឡាលីន មិនសូវលេចធ្លោរ ទោះបីនាងមានបទចម្រៀងនិពន្ធថ្មី និងចំឡងជាច្រើនក៏ដោយ តែនាងនៅតែលេចធ្លោ ក្នុងការឡើងច្រៀងតាមស្ថានីយទូរទស្សន៍នានា ព្រោះពូកែរាំ ៕</span></p>
<p style="text-align: center;"><span style="color: #000000;"><img src="https://fbcdn-photos-c-a.akamaihd.net/hphotos-ak-xlt1/v/t1.0-0/s480x480/12805819_235380676794442_5092966443243678974_n.jpg?oh=71682f15de992cc78bfd9169ea4e1e1a&oe=575695B1&__gda__=1464986797_324c4064d5b765e8199f03d4578ef758" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpl1/v/t1.0-9/12799233_235380960127747_6987978133398597676_n.jpg?oh=fcec22d565bc73ebf6b019b1456da353&oe=576F7904" alt="" width="730" /></span></p>
<p style="text-align: center;"><span style="color: #000000;"><strong>តារាចម្រៀង សន នាងផល្លិកា</strong></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlf1/v/t1.0-9/12803154_235380933461083_5821424771871115802_n.jpg?oh=2369936bc7cfde090f4685e5df511b5a&oe=575FFE60" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfl1/v/t1.0-9/12794511_235380980127745_3522599227323357721_n.jpg?oh=7b6047a825c454d16803aa25488a922b&oe=575FCA9C&__gda__=1465002910_8749f2da30bad15b117a2d339b629bfd" alt="" width="730" /></span></p>
<p style="text-align: center;"><span style="color: #000000;"><strong>តារាចម្រៀង យក់ ឋិតរដ្ឋា</strong></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xlt1/v/t1.0-9/12795468_235381043461072_9169859122338111284_n.jpg?oh=266c354cadb6fe7d903cd8503df3a7e4&oe=575E6104&__gda__=1465890069_29ee15540a8a3b0286bcd228a97ccf44" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xlf1/v/t1.0-9/12806199_235380730127770_418416445788855271_n.jpg?oh=833f1d6781b5d53e0cb2b4cb7ec07ae0&oe=5765B41E&__gda__=1466825556_ea09f5f350c2d6ad259b6d8511c2e434" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xla1/v/t1.0-9/12376771_235380763461100_8219102881388346192_n.jpg?oh=0353b3bc36e6f0fa750f2cc6e5ca0c86&oe=575C99E9&__gda__=1465592900_57cf17cb4beb4dfc1e6c2ef432894b68" alt="" width="730" /></span></p>
<p style="text-align: center;"><span style="color: #000000;"><strong>តារាចម្រៀង សុន ស្រីពេជ្រ</strong></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtf1/v/t1.0-9/12795527_235380776794432_7563466960754045880_n.jpg?oh=8592e60d4247140b8b8fd34c34336a08&oe=576271EE&__gda__=1464989365_32a4b85c0a111fd9c565ad8054c3b50b" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/10269597_235380786794431_6888076631154368581_n.jpg?oh=a322025bdfb7dd3439d4cad48db3805b&oe=575D1A69" alt="" width="730" /></span></p>
<p style="text-align: center;"><span style="color: #000000;"><strong>តារាចម្រៀង សុខ សីឡាលីន</strong></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xtl1/v/t1.0-9/12744688_235380886794421_3291037292882720363_n.jpg?oh=14d0b1baa4e0c2a26e12739f1026cd33&oe=5753688E&__gda__=1465774387_2a206ab6940fa819a3c9b0646e297e99" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xla1/v/t1.0-9/12670931_235380976794412_5538389888639310458_n.jpg?oh=95ed883848a59b5f21e2183b3488b550&oe=5751BCDF" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlt1/v/t1.0-9/12800390_235380733461103_2231828980683730974_n.jpg?oh=760316869d2e221243a9ea823b51b1ca&oe=5765AFA5" alt="" width="730" /></span></p>
<p style="text-align: center;"><span style="color: #000000;"><strong>តារាចម្រៀង ផន នីដា ហៅ ស្រីខួច</strong></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlf1/v/t1.0-9/12809747_235380723461104_5303429576936173694_n.jpg?oh=3b2f0b947990ca1f3030237fd1da9aa1&oe=57625E09" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>