<div class="article-content">
<p><strong>ភ្នំពេញ ៖</strong> យុវជនម្នាក់ និងបុរសវ័យកណ្តាលម្នាក់ រងរបួសធ្ងន់ធ្ងរសន្លប់ នៅនឹងកន្លែងកើតហេតុ <br />ចំណែកឯ មិត្តភក្តិ ២នាក់ រត់គេចខ្លួនរួច ដោយសារតែ ក្រុមក្មេងអន្ធពាល មួយក្រុមព្រួតគ្នាវាយ <br />យ៉ាងចាស់ដៃ ហើយគេចខ្លួនបាត់អស់ កាលពីលាម៉ោង៨ និង ២០នាទីយប់ ថ្ងៃទី១១ ខែកក្កដា <br />ឆ្នាំ២០១៣ ស្ថិតតាមបណ្តោយ ផ្លូវបេតុង ភូមិជង្រុក សង្កាត់ ត្រ ពាំងក្រសាំង ខណ្ឌពោធិសែនជ័<br /> រាជធានីភ្នំពេញ ។</p>
<p>ប្រភពព័ត៌មាន ពីនគរបាលបានអោយដឹងថា ជនរងគ្រោះមានគ្នា៤នាក់ទី១ ឈ្មោះ ណែត ណាក់ <br />ភេទប្រុស អាយុ ២២ឆ្នាំ រងរបួសបែកមាត់ បាក់ធ្មេញអស់៣ និង បែកក្បាល ពីក្រោយដួលសន្លប់<br />ទី២ឈ្មោះ សូរ សាញ់ ភេទប្រុស អាយុ ៤៣ឆ្នាំ រងរបួសដាច់ស្លឹកត្រចៀក ឆ្វេងផ្នែកខាងក្រោយ<br />ប្រវែង ៤សង់ទីម៉ែត្រ និង រយះក្បាល ពីក្រោយខាងស្តាំ ដួលសន្លប់ឈឹង ទី៣ ឈ្មោះ ស៊ុន ហុង <br />ភេទប្រុសអាយុ២៣ឆ្នាំ ពុំមានរងរបួសអ្នកទាំងបីរស់នៅភូមិត្រពាំងភ្លែល ឃុំម្រោម ស្រុកអង្គជ័យ<br /> ខេត្តកំពត ទី៤ ឈ្មោះ គិត លាភ ភេទប្រុស អាយុ២០ឆ្នាំ រស់នៅភូមិប្រាំយ៉ាម ឃុំប្រាំយ៉ាម ស្រុក<br />ស្រីសន្ធរ ខេត្តកំពង់ចាម រងបួសពកក្បាលពីក្រោយ អ្នកទាំង៤ ជាកម្មករសំណង់ ស្នាក់នៅផ្ទះ<br />ជួលក្បែរ កន្លែងកើតហេតុ ។</p>
<p>សមត្ថកិច្ចបានបន្ថែមទៀតថា មុនកើតហេតុកម្មករទាំង៤នាក់នេះទំនេរពីការងារបាននាំគ្នាទៅស៊ី<br />ផឹកនៅខាងក្រោយម្តុំផ្សារជម្ពូវ័នសង្កាត់ចោមចៅ តាំងពីម៉ោង២រសៀលរហូតដល់វេលាកើតហេតុ<br /> អ្នកទាំងបួនស្រវឹង រៀងខ្លួន នាំគ្នាដើរត្រឡប់មកកន្លែង ស្នាក់នៅវិញ ស្រាប់តែ មានយុវជនមួយ<br />ក្រុមផ្សេងទៀតមានគ្នា៣នាក់ មិនស្គាល់អត្តសញ្ញាណជិះម៉ូតូ២គ្រឿងមិនស្គាល់ម៉ាក មិនចាំស្លាក<br />លេខ ជិះមកពីក្រោយជេរប្រមាថ ទៅលើក្រុមកម្មករសំណង់ដោយចោទថាដើរ ពាសពេញទូទាំង<br />ផ្លូវក្រុមកម្មករឮដូច្នោះក៏មានការតបតវិញ ធ្វើឲ្យក្មេងពាលទាំងបីនាក់ ផ្ទុះកំហឹងរហូតដេញវាយ<br />តប់គ្នាយ៉ាងអនាធិបតេយ្យបណ្តាលឲ្យក្រុមកម្មករ សំណង់រងរបួស២នាក់ដួលសន្លប់ឈឹង ភ្លាមៗ<br />នគរបាលមូលដ្ឋានចុះទៅដល់កន្លែងកើតហេតុដើម្បីអន្តរាគមន៍ប៉ុន្តែជនសង្ស័យបានជិះម៉ូតូគេច<br />ខ្លួនបាត់ អស់ ទើបហៅរថយន្តសង្គ្រោះ របស់អង្គភាព៧១១ កងពលតូច លេខ៧០ ដឹកយកទៅ<br />កាន់មន្ទីរព្រះកសុមៈហៅមន្ទីរពេទ្យលោកសង្ឃ ដើម្បីជួយសង្រ្គោះអាយុជីវិតបន្ទាន់ ។</p>
<p>ចំណែកឯក្រុមបង្កវិញ នគរបាលកំពុងតែធ្វើស្រាវជ្រាវនិង ឃាត់ខ្លួនដើម្បីយកមកផ្តន្ទាទោសទៅ<br />តាមផ្លូវ ឲ្យខាងតែបាន៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0535.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0531.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0533.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0532.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0534.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>