<p>មនុស្សយើងអាចនៅមានជីវិតបានប៉ុន្មានថ្ងៃ ប្រសិនមិនមានអាហារ មិនមានទឹក? តើអ្នកធ្លាប់បាន<br />សួរខ្លួនឯងអំពីប្រការនេះ?</p>
<p style="text-align: center;"><a class="thickbox" title="" href="/FileManager/Commons/2013/11/23/food-and-water-120130102084108-23-11-2013--09-23-56.jpg"><img src="/FileManager/Articles/mce/2013/11/23/food-and-water-120130102084108-23-11-2013--09-23-56.jpg" alt="" /></a></p>
<p><br />គេនិយាយថា មនុស្សយើងអាចអត់អាហារបាន ៣សប្ដាហ៍ និងអត់ទឹកបាន ៣ថ្ងៃ មុនពេលស្លាប់។ <br />ប៉ុន្ដែការពិត លទ្ធភាពនេះ គឺមានតិចខ្លាំងណាស់។ ប្រសិនសាកល្បងអត់បាយ ១២ម៉ោង អ្នកនឹង<br />ឃ្លានរហូតដល់ញ័រដៃ ញ័រជើង រកធ្វើអ្វីស្ទើរមិនបាន។ សមត្ថភាពអត់អាហាររបស់មនុស្ស មាន<br />រយៈពេលការខុសៗគ្នា និងយោងទៅតាមកត្ដាជាច្រើន ក្នុងនោះ កត្ដាកម្លាំងចិត្ត សំខាន់ជាងគេ។<br /><br /><strong>១/ ខ្វះអាហារ</strong><br /><br />នៅក្នុងការស្រាវជ្រាវមួយ បង្ហាញថា មនុស្សអាចនៅមានជីវិត ៨សប្ដាហ៍ ដោយញ៉ាំតែទឹក មិនញ៉ាំ<br />អាហារ ប៉ុន្ដែ ក៏មានមនុស្សខ្លះអាចមានឆ្លងផុតពី ៨សប្ដាហ៍ ហើយក៏មានអ្នកខ្លះ ត្រឹមតែពីរ បីថ្ងៃ <br />ក៏បាត់បង់ជីវិត។ ប្រការនេះ អាស្រ័យលើស្ថានភាពសុខភាព ក្នុងនោះ អ្នកមានកម្លាំងខ្លាំង មនុស្ស<br />ធាត់ អាចរស់នៅបានយូរជាង អ្នកស្គម។ រាងកាយរបស់មនុស្សធាត់តែងមានរក្សាទុកនូវថាមពល<br />បម្រុង។ ដូច្នេះ នៅពេលមិនមានអាហារ រាងកាយនឹងស្រូបយក carbonhydrate ដែលរក្សាទុកក្នុង<br />ថ្លើម និងសាច់ដុំ ក្រោយមកគឺជាតិខ្លាញ់ និងចុងក្រោយគឺប្រូតេអ៊ីន ក្នុងរាងកាយ។ ប្រសិនអ្នកត្រូវ<br />ឃ្លានរហូតដល់ ត្រូវប្រើប្រាស់ប្រូតេអ៊ីន ក្នុងរាងកាយ ពេលនោះសុខភាពរបស់អ្នកប្រាកដជាត្រូវ<br />ទ្រុឌទ្រោម។<br /><br />នៅពេលឃ្លាន អ្នកនឹងមានអារម្មណ៍ហេវហត់ អស់កម្លាំង រន្ធត់ ញ័រដៃជើង ធុញទ្រាន់។ល។ បន្ទាប់<br />មក វិញ្ញាណទាំងឡាយ មានភ្នែក អណ្ដាត ត្រចៀកជាដើម ក៏ចាប់ផ្ដើមថយកម្លាំង រមួលពោះ រមួល<br />សាច់ដុំ ស្រមើស្រមៃ ហើយចង្វាក់បេះដូង ចាប់ផ្ដើមលោតខុសធម្មតា។</p>
<p style="text-align: center;"><a class="thickbox" title="" href="/FileManager/Commons/2013/11/23/mohandas-k-gandhi-23-11-2013--09-09-45.jpg"><img src="/FileManager/Articles/mce/2013/11/23/mohandas-k-gandhi-23-11-2013--09-09-45.jpg" alt="" width="401" height="518" /></a></p>
<p style="text-align: center;"><em>អ្នកស្នេហាជាតិ ឥណ្ឌា Mohandas K. Gandhi</em></p>
