<div class="article-content">
<p><strong>ភ្នំពេញ ៖</strong> បុរសម្នាក់ បានស្លាប់ បាត់បង់ជីវិត យ៉ាងអាណោចអាធ័ម នៅនឹងកន្លែងកើតហេតុ <br />ខណៈរូបគេ ដើរឆ្លងផ្លូវរក ទិញបាយហូប នៅពេលល្ងាច កាលពីវេលាម៉ោង៥ និង៤៤នាទី ថ្ងៃ<br />ទី២៤ ខែកក្កដា ឆ្នាំ២០១៣ នៅតាមបណ្តោយ ផ្លូវលេខ ២៧១ មុខមន្ទីរពេទ្យរុស្ស៊ី សង្កាត់ទំនប់<br />ទឹក ខណ្ឌចំការមន រាជធានីភ្នំពេញ។</p>
<p>នគរបាលមូលដ្ឋាន ដែលចុះទៅដល់កន្លែងកើតហេតុ បានឲ្យដឹងថា បុរសដែលស្លាប់ក្នុងគ្រោះ<br />ថ្នាក់ ចរាចរណ៍ ខាងលើនេះមានឈ្មោះ ទ្រី សុខុម ភេទប្រុស អាយុ៣២ឆ្នាំ មានទីលំនៅ ខេត្ត<br />ព្រៃវែង ។</p>
<p>អ្នកឃើញហេតុការណ៍ បាននិយាយថា មុនពេលកើតហេតុ គេឃើញជនរងគ្រោះ ចេញពីក្នុងមន្ទីរ<br />ពេទ្យរុស្ស៊ី ហើយដើរឆ្លងផ្លូវ ទៅម្ខាង ស្រាប់តែមានរថយន្តកុងតឺន័រ ដឹកទំនិញមួយគ្រឿងម៉ាកហ៊ីណូ <br />ពណ៌ស ពាក់ ស្លាកលេខ ភ្នំពេញ 3A-2000 បើកបរដោយបុរសម្នាក់ មិនស្គាល់អត្តសញ្ញាណ តាម<br />បណ្តោយផ្លូវលេខ២៧១ ក្នុងទិសដៅពីលិចទៅកើត ដោយរថយន្តបើកលឿនពេក ក៏បានបុកជន<br />រងគ្រោះដួល បន្ទាប់មកបាន កិនពីលើ ឈ្មោះ ទ្រី សុខុម ដោយជនរងគ្រោះនៅក្រោម កង់ក្រោយ<br />រថយន្ត ស្លាប់នៅនឹងកន្លែងកើតហេតុ យ៉ាង អាណោចអាធ័មបំផុត។</p>
<p>បន្ទាប់ពីកើតហេតុអ្នកបើករថយន្ត បង្កបានចុះរត់គេចខ្លួនបាត់ ដោយទុករថយន្តចោលនៅ នឹង<br />កន្លែងកើតហេតុ។ សមត្ថកិច្ចបានបញ្ជាក់ថា ម៉ូតូជនរងគ្រោះ និងរថយន្តបង្កហេតុ ត្រូវបានសមត្ថ<br />កិច្ចធ្វើការវាស់វែងអូស យកទៅ រក្សាទុក នៅការិយាល័យចរាចរណ៍ ជើងគោករាជធានីភ្នំពេញ <br />រង់ចាំដោះស្រាយតាមផ្លូវច្បាប់ ។</p>
<div id=":1wp">ចំណែកសពត្រូវបានប្រគល់ឲ្យក្រុមគ្រួសារទទួលយក ទៅធ្វើបុណ្យតាមប្រពៃណី នៅស្រុក<br />កំណើត ៕</div>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-1068.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-1067.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-1069.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-1066.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>