<p><span style="color: #000000;"><strong>(ម៉ានីល)៖</strong> អធិរាជប្រដាល់សកល Manny Pacquiao បានសាងប្រវតិ្តសាស្រ្តដ៏គួរឲ្យភ្ញាក់ផ្អើលទាំងនៅលើសង្វៀនប្រដាល់ និងលើឆាកនយោបាយ នៃប្រទេសហ្វីលីពីនរហូតដល់បច្ចុប្បន្ន បើទោះបីជាមានវ័យ ៣៧ឆ្នាំហើយក៏ដោយ។</span></p>
<p><span style="color: #000000;">ខាងក្រោមនេះ អង្គភាពព័ត៌មាន Fresh News សូមលើកយកប្រវត្តិត្រួសៗរបស់ Manny Pacquiao ដោយដកស្រង់ចេញពីសារព័ត៌មាននានា និងគេហទំព័រ Wikileaks ស្របពេលរូបគេជិតឡើងវ៉ៃដណ្តើមខ្សែក្រវាត់ទម្ងន់មធ្យម WBO ពីជើងខ្លាំង Jessie Vargas ព្រឹកថ្ងៃអាទិត្យ ទី០៦ ខែវិច្ឆិកាខាងមុខនេះ។</span></p>
<p><span style="color: #000000;"><img src="http://photo.boxingscene.com/uploads/pacquiao-vargas%20(12).jpg" alt="" width="730" /></span></p>
<p><span style="color: #000000;"><strong>១៖ កុមារភាព និងជីវិតផ្ទាល់ខ្លួន</strong></span><br /><span style="color: #000000;">លោក Manny Pacquiao បានកើតនៅថ្ងៃទី១៧ ខែធ្នូ ឆ្នាំ១៩៧៨ នៅក្នុងសង្កាត់ Kibawe ស្ថិតក្នុងទីក្រុង Bukidnon ប្រទេសហ្វីលីពីន ជាកូនទី៤ ក្នុងចំណោមបងប្អូន៦នាក់ ក្នុងគ្រួសាររបស់លោក Rosalio Pacquiao និងអ្នកស្រី Dionisia Dapidran-Pacquiao ដែលពួកគេបានចែកផ្លូវគ្នា (លែងលះ) កាលពី Pacquiao នៅរៀនថ្នាក់ទី៦ម្ល៉េះ ដោយសារតែឪពុកមានស្រីថ្មី។ Pacquiao បានរៀបការនៅខែឧសភា ឆ្នាំ២០១០ ជាមួយនាង Jinkee Jamora ដែល រហូតមកទល់នឹងពេលនេះ ពួកគេមានកូន៥នាក់។</span></p>
<p><span style="color: #000000;"><img src="http://newscentral.ph/wp-content/uploads/2016/04/Manny-Pacquiao-family-Image-from-Manny-Pacquiao-Facebook-page-e1460624639708.jpg" alt="" width="730" /></span></p>
<p><span style="color: #000000;"><strong>២៖ ការសិក្សា</strong></span><br /><span style="color: #000000;">លោក Manny Pacquiao មិនបានរៀនចប់កម្រិតវិទ្យាល័យឡើយ (High School) ដោយសារតែបញ្ហាជីវភាពគ្រួសារខ្វះខាត និងបង្ខំចិត្តចាកចេញពីផ្ទះតាំងពីអាយុ ១៤ឆ្នាំមកម្ល៉េះ តែរហូតដល់ឆ្នាំ២០០៧ បានប្រឡងបញ្ចប់ថ្នាក់វិទ្យាល័យជាប់ជាស្ថាពរ ដើម្បីមានសិទ្ធិរៀននៅសាកលវិទ្យាល័យ ជំនាញគ្រប់គ្រងសេដ្ឋកិច្ច នៅសាកលវិទ្យាល័យ Notre Dame of Dadiangas (NDDU)។ នៅថ្ងៃទី១៨ ខែកុម្ភៈ ឆ្នាំ២០០៩ Pacquiao បានទទួលប័ណ្ណសរសើរពីសាកលវិទ្យាល័យ Southwestern University (SWU) អំពីជីវិតជោគជ័យក្នុងវិស័យប្រដាល់សកល និងសកម្មភាពមនុស្សធម៌ផ្សេងៗ។</span></p>
<p><span style="color: #000000;"><img src="http://philboxing.com/news/pix/dr.pac.04.400w.jpg" alt="" width="730" /></span></p>
<p><span style="color: #000000;"><strong>៣៖ អាជីពប្រដាល់</strong></span><br /><span style="color: #000000;">ស្ថិតក្នុងវ័យ១៤ឆ្នាំដ៏ក្មេងខ្ចី ជីវិតរបស់ Pacquiao បានរសាត់អណ្តែតដល់ទីក្រុង Manila ប្រទេសហ្វីលីពីនដដែល ដោយដេកនៅតាមដងវិថី និងសំយ៉ាបផ្ទះ របស់គេគួរឲ្យសង្វេគ មុនពេលចូលហាត់ប្រដាល់ដំបូងទាំងក្មេងខ្ចី ដែលស្ថិតក្រោមការចំណាយរបស់រដ្ឋាភិបាលហ្វីលីពីនផ្ទាល់តែម្តង ដោយបានឡើងវ៉ៃក្នុង កម្មវិធីផ្សេងៗបានចំនួន ៦៤ដង ឈ្នះ ៦០ដង និងចាញ់តែ៤ដងប៉ុណ្ណោះ។</span></p>
