<p>មិនយូរប៉ុន្មានបន្ទាប់ពីឡើងកាន់កាប់តំណែងអគ្គនាយកប្រតិបត្តិនៃទីភ្នាក់ងារអវកាសអឺរ៉ុប (ESA)<br />សាស្ដ្រាចារ្យ Johann-Dietrich Woerner ប្រកាសអំពីការស្នើឱ្យបង្កើតភូមិមួយនៅលើឋានព្រះចន្ទ ដោយមានការរួមសហការពីបណ្ដាប្រទេសក្នុងពិភពលោក។</p>
<p style="text-align: center;"><a class="thickbox" title="" href="/FileManager/Commons/2015/7/19/moon1-19-07-2015--09-11-38.jpg"><img src="/FileManager/Articles/mce/2015/7/19/moon1-19-07-2015--09-11-38.jpg" alt="" /></a></p>
<p>លោក Johann-Dietrich Woerner ថ្លែងថា ៖ "យើងគួរតែសម្លឹងមើលអនាគតដែលឆ្ងាយពីស្ថានីយ<br />អវកាសអន្តរជាតិ។ យើងគួរតែមានស្ថានីយអវកាសតូចជាង និងហោះហើរទាបជាង ISS ដើម្បី<br />ស្រាវជ្រាវអំពីទំនាញខ្នាតទាប ហើយខ្ញុំស្នើឱ្យមានការសាងសង់ភូមិមួយនៅលើឋានព្រះចន្ទ"។</p>
<p>ភូមិមួយនេះ មិនត្រឹមតែមានផ្ទះពីរបីខ្នង វិហារ ឬអគាររដ្ឋបាលនោះទេ តែវាត្រូវតែជាកន្លែង<br />សហការនៃបណ្ដាដៃគូក្នុងពិភពលោក ដើម្បីរួមចំណែកក្នុងការអភិវឌ្ឍដោយមនុស្សយន្ត ដោយ<br />អវកាសចរ ឬផ្កាយរណបទូរគមនាគម។</p>
<p>មេដឹកនាំ ESA យល់ថា ការវិលត្រឡប់មកឋានព្រះចន្ទ គឺមានប្រយោជន៍សំខាន់ ទន្ទឹមនឹងនេះ វាក៏ជាឈ្នាន់ដើម្បីឱ្យមនុស្សបន្តស្រាវជ្រាវទៅលើប្រព័ន្ធព្រះអាទិត្យ។ លោងអះអាងថា មុននឹង<br />ឡើងទៅកាន់ភពព្រះអង្គារ យើងអាចយកឋានព្រះចន្ទធ្វើជាកន្លែងពិសោធសម្រាប់គម្រោង<br />នានា ដូចជាការបំពាក់ប្រព័ន្ធបោះពុម្ភ 3D ខ្នាតយក្ស។ល។</p>
<p style="text-align: center;"><a class="thickbox" title="" href="/FileManager/Commons/2015/7/19/moon2-19-07-2015--09-12-39.jpg"><img src="/FileManager/Articles/mce/2015/7/19/moon2-19-07-2015--09-12-39.jpg" alt="" /></a></p>
<p>គេត្រូវប្រើពេលត្រឹមតែ ៤ប៉ុណ្ណោះ ដើម្បីធ្វើដំណើរពីពីផែនដីទៅកាន់ឋានព្រះចន្ទ ដែលនេះគឺជារយៈចម្ងាយដ៏ល្អមួយសម្រាប់មនុស្សសាកល្បងរស់នៅលើទីកន្លែងដែលមិនធ្លាប់ជួប មុន<br />នឹងទៅរស់នៅលើភពព្រះអង្គារដែលគេត្រូវចំណាយពេល ៦ខែ ទើបទៅដល់។</p>
<p>តាមគម្រោង ភូមិនៅលើឋានព្រះចន្ទនេះ នឹងក្លាយជាមូលដ្ឋានពហុប្រទេស ដែលមានការចូល<br />រួមពីមហាអំណាចជាច្រើន ក្នុងនោះមានរុស្សី និងចិនផងដែរ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Tech Times‎</p>