<p><br />ភ័ស្ដុតាងមួយបង្ហាញអំពីសមត្ថភាពនៃការអត់អាហារ នោះគឺរឿងរ៉ាវបាតុកម្មរបស់អ្នកស្នេហាជាតិ<br />ឥណ្ឌា Mohandas K. Gandhi ។ គាត់អាចអត់អាហារបានរហូតដល់ ២១ថ្ងៃ ប៉ុន្ដែនេះមិនមែនជា<br />ឯតទគ្គកម្មក្នុងការអត់អាហារនោះទេ។ ឆ្នាំ ១៩៨១ ទាហានរបស់សាធារណរដ្ឋ Ireland ដែលត្រូវ<br />បានចាប់ឃុំខ្លួននៅអង់គ្លេស បានធ្វើការតវ៉ា ដោយការអត់អាហារ ជារៀងរាល់ថ្ងៃ ពួកគេផឹកតែទឹក<br />បន្ដិចប៉ុណ្ណោះ គឺមិនប៉ះពាល់អាហារសូម្បីតែបន្ដិច។ នាយករដ្ឋមន្ដ្រីអង់គ្លេសកាលណោះ គឺលោក <br />Margaret Thatcher បានសម្រេចមិនចុះចាញ់ក្រុមទាហាននេះ។ ជាលទ្ធផល ទាហានចំនួន ១០<br />នាក់ បានអត់អាហាររហូតដល់ស្លាប់ ក្នុងនោះ Kieran Doherty គឺជាអ្នកដែលបានស្លាប់ក្រោយគេ <br />ដោយគាត់អាចរក្សាជីវិតបាន ៧៣ថ្ងៃ ក្រោយការអត់អាហារ។<br /><br /><strong>ខ្វះទឹក</strong></p>
<p>មនុស្សអាចរស់បានយូរថ្ងៃ ដោយអត់អាហារ ប៉ុន្ដែប្រសិនមិនមានទឹក នោះមនុស្សនឹងស្លាប់ក្នុង<br />រយៈពេលដ៏ខ្លី។ ក្មេងទុកចោលក្នុងរថយន្ដ ឬកម្មករធ្វើការក្រោមកំដៅថ្ងៃ ពួកគេនឹងអាចរស់បាន<br />បី បួនម៉ោង ប្រសិនមិនមានទឹក។</p>
<p style="text-align: center;"><a class="thickbox" title="" href="/FileManager/Commons/2013/11/23/food-and-water-3-23-11-2013--09-20-10.jpg"><img src="/FileManager/Articles/mce/2013/11/23/food-and-water-3-23-11-2013--09-20-10.jpg" alt="" /></a></p>
<p style="text-align: center;"><em>ប្រយោជន៍របស់ទឹក ចំពោះរាងកាយ</em></p>
<p><br />រាងកាយរបស់មនុស្ស ប្រើប្រាស់ទឹកសម្រាប់មុខងារជាច្រើន ដូចជារក្សាសំណើមក្នុងមាត់ ភ្នែក<br /> និងនាំជាតិបំប៉ន និងអ៊ុកស៊ីហ្សែនចូលទៅក្នុងរាងកាយ។ល។ នៅពេលខ្វះជាតិទឹក រាងកាយនឹង<br />កាត់បន្ថយការបញ្ចេញទឹកមាត់ ហើយទឹកនោម មានពណ៌លឿង និងពណ៌ចម្លែកៗរួមនិងក្លិន<br />អាក្រាក់ កាន់តែខ្លាំងទៅៗ។ <br /><br />នៅពេលខ្វះទឹកធ្ងន់ធ្ងរ អ្នកនឹងមិនមានទឹកនោម មានអារម្មណ៍រវើរវាយ មួម៉ៅ ក្អួត និងរាក។ សញ្ញា<br />នៃការខ្វះទឹកដំណាក់កាលចុងក្រោយ គឺស្រកទម្ងន់ ស្គមឃើញតែឆ្អឹង។<br /><br />មនុស្សអាចរស់បាន ពី ៣ ទៅ ៥ថ្ងៃ ប្រសិនមិនបានផឹកទឹក ហើយវាក៏អាស្រ័យទៅលើសុខភាពរាង<br />កាយមនុស្សម្នាក់ៗ។ យោងតាមការពិសោធ អ្នកគួរញ៉ាំទឺកឱ្យបាន ពីរ ២ ទៅ ៣លីត្រក្នុងមួយថ្ងៃ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/26097/why-do-indians-love-gold"><span style="color: #3366ff;">ហេតុអ្វី មាសត្រូវបានជនជាតិឥណ្ឌា ប្រើប្រាស់ច្រើន ជាងគេ?</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/17032/10-common-nightmares-explained"><span style="color: #3366ff;">យល់សប្ដិឃើញខ្មោច ឬបាក់ធ្មេញ នឹងមានអត្ថន័យ យ៉ាងណា?</span></a></span></p>
<p><span style="color: #3366ff;"><a href="/News/Detail/81056/general-knowledge"><span style="color: #3366ff;">ហេតុផលទាំង៩ ដែលបុរស ចូលចិត្តសម្លឹង និងចង់ប៉ះសុដន់ស្ត្រី</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ KH<br /><br /></p>