<p><span style="color: #000000;">ដោយសារតែភាពលេចធ្លោវ៉ៃមិនដែលចាញ់ Pacquiao ត្រូវបានមិត្តជិតស្និទ្ធរបស់គេម្នាក់ឈ្មោះ Euene Barutag បាន Promote ក្លាយជាអ្នកប្រដាល់អាជីព ចាប់តាំងពីឆ្នាំ១៩៩៥មក ដែលមានអាយុទើបតែ១៦ឆ្នាំប៉ុណ្ណោះ មានទម្ងន់ និងឡើងប្រកួតផ្លូវការដំបូងនាថ្ងៃទី២២ ខែមករា ឆ្នាំ១៩៩៥ ដោយបានវាយឈ្នះកីឡាករ Edmund Ignacio ដោយពិន្ទុ មិនឯកច្ឆន្ទ។</span></p>
<p><span style="color: #000000;"><img src="http://i4.mirror.co.uk/incoming/article5597263.ece/ALTERNATES/s1023/Manny-Main.jpg" alt="" width="730" /></span></p>
<p><span style="color: #000000;"><strong>៤៖ ជើងឯកខ្សែក្រវាត់</strong></span><br /><span style="color: #000000;">ចាប់ពីឆ្នាំ១៩៩៥មក ពោលគឺ Manny Pacquiao បានវិវត្តន៍ខ្លួនក្លាយជាកីឡាករប្រដាល់អាជីព (Professional Boxer) ដោយធ្លាប់ឡើងប្រកួតបាន៦៦ដង ឈ្នះ៥៨ដង ស្មើ២ដង និងចាញ់៦ដង (សន្លប់៣ដង និងចាញ់ដោយពិន្ទុ៣ដង) ធ្លាប់ផ្តួលដៃគូឲ្យសន្លប់នៅលើទីលានបាន៣៨ដង ដោយមានចម្ងាយវាយចេញ ១.៧៩សង់ទីម៉ែត្រ (cm)។</span></p>
<p><span style="color: #000000;">បុរសកូន៥នាក់ កម្ពស់១.៦៩ម៉ែត្រ Pacquiao បច្ចុប្បន្នជាកីឡាករប្រដាល់អាជីពឈរនៅចំណាត់ថ្នាក់លេខ២ ពិភពលោក ដោយលេខ១ Floyd Mayweather ដែលកំពុងកាន់ខ្សែក្រវាត់ពិភពលោក WBC ក្នុងដៃ។ Pacquiao ក៏ជាកីឡាករលេខ១ ប្រចាំទ្វីបអាស៊ី និងជានិមិ្មតរូបរបស់ប្រទេសហ្វីលីពីនថែមទៀតផង។ មួយវិញទៀត Pacquiao ក៏ជាកីឡាករដែលមានតម្លៃខ្លួនថ្លៃលេខ២លើលោកផងដែរ ដោយក្នុង១ឆ្នាំឡើងវាយតែ១ដង យ៉ាងច្រើនតែ២ដងប៉ុណ្ណោះ ឆ្នាំខ្លះទៀត អត់ក៏មានដែរ។</span></p>
<p><span style="color: #000000;"><img src="http://www4.cdn.sherdog.com/_images/pictures/20150503122911_011_Floyd_Mayweather_vs_Manny_Pacquiao.JPG" alt="" width="730" /></span></p>
<p><span style="color: #000000;">លោក Manny Pacquiao ជាកីឡាករតែមួយគត់ដែលបានគ្រប់គ្រងខ្សែក្រវាត់ពិភពលោក៨សម័យកាលជាប់ៗគ្នា និងជាជើងឯក ៥ប្រភេទទម្ងន់ផ្សេងគ្នាថែមទៀតផង ដោយបានយកឈ្នះ១០ដង ក្នុងការឡើងវាយជាលក្ខណៈលំដាប់ ពិភពលោក។ Pacquiao ដែលមានរហស្សនាមថា «Pacman» ត្រូវបានគេប្រសិទ្ធិនាមថា «Fighter of the Decade» (ស្តេចប្រដាល់ប្រចាំទសវត្សរ៍) ក្នុងឆ្នាំ២០០០មក ដោយខ្សែក្រវាត់ធំៗ WBA, WBO និង WBC រូបគេធ្លាប់ឈ្នះទាំងអស់។</span></p>
<p><span style="color: #000000;"><img src="http://images.sportsworldnews.com/data/images/full/4732/manny-pacquiao-bob-arum.jpg" alt="" width="730" /></span></p>
<p><span style="color: #000000;">Pacquiao បានឈានជើងចូលឆាកនយោបាយនៃប្រទេសហ្វីលីពីនតាំងពីខែឧសភា ឆ្នាំ២០១០ និងត្រូវបានប្រជាជន បោះឆ្នោតគាំទ្រឈ្នះបាន១កៅអី ក្នុងសភាផងដែរ នៃការបោះឆ្នោតសកលកាលពីខែឧសភា ឆ្នាំ២០១៦ ក្នុងអាណត្តិ៦ឆ្នាំ រហូតដល់ឆ្នាំ២០២២៕</span></p>
<p><span style="color: #000000;"><img src="http://i2.mirror.co.uk/incoming/article8010469.ece/ALTERNATES/s615b/Senator-Manny-Pacquiao.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>