<div class="article-content">
<p><strong>កណ្តាលៈ </strong>ជនសង្ស័យម្នាក់ ត្រូវបានកម្លាំងសមត្ថកិច្ច ធ្វើការឃាត់ខ្លួន បន្ទាប់ពីបានទាញកាំបិតផ្គាក់ គំរាមកាប់ឪពុក ដោយសារតែខឹងទារលុយពីម្តាយចាយមិនបាន ហើយម្តាយមិនឲ្យម៉ូតូជិះ ។ ហេតុការណ៍នេះ បានកើតឡើង កាលពីវេលាម៉ោង១៤ និង១០នាទី ថ្ងៃទី៧ ខែសីហា ឆ្នាំ២០១៤ នៅចំណុចភូមិគិរី ឃុំសំរោងលើ ស្រុកអង្គស្នួល។</p>
<p>ជនសង្ស័យ ឈ្មោះ វាសនា វ៉ាន់នី ភេទប្រុស អាយុ២៥ឆ្នាំ មុខរបរមិនពិតប្រាកដ រស់នៅភូមិគិរី ឃុំសំរោងលើ ស្រុកអង្គស្នួល ខេត្តកណ្តាល ។ ចំណែកជនរងគ្រោះ ឈ្មោះកេត ម៉ាន អាយុ៥២ឆ្នាំ របរកសិករ រស់នៅជាមួយជនសង្ស័យ ។</p>
<p>ប្រភពព័ត៌មានបានឲ្យដឹងថា នៅមុនពេលកើតហេតុ ជនសង្ស័យបានខឹង និងម្តាយមិនអោយលុយចាយ ហើយមិនអោយម៉ូតូជិះ ក៏យកកាំបិតផ្គាក់កាន់ ហើយស្រែកគំរាម រកកាប់ឪពុក វេលាម៉ោង៨ព្រឹកម្តង រួចដើរទៅបាត់លុះវេលាម៉ោង១៤និង១០នាទី គំរាមម្តងទៀត ទើបជនរងគ្រោះជាឪពុក និងម្តាយមកប្តឹង សមត្ថកិច្ចតែម្តង ៕</p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00413.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00412.jpg" alt="" width="550" /></p>
</div>
<p style="text-align: right;"><a href="http://dap-news.com/2011-06-14-02-39-55/92348-2014-08-07-17-16-05.html" target="_blank">ផ្តល់សិទ្ធដោយ ៖ ដើមអម្ពិល</a></p>