<div class="article-content">
<p><strong>បន្ទាយមានជ័យ ៖</strong> ពលរដ្ឋម្នាក់ កំពុងដើរកាន់ឥវ៉ាន់តាមផ្លូវ ត្រូវអាស្ទាវម្នាក់ដែលគេដឹងថា ជាកូន<br />ប្រុសអ្នក មានសមល្មម បានជិះរថយន្តឆាប ហើយកិនឥវ៉ាន់គេកម្ទេចចោល ធ្វើឲ្យជនរងគ្រោះខឹង<br />ចិត្ត បានយកដប ភេសជ្ជៈ M 150 គប់ទៅលើរថយន្ត ជនបង្ក ពេលនោះអ្នកបើកបររថយន្ត បាន<br />ទាញកាំភ្លើងមកភ្ជង់ និង វាយជនរងគ្រោះ រហូតបែកក្បាលហូរឈាមជោកខ្លួន រួចបើករថយន្ត រត់<br />គេខ្លួនដោយសុវត្ថិភាព និងមិន រំខានដល់សមត្ថកិច្ចឡើយ ។</p>
<p>ហេតុការណ៍នេះ បានកើតឡើង ចំពោះជនរងគ្រោះមានឈ្មោះ ឃុន ហាងឡេង ភេទប្រុស អាយុ<br />៤៥ឆ្នាំ មានស្រុកកំណើត នៅខេត្តបាត់ដំបង ទើបមកពីស៊ីឈ្នួល នៅប្រទេសថៃ កាលពីវេលាម៉ោង<br /> ៧និង៣០ នាទីយប់ ថ្ងៃទី៣០ ខែតុលា ឆ្នាំ២០១៣ នៅចំណុចខាងត្បូងរង្វង់មូល ស្រីគ្រប់លក្ខ័ ក្នុង<br />ភូមិ៣ សង្កាត់ ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។ រីឯជនបង្កហេតុ ត្រូវបានគេ<br />ស្គាល់ថា មានឈ្មោះ អាតឿ ភេទប្រុស អាយុជាង២០ឆ្នាំ រស់នៅក្រុងសិរីសោភ័ណ បើកបររថយន្ត<br />ម៉ាកកាមរីសេរី១៩៩៥ ចង្កូត ស្តាំ ពណ៌ស ។</p>
<p>ពលរដ្ឋលក់ដូរ នៅកន្លែងកើតហេតុ ឃើញហេតុការណ៍ផ្ទាល់ភ្នែកបានឲ្យដឹងថា មុនកើតហេតុ គេ<br />បាន ឃើញជនរងគ្រោះឈ្មោះ ឃុន ហាងឡេង បានកាន់ស្បោងដែលមានដាក់ ចាន ឆ្នាំង អង្រឹង <br />ថ្នាំពេទ្យ និង របស់របរប្រើប្រាស់មួយចំនួន បានមកឈប់លើចិញ្ចើមផ្លូវខាងត្បូងរង្វង់មូលស្រីគ្រប់<br />លក្ខ័ ដើម្បីឈរចាំកាក់ រថយន្តជិះទៅខេត្តបាត់ដំបង ស្រាប់តែភា្លមនោះ មានរថយន្តកាម៉ារីមួយ <br />គ្រឿងបើកបរដោយឈ្មោះ តឿ បានមកចតឈប់ និងកិនឥវ៉ាន់របស់ជនរងគ្រោះ ប្រាប់ឲ្យថយក៏<br />មិនថយ បែរជាអ្នកបើកបរបានជេរប្រមាថ ធ្វើឲ្យជនរងគ្រោះ ទាញដបភេសជ្ជៈ M150 គប់ទៅលើ<br />រថយន្តនោះ ហើយជនបង្ក បានចេញពីរថយន្ត ទាញកាំភ្លើងមកភ្ជង់ និងវាយជនរងគ្រោះបែកក្បាល<br /> ហូរឈាមជោកខ្លួន ព្រមទាំងគម្រាមថា (បើខ្លាំង ប្រយ័ត្នបាញ់បែកក្បាល យកខ្មោចបោះចូលទឹក<br />ស្ទឹង) រួចជនសង្ស័យក៏បើករថយន្តគេចខ្លួនបាត់ទៅ។</p>
<p>ជុំវិញករណីនេះ លោក សិទ្ធ ឡោះ ស្នងការរង នៃស្នងការដ្ឋាននគរបាលខេត្តបន្ទាយមានជ័យ បាន<br />ឲ្យដឹង តាមទូរស័ព្ទ នៅថ្ងៃទី៣១ ខែតុលា ឆ្នាំ២០១៣ ថា ចំពោះបញ្ហានេះ សមត្ចកិច្ចកំណត់មុខសញ្ញា<br />បានហើយ ពេលនេះ កំពុងមានចំណាត់ការស្រាវជ្រាវ តាមចាប់ខ្លួនជនសង្ស័យយកមកផ្តន្ទាទោស<br />តាមច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-015/T-0473.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-015/T-0474.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-015/T-0475.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>