<p>នៅក្នុងការពិសោធថ្មីមួយ ក្រុមអ្នកវិទ្យាសាស្ដ្រអាមេរិក បានគន់គូរឃើញនូវអ្វីដែលនឹងកើតឡើង<br /> ក្រោយពីសង្គ្រាមនុយក្លេអែរ។ ភ្លាមៗបន្ទាប់ពីសង្គ្រាមបានកើតឡើង សីតុណ្ហភាពរបស់ផែនដីនឹង<br />ធ្លាក់ចុះ ពី ២ ទៅ ៣អង្សា ចំណែកទឹកភ្លៀងក៏ត្រូវកាត់បន្ថយ ៩%។ ក្រោយមក នឹងមានគ្រោះរាំង<br />ស្ងួត គ្រោះអត់ឃ្លាននៅពាស់ពេញពិភពលោក។ អ្វីដែលគួរឱ្យចាប់អារម្មណ៍នោះគឺ ផែនដីនឹងត្រូវ<br />ចំណាយពេលប្រហែល ១០០០ឆ្នាំ ទើបអាចមានកាសធាតុដូចមុនពេលកើតសង្គ្រាមនុយក្លេអែរ។</p>
<p style="text-align: center;"><a class="thickbox" title="" href="/FileManager/Commons/2014/11/3/nuclear-03-11-2014--17-16-40.jpg"><img src="/FileManager/Articles/mce/2014/11/3/nuclear-03-11-2014--17-16-40.jpg" alt="" /></a></p>
<p><strong>សង្គ្រាមសន្មត់មួយរវាងប្រទេស X និង Y</strong></p>
<p>នៅក្នុងអំឡុងពេលសង្គ្រាមឈានដល់ដំណាក់កាលកំពូល ក្បាលគ្រាប់នុយក្លេអែរចំនួន ១០០<br />គ្រាប់ នឹងត្រូវបានទម្លាក់ចុះលើតំបន់ឥណ្ឌា ក្បាលគ្រាប់និមួយៗមានទំហំស្មើនឹងគ្រាប់បែកបរមា<br />ណូដែលអាមេរិក បានទម្លាក់ទៅលើក្រុង Hiroshima កាលពីសង្គ្រាមលោក លើកទី ២។</p>
<p>ខាងក្រោមនេះ គឺជាអ្វីដែលនឹងកើតឡើង បន្ទាប់ពីគ្រាប់បែកនុយក្លេអែរចំនួន ១០០គ្រាប់ ត្រូវបាន<br />គេប្រើប្រាស់ ៖</p>
<p>១. Carbon ខ្មៅចំនួន ៥លានតោន ដែលជាផលិតផលដុតកំទេចអ្វីៗទាំងអស់ នឹងហោះចូល<br />អាកាស។ Carbon ខ្មៅ នឹងស្រូបយកកំដៅពីព្រះអាទិត្យមួយចំនួនធំ ធ្វើឱ្យកំដៅផែនដីធ្លាក់ចុះ។ <br />Carbon ខ្មៅ ក៏អាចធ្លាក់មកផែនដី តាមរយៈទឹកភ្លៀង។</p>
<p>២. ១ឆ្នាំក្រោយមក កំដៅជាមធ្យមរបស់ផែនដី នឹងថយចុះ ២អង្សា ហើយ ៥ឆ្នាំបន្ទាប់ នឹងថយចុះ <br />៣អង្សា ធៀបនឹងមុនពេលសង្គ្រាមកើតឡើង។ ២០ឆ្នាំក្រោយមក កំដៅផែនដីនឹងកើនឡើង ១<br />អង្សា។</p>
<p>៣. ៥ឆ្នាំបន្ទាប់ពីសង្គ្រាមកើតឡើង កម្រិតទឹកភ្លៀងជាមធ្យមនឹងថយចុះ ៩% ធៀបនឹងធម្មតា។ ២៦<br />ឆ្នាំក្រោយការប្រយុទ្ធគ្នា ទឹកភ្លៀងនឹងតិចជាង ៤,៥% ធៀបនឹងមុនសង្គ្រាម។</p>
<p>៤. ពីឆ្នាំទី ២ ដល់ឆ្នាំ ទី ៦ ក្រោយសង្គ្រាម រដូវដាំដុះនឹងត្រូវបាត់បង់ ពី ១០ ទៅ ៤០ថ្ងៃ យោងទៅ<br />តាមតំបន់។</p>
<p>៥. ជាតិគីមីរបស់ Carbon ខ្មៅ នឹងស៊ីស្រទាប់ ozone របស់ផែនដី។ ៥ឆ្នាំ ក្រោយសង្គ្រាម ស្រទាប់ <br />ozone នឹងស្ដើងជាងបច្ចុប្បន្ន ពី ២០ ទៅ ២៥% ។</p>
<p>៦. ស្រទាប់ ozone ដែលស្ដើង ធ្វើឱ្យស្រទាប់ការពារផែនដីត្រូវថយចុះ ហើយកម្រិតនៃកាំរស្មីរបស់ព្រះអាទិត្យនឹងធ្វើឱ្យមនុស្សត្រូវឈឺច្រើន ដូចជាជម្ងឺមហារីកស្បែកជា<br />ដើម។ល។</p>
<p>៧. នៅក្នុងការពិសោធមួយ កាលពីឆ្នាំ ២០១៣ បង្ហាញថា សង្គ្រាមនុយក្លេអែរ នឹងបណ្ដាលឱ្យ<br />មនុស្សជាង ២ពាន់លាននាក់ត្រូវស្លាប់ដោយសារគ្រោះអត់ឃ្លាន ក្រោយពី គ្រាប់បែកនុយក្លេអែរ <br />១០០គ្រាប់ ត្រូវបានទម្លាក់។</p>
<p>គោលបំណងនៃការសិក្សាស្រាវជ្រាវនេះ គឺដើម្បីអំពាវនាវឱ្យបណ្ដាប្រទេស ឈប់អភិវឌ្ឍអាវុធនុយ<br />ក្លេអែរ។ បច្ចុប្បន្ន គ្រាប់បែកនុយក្លេអែរ ប្រហែលជា ១៧.០០០គ្រាប់ កំពុងត្រូវបានគេរក្សាទុក នៅ<br />គ្រាប់កន្លែងលើផែនដី៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Daily Mail<br /><br /></p>